الموضوع: استفسار من اهل دبي

السلام عليكم يا اهل الكويت الطيبين..

عيدكم مبارك مقدما.:106:

الله يسلمكم انا ناويه في اجازه الربيع ازور الكويت مع الاهل ان شاء الله.

ومن الحين قاعده اجهز حق هذي السفره ..بس بغيت استفسر عن الفنادق في الكويت.
ممكن حد يقولي اسم فنادق رخيصه ويكون موقعها حلو.لانه صراحه انا يمكن بس انقضي اسبوع في الكويت.
فما نبغي نصرف وايد على الفندق ...اهم المواصفات اللي اباها في الفندق انه يكون رخيص ونظيف وموقعه حلو.

وعندي استفسار ثاني :
بغيت اعرف الجو كيف بيكون على اخر شهر 11و اول 12؟
و هل تنصحوني انه اجر سياره من الكويت ويكون معاها سايق؟:114:
لانه نحن عايله كبيره ما شاء الله والتنقل بالتكسي بيكون شوي صعب.
اتمنى انكم ما تردوني.لانه صدق متحمسه لهاي السفره واذا ما ضبطتها بتتكنسل.:110:

سامحوني طولت عليكم.

مواضيع عشوائيه ممكن تكون تعجبك اخترناها لك:

• أفتتاح فندق مريديان السالميه في يناير
• أهل الكويت خدمة منكم
• أين أجد الجلابيات وفساتين الزواجات في الكويت؟
• مكتب سفريات لفيزا الشنغن بالكويت
• ارغب شراء أبواب من الصين وسياحه
• استفسار عن عروس البحر
• استفسار بسيط لأهل الكويت بخصوص هلا فبراير
• مساعدة بخصوص شاليهات خاصة بالكويت ومدينة ملاهي
• سريع فندق او شقق في السالمية
• معلومات وشرح تفصيلي وصور عن ابراج الكويت
• المسيله والاكوابارك
• لو سمحتوا عندي سوال؟؟؟
• ياعيال العم سؤال بسيط؟
• مشرف الكويتابي مساعدة
• تفضّلوا جدول رحلة يومين إلى الكويت
• مطاعم الدهاليز ،،،
• اطلب تجد صوووور
• ابغى المسافة بين الرياض والكويت بليز
• ايام اين اقضيها
• يا أهل الكويت نبي منكم مساعده

يا اهلا وسهلا فيكم بالكويت

من الافضل اذا انتو عائلة ان تسكنون في شقق فندقية مكونة من غرفتين او ثلاث غرف والاسعار بالكويت نوعا ما تعتبر معقولة

وبالنسبة للايجار السيارة من الافضل التاجير والنظام كما هو متبع عندكم في الامارات

شوفي البلد اللي ما تعرفين فيها أي شيء ..

أجري فيها سايق عشان ما تضيعون ..

مع إنه الكويت محد يضيع فيها

وأتمنى لك طيب الإقامة

انا اقول انكم اتأجرون سيارة مع سايق احسن

والشقق الفندقية اللي انصح فيها سارة بلازا وبودل وراح اتحصلين وايد شقق فندقية بالسالمية وببنيد القار

والاماكن اللي انصح بزيارتها

الافنيوز
المرينا مول
سوق شرق
شارع سالم المبارك (كله مجمعات ومطاعم مكانه بالسالمية خلف المرينا مول)
والمهلب
ومجمع الكوت
المركز العلمي (راح تستانسون فيه انصح بزيارته)
حديقة الشعب والمدينة الترفيهية

وانشاءالله ما تتكنسل سفرتج وتقضون احلى الاوقات في بلدكم الثاني الكويت

أهلا وسهلا بأهل دبي

زور موقع فنادق الكويت وسترى كل الفنادق بمتناول يدك كذلك قسم تاجير السيارات.

مع تمنياتنا بطيب الإقامة

رايي من راي الأخوان


عندي الشقه اريح و تاجير السياره بسهل عليكم


الجو بكون حلو و برد ... الله عالشته صج ولهت عليه

حياكم الله بالكويت و ان شاء الله ما تتكنسل

يا هـــــــــــــــــــــلا بأهل دبي

حياج الله يا الغاليه اتمنى ان هالسفره ما تتكنسل وان شاء تقضين وقت ممتع بين اهلج وناسج


تقبلي مرووري
بنت الكويت

الله يحييكم
مشكورين حبايبي.
والله ما قصرتوا..فيكم الخير.
وان شاء الله اذا توفقنا وزرنا الكويت ان شاء الله بحط موضوع عشان اسألكم عن الترتيبات وجذيه.
لانه اعرف انه بتساعدوني وما بتقصرون.
تحيه لاهل الكويت والسعوديه.