الموضوع: أين أجد الجلابيات وفساتين الزواجات في الكويت؟

السلام عليكم ورحمة الله وبركاته

عندي نية أنا والعيال لزيارة دولة الكويت حيث سبق لي زيارتها بشكل سريع قبل شهرين تقريباً وتضايقت لأني لم أخصص أكثر من يومين للرحلة لأني أنبهرت بجمال الكويت وطيبة أهلها :24:

عشان كذا قررت أرجع لها مرة ثانية وتكون الرحلة على الأقل خمسة أيام للتنزه والتسوق

وكما هو معروف أن الجلابيات الكويتيه معروفة بجودتها وتميزها عن غيرها ، كذلك فساتين الزواجات والسهرة

لكن السؤال أين أجد هذه الجلابيات والفساتين

وماهي الأماكن اللي تنصحوني أزورها ؟؟

مع العلم أني سكنت سابقاً في (( شقق بودل)) وكان منتهى الروعة وسعرها مناسب جداً480ريال تقريباً فهل تنصحوني أسكن فيها ثانية ولا تدلوني على شقق بنفس المستوى بسعر أرخص؟؟

أرجوا الرد في أسرع وقت

مواضيع عشوائيه ممكن تكون تعجبك اخترناها لك:

• ماهو أخسن مطعم مأكولات بحريه بالكويت
• دول الخليج في يوم استفسار
• خبراء الكويت تكفون أبي منكم خدمة
• اخـر المـشاريـع فـي مـديـنـة الـكـويـتصور
• استفسار عن الاسواق
• فزعتكم يا شباب وبنات الكويت
• سؤال لكل بنوته كويتيه
• أبغى شاليهات بالكويت
• محل الفيرو مارتيني في الكويت في الفنار
• زيـــــــارتـــــي للمهـــــلب بالصــــور
• عاجل ضروري تكفون ساعدوني الخطوط الصينية وساعات الانتظار
• الجو في الكويت؟
• ياخبراء شيرو علي متى احسن وقت للسفر للكويت
• ذي بانكر» هل تتحول الكويت إلى أكبر موقع إعمار في العالم؟
• انا في سيشل وممكن مشورتكم
• مطعم فرايديز البدع
• ديوانية بوابة الكويت
• احـدث واجمـل الصــور للكــويت
• مـطـعـم السـبـعيـنـات سلّيل الجهراء
• استفسار عن الاسواق في الكويت

الأخ العزيز حياك الله بالكويت باي وقت

اولا بالنسبة للسكن فيوجد فنادق وشقق كثيرة وعلى جميع المستويات يعني على حسب ميزانيتك والله في شقق جديدة وكثير من ألأخوان مدوحها وتكون قريبة اكثر للأسواق وارخص من بودل وهي سارة بلازا

اما بخصوص الجلابيات فايضا هناك مستويات واسعار مختلفه على حسب النوع والقماش والتصميم انا راح اعطيك عنوان راح تلاقي اكثر من 100 محل وهو مجمع الأوقاف داخل العاصمة وهو معروف على مستوى الخليج

وايضا يمكنك الذهاب الي اسواق الفروانية حيث الكثير من المجمعات متخصصة في هذا المجال ومنهم مجمع العربيد والحمرا مول وكذلك يوجد مجمع جديد اسمه مغاتير مجمع رائع

واذا كنت بالسالمية يحب زيارة سوق السالمية الجديد عند دوار الجوازات

اما اماكن الزيارة فقد تم افتتاح اكبر موول بالكويت اسمه الأفنيوز فهو كبير جدا ويحتاج منك الي ساعات عديدة للتسوق فية كذلك يوجد مجمع جديد بجانب مجمع الكوت وهومجمع المنشر ملاصق لفندق روتنا المنشر الجديد في الفحيحيل

هلا بالشلبي انا ياني احب الشلبي هههههههههههه


انصحك وانا اخوك تروح مجمع العربيد بالفروانيه وهو سوق رخصي وفيه الخياطين بكثره وخمس ايام كافيه علشان التفصيل ولازم تروح له اول ما توصل يعني من اول يوم وراح يعجبك الشغل مالهم ورخيص ونوعيته ممتازه

وعندك مجمع الاوقاف فيه كل شي بس اغلى شوي من العربيد

شقق بودل حلوة ومكانها ممتاز في شارع المطاعم بس الشارع هذا مزحوم للاخر يوميا لانه مشهور الشارع هذا بالمطاعم

انصحك بشقق بلازا الكل يمدحها وخصوصا الاسعار هاليومين رخيصه نوعا ما لان مافي موسم ولافي سياحه وفتره امتحانات يعني الناس مو فاضيه

حياك الله أخوي الشلبي في بلدك الثاني الكويت الحبيبة وأشكرك على الثناء الطيب على أهل الكويت فهم والله أطيب وأكرم مما تتصور................

وبالنسبة للموضوع أتفق مع الأخوان بكل ألي قالوه بس أحب أضيف بعض المجمعات:

* المثنى الجنوبي والشمالي.

* بيت أولادنا ألي في الديرة .....ترى مو على اسمه فيه جلابيات حلوه.....وملابس حق الزوجات.

* المحاميد جدا رخيص .بس طبعا سوق شعبي وأكثر بضاعتة مو أصلية

* البلوكات أذا تبي تشتري خام وتفصلة

وغيرها كثير بس إذا قدرت تروح هالأماكن بتلقى بغيتك إن شاء الله.

وبالنسبة للأماكن فهي كثيرة:

المركز العلمي.

المدينة الترفهية.

الأبراج.

شارع الخليج.

حديقة الشعب.

مرح لاند.

حولي بارك.

المرينا مول .

الأفنيوز.

المهلب.

الكوت.

الكويت مجك.

مكتبة البابطين.

متحف الكويت الوطني.

سوق الجمعة.

والمطاعم في كل مكان متوفرة وكلها نظيفة وما منها خوف ان شاء الله.


ونحن سعداء بزيارتك للكويت وإذا فيه أي استفسار ترى احنا حاظرين مستعدين نرد على اي استفسار بخصوص الكويت.


وحياك الله مرة ثانية اخو الشلبي.........

بالنسبة للجلابيات :العربيد +الأوقاف
بالنسبة للفساتين:مجمع الزهرة (محل اسطورة ...على ماعتقد انا هذا هو الأسم)+ليلى غاليري
مجمعات تستحق الزيارة :مارينا مول +الأفينيوز+سوق شرق+السالمية+الكوت+الراية+الصالحية.......

بالنسبة للجلابيات تجدها في الاوقاف ومجمع العربيد في الفروانية وفي محل بمجمع الكوت بالفحيحيل اسمه المتحجبة انشاالله يعجبك
بالنسبة للفساتين محل الاسطورة في ليلى غاليري ومجمع الصالحية والثريا وتقريبا الفساتين متوفرة في جميع المحلات

اتمنى لك اقامة ممتعة في بلدك الثاني الكويت وانشااله تعجبك اسواقنا

من يعرف موقع ساره بلازا ورقم تليفونهم ؟

الله يعطيكم العافية

ماقصرتوا والله

بإذن الله ستكون زيارتي قريبة وسأوثق الزيارة بكامرتي الجديدة Canon D 400

وراح أطمع اكثر في كرمكم ممكن مثل ماقال الأخ رقم تلفون سارة بلازا ؟؟
وإذا فيه خرائط لدولة الكويت ممكن أشتريها من هناك لأني رايح إن شاء الله بسيارتي ولا أعرف الطريق

موقع سارة بلازا على الأنترنت

http://www.saraplaza.com/defaultar.aspx

ماعندي شي اضيفه بس حبيت اقول :


حياكم الله بالكويت وانشالله تقضون وقت ممتع وحلو عندنا

حياك الله اخوي
بالنسبة للدراريع عندك مجمع الاوقاف متخصص بالدراريع ومجمع العربيد بالفروانية
وهناك بعض المشاغل حق مصممات معروفات مثا انسام الخلف بالجابرية وعواطف الحاي اضافة الى مشاغل بالنقرة بجانب مجمع النقرة الشمالي والجنوبي.
بالنسبة لفساتين السهرة تحصلهم:
بمركز ليلى جاليري
مركز المهلب بالدور الثاني والثالث ومجمع النقرة الشمالي بالدور الثاني ومجمع العثمان والصالحية

الله يعطيكم العافية على هالمعلومات

واللي عنده زود معلومات لا يستخي يقولها وله الشكر