الموضوع: وابي اعرف محلات الماركات العالمية لشنط السيف في البحرين

هلا والله باهل ديرتي


خل احط لك اللي اعرفة لين احد من اهل المملكة يفيدك اكثر
الغالية ...السيف مستواه عادي حتى بعد التوسعة
بس فيه السينمات والمطاعم للاطفال
طبعا انا ارشح لك وللاطفال الستي سنتر بينبسطون فيه واجد
وعلى فكرة فيه محلات محتلفة مستوى عادي وماركات
فيه الساكس فيفي افنيو روعة ...و ماركة c h كارولينا هيريرا
وبيربري مارك جيكبوس رالف لورين وفرزتشي جوسي كتيور
وفتح محل فيراري بعد والرولكس اسعارهم حلوة واجد في هالفرع افضل من اللي في الشراتون

العالي انا واجد يعجبني فيه ماركات مختلفة بعد واجد اميلي بوتشي وجوسي كتيور بولغاري كوتش ارماني
غوتشي وفي محل حلويات حلو مقابل جوتشي ...وبعد محل اناسا (نفس بضاعة السلام عندنا ) بس ارخص
وفي بوتيكات مختلفة كثير فيها تشكيلة ماركات حلوة بعد
وطبعا انصح بقوة تجربون ليلو كافية رررررروعة

طبعا الماركات اغلبها في مودا مول
هيرمس -ال في - فيلا مودا - بيربري - ارماني
فندي - الفيرتو وتشكيلة كبيرة
طبعا هو مفتوح مع مجمع الشراتون
مافية شيء واجد بس ممكن تحصلين كم محل يبيوع فساتين سهرات حلوة واسعارها معقولة واجد
كذلك محل الدانة للعبايات روعة ..

هذا اللي اعرفة وان شاء الله يفيدونك الباقي
ورحلة موفقة

ماشالله معلومات كافيه

انا ارشح السيتي سنتر لانه شامل

وفيه ماجيكت بلانت حق الاطفال حلووو وايد

فديت روحك حبوية قطر2007كفيتي ووفيتي ماقصرتي
بهبهانية مشكورة حبوبة ماقصرتي
انطر الاعضاء الباقين يفيدوني باشياء جديدة

حبيبتي عندك الستي سنتر فيه أغلب الماركات العالميه ..
وبتلاقي كل طلباتك فيه ان شاءالله
وفيه بعد واهوو مدينة العاب مائيه راح تعجب الصغار ..

ماشاءالله البنات ماقصرو ..


بالنسبه لجنة دلمون هي قريب من حلبة الفورميلا وتبعد عن المنامه ساعه تقريبا ..


عندج واهووو بالستي سنتر نفس جنة دلمون لكنها مغلقه ..


والمارينا هو تبع سنتربوينت يعني سبلاش وبوسيني ولايف ستايل .. صغير وماأنصحج فيه ..

مشكورين وماقصرتوا