الموضوع: كم سؤال عن البحرين

السلام عليكم ورحمة الله وبركاته ...

انا ان شاء الله قادم للبحرين منتصف شهر 8 وعندي مجموعة استفسارات :

1-عندي امتحان انجليزي في المجلس الثقافي البريطاني وكذلك عندي موعد لزوجتي في المستشفى العسكري .
2- من خلال اطلاعي على خريطة البحرين من قوقل اتضح لي انه المجلس البريطاني في الجفير والمستشفى العسكري في مدينة حمد ..مادري ان شاء الله اكون قريت الخريطة من قوقل ايرث صح !!

السؤال الحين :
1-هل اماكنهم صحيحه ؟ وياليت خريطة توضيحية ؟
2- هل اقدر احصل سكن قريب من هالمكانين والا اخذ سكن لليوم الأول وانتقل بعد يوم او يومين لسكن قريب من المكان الثاني ؟
3-كم يوم اقدر اتمشى في البحرين ؟
4- عطوني اسماء اماكن سياحية ( الإسم فقط ) وانا بابحث عنهم عشاني تعبت وانا ادور في البوابة على شي مب عارفه ..

5-هل تنصحوني اتسوق من الخبر والا من البحرين ؟
6-هل هناك خصوصية في البحرين ؟ يعني اقدر اتمشى مع عائلتي واطفالي في مجمعات البحرين وانروح سينما بدون مضايقات والا مانروح مجمعات ؟
7-انصحوني بشقق حلوه نسكن فيها تكون قريبه من المكانين ..
8- انا افكر نسكن بالخبر ونروح للإمتحان والمستشفى في يومه ونرد نفس اليوم بس مابي اضيع التمشية في البحرين سمعت عنها كثير وابي اشوفها ..

بارك الله فيكم مقدما وانتظر اجاباتكم ..

مواضيع عشوائيه ممكن تكون تعجبك اخترناها لك:

• الفزعه ياأهل البحرين
• وين الاقي الماركاااتـ
• اجراءات الحصول على تفويض للسياره لدول الخليج بنك الراجحي
• استفسار بخصوص افضل فندق اوشقق فندقية في شارع المعارض
• مطعم بريما فييرا من روائع الريتز كارلتون بعيون جاني خبر
• السفر من السعودية للبحرين ببطاقة الأحوال المدنية
• عندي استفسار ارجو مساعدتي والرد عليه
• زيارة للبحرين وينك يالغاليه
• ابي فزعتكم
• الجو الحااار ومولع نار يبيله شاليه
• كباين البندر
• مكتب حجوزات الفنادق في الجسر بين السعودية والبحرين ؟؟
• ترانزيت في البحرين ارجو الرد على اسئلتي فضلا لاامرا
• سوق المحرق
• اقيم الآن في سوفتيل الزلاق وانتظرو مني صور حلوة
• مسافر للبحرين وأبي فزعتكم ياوجيه الخير
• الانترنت في محلات الكوفي شوب البحرين؟؟؟
• سؤال لاهلنا في البحرين بخصوص سوق المفاصيص
• ارجوووا منكم المساعده سؤال بسيط
• فزعة يااهل البحرين

حياك الله اخوي في بلدك الثاني ..

اولا المعهد البريطاني يقع فالسلمانيه - الزنج
المعهد الامريكي يقع فالجفير .. فتأكد ايهم اللي تبغيه ..

المعهد البريطاني يقع في شارع بين ديري كوين السلمانيه ومسجد الخميس ..

اما المستشفى العسكري فيقع فالرفاع .. بعد ماتخلص الهاي وي توصل لدوار كبير اسمه المتعارف عليه دوار مدينة حمد تاخذ يسار مدينة حمد تكون على يمينك والرفاع على يسارك فانت تاخذ يسار للرفاع او تمشي سيده يقع المستشفى العسكري في 3 اشارة مرور بتشوفها من بعد الدوار ..

بالنسبه للسكن فالبحرين مثل ماشفت في قوقل ارث صغيره جدا جدا .. اي سكن راح تسكن فيه مابيكون قريب .. نصيحه اذا انت ياي انت او زوجتك فقط فالمركز اهوا فندق المركيور او اجنحة السيف او ايليت السيف ..

الاماكن السياحيه ( مجمع السيف , مجمع العالي , متحف البحرين الوطني , جنة دلمون المفقوده , منتزة عذاري)
المجمعات فالايام العاديه هاديه واكيد تقدر تتمشى فيهم براحتك مع اسرتك .. وان شاءلله مافي مضايقات

سوق البحرين والخبر متشابه والمسافه جدا قريبه فانت وعائلتك تقدرون تحكمون اذا وصلتو ..
شقق Eliet او Novotel بعد وايد حلوه ..
واي استفسار ثاني حاضرين

مرحبا أخوي نفس ماقالت اختي ozyee المستشفى العسكري في الرفاع
اما عن الشقق طبعا فندق الميركيور غراند فندق راقي وخدماته ممتازة وطبعا اهو بالضبط عند مجمع السيف وقريب من مجمع العالي. وطبعا تقدر من هناك تاخذ الشارع السريع وتوصل للمستشفى العسكري في تقريبا 15 دقيقة او 20 دقيقة.

وفندق النوفوتيل وايد حلو وخدماته رائعة واهونفس المنتجع عند البحر وفيه نشاطات بحرية حلوة وموقعه عند جسر السيخ حمد ( المحرق )
الاماكن السياحية :
جنة دلمون المفقودة ( برك سباحة والعاب مائية وايد حلوة ) وفي يوم خاص للنساء فقط يوم الخميس من الساعة 7 المغرب الى 11 في الليل.
منتزه عين عذاري ( مدينة ملاهي حلوه توها مفتوحة )
متحف البحرين الوطني ( وايد حلو وانصحك اتروح اتشوف)
سوق المحرق ( سوق شعبي واتحصل كل محلات الحلوى البحرينية)
وطبعا المجمعات :
مجمع السيف
مجمع العالي
مجمع الدانة
مجمع مودا مول
وطبعا تقدر تسكن في الخبر بس راح اتصيدك زحمة جمارك الجسر خصوصا في يوم الخميس والجمعة والاربعاء . فانصحك تسكن في البحرين ومرة وحدة اتعرف على البلد والاماكن الموجودة فيه .
طبعا تقدر اتروح كل المجمعات وتتسوق براحتك واكيد مافي مضايقات بس الاحسن انك تبتعد عن شارع المعارض لانه وايد زحمة ومايصلح حق عوائل .
واتمنى لكم كل التوفيق وماعليكم شر ان شاء لله
وان شاء الله تستمتعون في زيارتكم البحرين :101:
وصدقني اذا انت كنت متخوف من البحرين ترى البحرين بلد شعبه طيب ومضياف ومستحيل اتحصل
اي مضايقات او اي شي.

المشاركة الأصلية كتبت بواسطة OZYEEE
http://www.arabtravelersforum.com/tr...9/#post2199309

حياك الله اخوي في بلدك الثاني ..

اولا المعهد البريطاني يقع فالسلمانيه - الزنج
المعهد الامريكي يقع فالجفير .. فتأكد ايهم اللي تبغيه ..

المعهد البريطاني يقع في شارع بين ديري كوين السلمانيه ومسجد الخميس ..

اما المستشفى العسكري فيقع فالرفاع .. بعد ماتخلص الهاي وي توصل لدوار كبير اسمه المتعارف عليه دوار مدينة حمد تاخذ يسار مدينة حمد تكون على يمينك والرفاع على يسارك فانت تاخذ يسار للرفاع او تمشي سيده يقع المستشفى العسكري في 3 اشارة مرور بتشوفها من بعد الدوار ..

بالنسبه للسكن فالبحرين مثل ماشفت في قوقل ارث صغيره جدا جدا .. اي سكن راح تسكن فيه مابيكون قريب .. نصيحه اذا انت ياي انت او زوجتك فقط فالمركز اهوا فندق المركيور او اجنحة السيف او ايليت السيف ..

الاماكن السياحيه ( مجمع السيف , مجمع العالي , متحف البحرين الوطني , جنة دلمون المفقوده , منتزة عذاري)
المجمعات فالايام العاديه هاديه واكيد تقدر تتمشى فيهم براحتك مع اسرتك .. وان شاءلله مافي مضايقات

سوق البحرين والخبر متشابه والمسافه جدا قريبه فانت وعائلتك تقدرون تحكمون اذا وصلتو ..
شقق Eliet او Novotel بعد وايد حلوه ..
واي استفسار ثاني حاضرين



مسكورة اختي الغالية على المعلومات القيمة ...
انا قادم بإذن الله لإمتحان ( ايلز ) بالمجلس الثقافي البريطاني ( بريتش كونسل )

بالنسبة للي مكتوب بالأحمر ( قصدك بيكون كل شي قريب ؟ )


بالنسبة للتعليق ( المجمعات فالايام العاديه هاديه ) مادري ممكن توضحين ؟ فسه ايام مب عادية ؟ والا قصدك ما اجي ايام الأربعاء والخميس والجمعه عشان الزحمه ؟

مشكورة على الأماكن السياحية وراح اجمع عنها معلومات باذن الله
ومشكورة على السكن ..

المشاركة الأصلية كتبت بواسطة بحريني وفتخر
http://www.arabtravelersforum.com/tr...6/#post2199506

مرحبا أخوي نفس ماقالت اختي ozyee المستشفى العسكري في الرفاع
اما عن الشقق طبعا فندق الميركيور غراند فندق راقي وخدماته ممتازة وطبعا اهو بالضبط عند مجمع السيف وقريب من مجمع العالي. وطبعا تقدر من هناك تاخذ الشارع السريع وتوصل للمستشفى العسكري في تقريبا 15 دقيقة او 20 دقيقة.

وفندق النوفوتيل وايد حلو وخدماته رائعة واهونفس المنتجع عند البحر وفيه نشاطات بحرية حلوة وموقعه عند جسر السيخ حمد ( المحرق )
الاماكن السياحية :
جنة دلمون المفقودة ( برك سباحة والعاب مائية وايد حلوة ) وفي يوم خاص للنساء فقط يوم الخميس من الساعة 7 المغرب الى 11 في الليل.
منتزه عين عذاري ( مدينة ملاهي حلوه توها مفتوحة )
متحف البحرين الوطني ( وايد حلو وانصحك اتروح اتشوف)
سوق المحرق ( سوق شعبي واتحصل كل محلات الحلوى البحرينية)
وطبعا المجمعات :
مجمع السيف
مجمع العالي
مجمع الدانة
مجمع مودا مول
وطبعا تقدر تسكن في الخبر بس راح اتصيدك زحمة جمارك الجسر خصوصا في يوم الخميس والجمعة والاربعاء . فانصحك تسكن في البحرين ومرة وحدة اتعرف على البلد والاماكن الموجودة فيه .
طبعا تقدر اتروح كل المجمعات وتتسوق براحتك واكيد مافي مضايقات بس الاحسن انك تبتعد عن شارع المعارض لانه وايد زحمة ومايصلح حق عوائل .
واتمنى لكم كل التوفيق وماعليكم شر ان شاء لله
وان شاء الله تستمتعون في زيارتكم البحرين :101:
وصدقني اذا انت كنت متخوف من البحرين ترى البحرين بلد شعبه طيب ومضياف ومستحيل اتحصل
اي مضايقات او اي شي.



جزاك الله خير اخوي على الرد

انا مب متخوف من البحرين انتوا كحل عيوننا وتاج رؤوسنا
لكن تعرف ياخوك انا باجي ان شاء الله مع زوجتي و3 اطفال صغار ولا ابي احط اهلي في مواقف حنا في غني عنها فحبيت اسأل عن كل شي ولا تاخذون على خاطركم مني والله لكم معزه خاصة عندنا يا هل قطر

مشكور على الأماكن السياحية وراح ابحث عنها ان شاء الله في المنتدى

ومشكور على توصيف الطريق ..

وجزاك الله الف خير ...

حياك الله أخي الكريم .... وحنا كلنا اهل وحبايب ...

الاخت ozyeee واخوي بحريني وفتخر ما قصروا ....

بالنسبة لاستفساراتك ...

المجلس البريطاني ... والمستشفى العسكري ... ما بتلقى جنب أي واحد فيهم سكن قريب ... ذا اللي قصدته الاخت ...

مثل ما اقترحوا عليك ... يفضل السكن قرب مجمع السيف ... أجنحة ميركور ... أو أحد فنادق وشقق إليت ...

المسافة من منطقة السيف إلى المجلس البريطاني قريبة ... في حدود 15 دقيقة تقريبا ...

وإلى المستشفى العسكري يمكن تكون في حدود 20 دقيقة أو أقل ... على الطريق السريع ....

المجمعات في أيام الاسبوع العادية الأحد - الأربعاء ... عادة تكون أهدأ من نهاية الأسبوع ...

وتقدرون تتمشون وتتسوقون وتروحون كل مكان وتاخذون راحتكم ... وبدون أي مضايقات ... مابتشوفون الا كل الخير ...

بالنسبة للاماكن السياحية والترفيهية .... موجودة بكثره في البوابة ... وممكن تراجع المواضيع المثبته أخي الكريم ...

حياكم الله في بلادكم البحرين .... ومكانكم عيوننا ....

الله يسلمك أخوي وانتوا بعد في عيونا واخوانا وحبايبنا
اما عن المجلس الثقافي البريطاني ترى مو في الجفير اهو في منطقة السلمانية
اما عن المجمعات الايام العادية من الاحد لي الاربعاء اتكون هادئة بس يوم الخميس والجمعة والسبت
اتكون اشوي زحمة لانها اجازة الاسبوع اخوانا الخليجيين ايكونون متواجدين .
واهم شي نفس ماقلت لك حاول اتجنب شارع المعارض اما باقي المحلات ترى كلها عائلية وماراح تنزعج من شي.
واي سؤال لاتتردد

مشكور اخوي بحريني على ردك الكريم

طيب تعرفون اسم فنادق في منطقة السليمانية عشان انا لقيت فنادق على النت شكثر لكن مب مكتوب المنطقه !

ابي احجز واخلص ..

بعدين عندي استفسار التكاسي متوفرة عندكم ؟ وهل اقدر اطلبها من الفندق ؟ لأني احتمال اجي على طيارة بإذن الله

جزاكم الله خير

اخوي البحرين صغيره .. يعني لو بتقعد بآخرها .. بتكون قريبه من أولها ^_^

خذ فنادق في منطقة السيف مثل ماقالو الأخوان .. مثل عندك فندق ميركيور ( 4 نجوم ) او الريتـز (5 نجوم )
او عندك فندق اليت جراند .. او اليت سويت ( مقابل مجمع البحرين ومجمع الدانه )

منطقة السيف تعتبر بالمنامة .. والجفير والسلمانية هي مناطق بالمنامة يعني ماراح يكون الفندق بعيد عن البرتش كانسل ..

ماعدا العسكري بيكون بالرفاع ويفصل بينه وبين منطقة السيف فقط شارع واحد .. الشارع السريع ( الهايوي )


واذا كنت تبي تسكن بمنتجع او شاليهات عندك النوفوتيل حلو كثير ..


التكاسي اكيد متوفرة .. وتقدر تطلبها من الفندق ومن المطار .. ولا تحاتي ..

وبالتوفيق ان شاء الله

أخوي انا بصراحة انصحك تسكن في الميركيور غراند الي عند السيف او مجموعة فنادق اليت ( اليت غراند وغيرها ) لان ماعتقد في السلمانية في فنادق عدلة واذا لقيت ماعتقد راح اتكون نظيفة او عائلية .
وترى المسافة قصيرة يعني بي 10 دقايق او 15 اذا في زحمة .
ونفس الشي المستشفى العسكري انت بتروح على الشارع السريع وبتوصل الرفاع يعني تقريبا 20 دقيقة .
بس الاهم انك اتكون سكنت في فندق نظيف وخدماته ممتازة وبعدين تقد راتمشى في مجمع السيف او العالي.
والتكاسي موجودة والفندق اكيد بيطلب لك اذا تبي .
وبالتوفيق

بارك الله فيكم وما قصرتم على ردودكم ..

ياخوي البحرين صغيرة

اهم شي تسكن في مكان خاص للعائلات

بارك الله فيك وجزاكم الله خير

ّذا تبي شقة عندك شقق لالدنمارك السكنية
أما عن الامتحان والمستشفى فالله أعلم
أما عن التسوق فإن البحرين زينة لكن غالية لكن الخبر غير صالحة للتسوق لكن رخيصة
أما عن التجول في البحرين فالهدوء والنظام والانضباط موجود في كل مكان في البحرين
أما عن المحلات السياحية:
ستي سنتر
مجمع السيف
مجمع العالي (مجمع جداً هائ يصلح للحياة الزوجية)
جنة دلمون المفقودة (أكبر وأفضل وأرقى منتجع على مستوى الشرق الأوسط وشمال أفريقيا)
مشروعات العرين
جزر أمواج
جزر حوار(هذي الجزيرة لا يمكن الذهاب إليها إلا عن طريق حجز تذكرة من النادي البحري)