الموضوع: اسئله تنتظر اجابه

السلام عليك ورحمه الله وبركاته

اعجز عن شكر القائمين على هذا المنتدى الرائع فهو خير دليل فهو بالاحرى الظهر الذي نستند عليه وقت الشدائد ووقت صرف فلوسنا هههههههههههه
انا فكرت في اجازه مختلفه هذي السنه خصوصا لان العدد ماشاء الله زاد واهو اني باخذ اولادي معاي 2 و7 سنوات
المجموع 4 كبار وطفلين .

المانيا وجهتي ال3 بعد الف وجهه ضفتها ولغيتها لكن لسبب ما ارتاح قلبي لها نسبيا لكن عندي كم سوال يا ريت تردون علي بوضوح وبساطه :

1-خرطيه المانيا مهي براكبه في راسي ابد اشوف الناس تطلع من ميونخ وتروح زلامسي وتروح سويسرا هل المسافه قريبه لهدرجه ولا اهي فيها شوي مرمطه خصوصا اذا معك اطفال

2- انا ودي نسوق سياره نغامر شوي ونظيف نكهه لسفرتنا وشرايكم نغامر والا نخليها تكاسي وباصات ؟

3- اجازتي كلها 14 يوم من اول يوم العيد كيف الجو في المانيا وكيف الاسعار هل هناك موسم معين مهرجان معين حدث معين في هذي الفتره والاسعار ترتفع بسببها ؟

4- لاصحاب الخبره يخططون لي رحله ظريفه خفيفه بتفاصيل ممله علشان استوعب ؟

5- وش اخبار جرثومه اي كولاي وشصار عليها والناس والاكل شلون راكب الموضوع اشوف الاعلام سكت والناس تقطع تذاكر وتروح المانيا بس انا معاي اطفال والاكل شلون بكون معاهم ؟

6-حسيت من التقارير ان المانيا طبيعه وهدوء لكن هل فيها شغلات مميزه تخلينا اقول اهي احلى من لندن اخاف تكون بلد جافه ومافيها حياه ؟

ادري استفساراتي كثيره وذلك في الحقيقه لجهلي بهذا البلد

اتمنى لو عندكم خيار اخر لي لبلد اخر تناسب ظروفي فلاتبخلو علي

اشكركم جزيل الشكر
انا في الانتظار

ام ابراهيم

مواضيع عشوائيه ممكن تكون تعجبك اخترناها لك:

• محتار وابي مشورتكم اذا ممكن
• وين نصلي الجمعة في ميونخ
• مساعدة يا كرام
• حجز السيارة
• مطلوب في المانيا
• من مطار ميونخ ايش اسم المحطه الي توصلني الى السنتر بليززززز ساعدوني
• للمسافرين ،،،، بكم اشتريت التذكرة ، ومن أي خطوط ؟
• ياشباب الرجاء المساعدة في اقرب وقت
• من عنده فكره عن هالفندق
• افيدوني عن البطاقة الإتمانية لازم اشحنها بمبلغ الفندق كامل قبل الوصول ؟؟
• أسم الفندق
• خبراء فرانكفورت استفسار وفقك الله
• ارجو المساعده ضروري جدا جدا
• قروي يبي يوسع صدور بزرانة الفزعة يالربع
• استفسار بخصوص ؟ آخذها والا اخليها رحلتي
• استفسار لأهل الخبرررة
• استفسارات حول فرانكفورت ودوسلدروف
• يااهل الخبرة ممكن مساعدة
• استفسار بسيط حبايبي
• استفسار عن موقع مهم

حياك الله اخوي والله يقدرني وافيدك ..
وعسى الله يبلغنى رمضان والعيد ان شاء الله على خير ..
11 يوم كافي لميونخ وزلمسي يوم روحه ويوم رجعه عندك 9 ايام تصوول وتجوول بين ميونخ وزلمسي ..
الذهاب على حسب الخطوط الي ترتاح لها .. الاتحاد , الاماراتيه ( المطار للترانزيت عشره على عشره ) , قطر , الطيران الالماني والنزول لفرانكفورت ترانزيت ومن ثم آلى ميونخ ..

الجو بارد ومطر .. وما اتوقع انه في تخفيضات او ما شابه .. وعن الجرثومه ابتعد عن اكل الخضار وخل الاكل في المطاعم العالميه المعروفه وربك يسهلها ..

وعن التنقل ياخوي الكل يمدح السواقه في الخطوط ويتلذذون في السواقه والعمووم ملتزم هناك واوفر لك ما شاء الله 6 .. الخطوط الكل يدووووس اذا تحب تدوووس بتستانس هناك والنفيقيتر ما يقصر .. ومن ميونخ آلى زلمسي تقريبآ ساعتين وشوي بالقطار والسياره .. وامكانك الذهاب عن طريق التكسي بحدود 250 يورو ..

تحياتي واتمنى اني فدتك ولو في شي بسسيط ..

وعليكم السلام

الجواب

1- اختيار ممتاز لميونخ مع الريف النمساوي بدون سويسرا البعيده نوعا ما

2- نعم بكل تاكيد لو كان لديكم القدره سياره افضل خيار وخصوصا ان سوف انأجرها فقط بالريف النمساوي سالزبورخ وزيلامسي ونكتفي بالوسائل العامه بميونخ

3-عندهم مهرجان ميونخ يبدا بتاريخ اعتقد 14 او 17 / 9 .. لهذا لا يفضل الاقامه بميونخ ابدا والسبب سعر الفنادق دبل

4- افضل مخطط يعتمد على الساعه كم وصولك الى مطار ميونخ والساعه كم العوده لكن انصحك بعمل الاتي اول ماتوصل تجلس بميونخ 5 ليالي ثم تأجرون سياره اخر يوم بميونخ والا زيلامسي 5 ليالي ثم سالزبورخ 3 ليالي ومن سالزبورخ مباشره الى مطار ميونخ ساعتين ونسلم السياره بالمطار .. عكست ميونخ حتى لا يصادف يوم جلوسنا فيها بالعوده المهرجان .. ممكن نجعل ليله فقط اخيره بميونخ للتسوق ..

5- ما في اي شيئ

6- اختيار موفق ومتنوع لو تحبون الارياف


تحياتي

اشكركم جزيل الشكر على الرد الدقيق كل الامور ترتبت في عقلي قليلا لكن قلبي مقبوض اخاف الاكل يكون مشكله هناك وجود جرثومه منتشره في الخضروات الشي الوحيد الي كنا ناكله بدون مانفكر حلال او حرام موضوع قابض صدري الاخبار متفواته ناس تقول معدي وناس تقول لا اخاف المجازفه
باستخير وبارجع لكم بالرد