الموضوع: افيدوني عن البطاقة الإتمانية لازم اشحنها بمبلغ الفندق كامل قبل الوصول ؟؟

السلام عليكم ::
حجزت فندق من البوكنج ,, والفندق فيه خاصية الغاء الحجز المجاني :: وماياخذ عربون قبل الوصول,,
ويكون الدفع كاش وقت الوصول ,,
بس عندهم سياسة الغاء الحجز وراح يبدأون يخصمون من بطاقاتك اذا لغيت قبل السفر ب 7 ايام ,,



دفع مسبق

* لا يتوجّب دفع أي عربون.

سياسة إلغاء الحجز

* في حال إلغاء الحجز أو تعديله، قبل 7 أيام من تاريخ الوصول، لا يتوجب دفع رسوم إضافية .
* في حال إلغاء الحجز أو تعديله، قبل 4 أيام من تاريخ الوصول، يتوجّب دفع 30 في المئة من سعر جميع الليالي.
* في حال إلغاء الحجز أو تعديله، قبل يومين من تاريخ الوصول، يتوجّب دفع 50 في المئة من سعر جميع الليالي.
* في حال إلغاء الحجز أو تعديله، لاحقاً أو عدم الحضور، يتوجّب دفع سعر الحجز بالكامل.

الآن::بطاقتي الي حجزت بيها مافيها مبلغ اقامتي في الفندق ,,

سؤالي :: هل لازم اشحنها بالمبلغ كامل قبل الوصول ب 7 ايام ؟؟
هل ممكن يعرفوا ان البطاقه مافيها المبلغ ويلغون حجزي ؟؟

والله خايفه لاني اول مره احجز وماأعر ايش اسوي ,,

ايش تعملو لو كنتوا مكاني :: تشحنوا البطاقه لازم ولا لا ؟؟

انتظركم ,,

مواضيع عشوائيه ممكن تكون تعجبك اخترناها لك:

• من يستطيع ذالك ارجو منه ان يساعدني وانا مش هـــ قصر معاه
• سكن عائلي بميونخ
• رايكم في مخطط الرحلة
• تاشيرة المانيا
• عاجل وضروري رحلتي بكره
• هل فعلا اليوروب بارك بتقفل؟؟
• تم الدخول الى ميونخ بتاريخ
• بخصوص إمكانية تأجيل الحجز على اللوفتهانزا
• موعد التبصيم
• شريحه التلفون
• استشارة ياأهل الخبرة
• برنامج سياحي في مدينة ميونخ
• اي افضل استئجار سيارة اجرة او تأجير سيارة في ميونخ
• رايكم بين فندقين
• تخطيط رحلةالى اوروبا ارجو المساعدة
• العزبه والكبسه
• رحلة اوربية ، من يتبرع يرسمها وياي حبه حبه ؟
• رايكم في يورب بارك في بوم الأحد
• كيف الانتقال من مطار ميونخ لسالزبورغ بالقطار
• علاج تشوتقار فزعتكم

هلا بج أختي حنين
الصراحة الموقع هو وسيط فقط ولا يخصم ولكن الفندق هو من يخصم ويعتمد بشكل كبير على الفندق فأنا كنت حاجز في فيننا في فندق park inn ليلة واحدة ويتم الغاء الحجز مجانا قبل الساعة 15 (أي ثالثة عصرا ) في نفس اليوم ولاننا تاخرنا بالطريق من التشيك الى فيننا حيث لم نصل الا الساعة 5 مساء جتني رسالة ان بطاقتي تم خصم مبلغ 200 يورو من قبل الفندق عند الساعة 15.30 مع ان اجر الفندق كان 144 يورو فقط ولما وصلنا سوينا شك ان أخبرتهم قالوا اذا سويت شك أوت رجعنا الفرق على حساب البطاقة خلال ثلاث ايام هذه حالة صارت معاي
الحالة الثانية كنا حاجزين فندق بزيلامسي ولا يوجد الغاء مجاني قبل 21 يوم من الوصول ولم يتم خصم اي مبلغ مع اننا برضو وصلنا متاخرين من فيينا الى زيلامسي لم نصل الا حوالي الساعة 6 للفندق ولم يلغى الحجز ولم يخصم اي مبلغ من البطاقة
خلاصة القول هي تعتمد على سياسة الفندق
نصيحتي لج بشحن البطاقة اريح لج
تمنياتي لج برحلة سعيدة

طيب ايش يعني ذي الجمله ::

يرجى الملاحظة أنه يمكن أن يتم عمل تفويض مسبق لبطاقة ائتمناك قبل وصولك.


أشكرك اخوي على ردك .. جزاك الله خير

انتظر باقي الردوود

مافي أحد ؟؟؟

)":

المشاركة الأصلية كتبت بواسطة حنيـن الذكريـآت
http://www.arabtravelersforum.com/tr...8/#post5546288

طيب ايش يعني ذي الجمله : :

يرجى الملاحظة أنه يمكن أن يتم عمل تفويض مسبق لبطاقة ائتمناك قبل وصولك.


أشكرك اخوي على ردك .. جزاك الله خير

انتظر باقي الردوود





نصيحتي لج تخلين بالفيزا اقل شي 600 دينار كويتي تحسباَ لاي ظروف .. او المبلغ الي تقدرين عليه ..

سالفت التفويض اعتقد انها شغلتين ..
الاولى

عمل تفويض مسبق يعني ممكن اننا نسحب من فيزتك بأي وقت قبل لاتوصل لنا للفندق وبأي وقت .. يعني دام انج حجزتي عندهم خلاص يقدرون ياخذون فلوسهم من نفس اللحظه

الثاني وهو الاقرب

يعني تروحين اتصورين بطاقة اءتمانج بطن وظهر وتوقعين عليها بالورقه الي صورتيها فيها وتكتبين تفويض لهم انهم يحجزون لج بالفندق بالقيمه الفلانيه وبالوقت الفلاني تسحبون المبلغ المذكور فقط لاغير
وبهالحاله اهمه يتصرفون في المبلغ الي انتي فوضتيهم فيه ويأكدون حجزج ..

هذي هي اقرب شرح لها ..

وهذي للي مثلا مايبي يدفع بالفيزا مباشره عشان ماينحجز على مبلغه بنفس الوقت وتعتبر هذي سياسة فنادق ..

الف شكر لكم

جزاكم الله خير

في هذه الحالة
ممكن الفندق يرسلك قبل سبع ايام
ويخبرك ان البطاقة مافيها رصيد
ويعطيك فرصة لتعديل الوضوع او يتم إلغاء الحجز

هذا من خبرتي مع booking.com والفنادق

شوفي الاعتماد علا سياسة الفندق يعني لو يقولون قبل 7 ايام راح نخصم علا فلوسنا و يجون يبون يخصمووون يلقون الحساب فاضي باحالة هذة يا يلغون حجزكم او يراسلوكم عشان تحطون فلوس السكن و اذا متم ذالك الحجز طبيعي يروح عليكم الفندق مو خسران شيء ولا مو قع يكونق انتو الي تخسرون الحجز ف يفضل وضع مبلغ المطلوب بافيزة

انا قبل اسبوع ارسلو البوكنج لي رساله انا البطاقه مافيها شي وسوف يلغى الحجز خلال24 ساعه اذا ما حطيت بلبطاقه مبلغ وتركتهم والغو حجزي ورجعت احجز من جديد بنفس الفندق وحطيت مبلغ بلبطاقه وسحبو على طول منه يبون يضمنون حقهم

نصيتحي حطي بلبطاقه مبلغ علشان مايروح حجزك واتكلي على الله