الموضوع: للاهمية قبل السفر بما يخص جواز السفر

السلام عليكم جميعا
بقرب السفر باذن الله ...
سحبت قلمي من غطاه وبدا يسبقني على الكتابه ويرقص بين اصابعي مسجلا ذكريات وتاركا احلى اثر خلفه
يقرأه كل عين ويتاثر بما سيقول ( شي في الخيال ادري قطعت الفكرة )
المهم

هناك ملاحظات هامة وجادة للكويتيين وكذلك الغير كويتيين


وهو جواز السفر

على كل مسافر ان لا يتهاون في تجديد الجواز او اصداره ... لان وحدة من الثنتين
1) يمكن تحصلك على فرصة سفر بعرض سعر ممتاز ويأخرك اصدار الجواز
2) زحمة المراجعين في ادارة الجوازات ووثائق السفر الله يعينهم فعلا وزارة الداخلية تبذل مجهود
غير طبيعي من ناحية خدمة العملاء ( المراجعين ) حتى ساعات من كثر الموظفين في ادارات الداخلية
ماعندهم شغل تحس بس يكشون ذبان لكن صراحة متفهمين جدا جدا وماقصروا معاي .. حتى اذا شافوني احس في تعابير وجوهم " الله وناسه في مراجع وبعد دشداشة .... وعاد كل واحد يسحبك من صوب ... الخ
كاني طلعت برع الموضوع .... على العموم بررررررررررد على صيفك

ونصيييييييييييحة نصحصح الناس شوية حاول تروح خدمة المواطن وخاصة اللي في مجمع الوزارات و برج التحرير لكن الله يعينكم على المواقف ( لكن فعلا ماكو احد )

لكن عندي سؤال يقرقع في قلبي وهو " تتوقعون كم يوم ياخذ اصدار جواز السفر للكويتي مادة اولى بالتاسيس ( واحد مو مصدق) ؟ وما هو المطلوب ؟
احنا مانبي بس احد سواعد وزارة الداخلية يجاوبني احنا نبي كلمن يجاوب الداخلية واكيد مايقصرون لكن حتى المتصفحين ( ومافي مانع واحد من حكومتنا الرشيدة الله يطول في عمرها ان تشارك في اجابت هذا السؤال .... متفائل حيل )
واخيرا انا اشك ان احد قرا سؤالي اخر سطر لانه اكيد انا طولت بالكتابه وحس في الملل ا و مطلع جوازاته ومضبط شغله ( بوقليب ) .... لكن لاتلوموني لانه اول ما كتبت هالاكلام حرصت على الجميع
أسالكم الدعاء لي ولوالدينا وذريتنا جميعا اللهم امين
hamad123
المسافرون العرب - جده - المملكة العربية السعودية

مواضيع عشوائيه ممكن تكون تعجبك اخترناها لك:

• ســكــن قريب من السـرّة
• ممكن نبذه عن مدينة السالمية ؟؟؟؟
• هل تفتح المراكز التجارية يوم الجمعة
• بزور الكويت واحتاج مساعدتك يا أهل الكويت
• الأسواق الشعبية في الكويت
• درجة الحراره والاماكن الروعه في الكويت
• الزي الكويتي ياهل الكويت
• ๛ﰟ¦¯ مطعم ليلى الافينيوز ¯¦ﰟ๛
• فندق روتانا المنشر
• خريطة لدولة الكويت الشقيقة
• يا اهل الكويت وينكم ؟؟
• هل تقضية عيد الفطر في الكويت جنون؟
• شقق فلورا بارك في بنيد القار
• هل من مساعدة؟
• مطعم بيت ستي
• التركيبة السكانية في الكويت
• جايكم ومعاي ضيف أمريكي
• الأخوة السعوديون اللي بيغادرون الكويت اليوم الجمعه ممكن نتفق لا هنتو
• سوف أنتقل الى الكويت ان شاء الله قريباً أفيدوني
• أهنيء بوابة الكويت على هؤلاء المشرفين

يعطيك العافيه أخوي حمد

أما بخصوص أستخراج الجواز فوالله ما قصرت وزارة الداخليه

بصراحه أنا قدمت جوازي الصبح الساعه 8 وأستلمت الجواز الساعه 10

لا وأنا اللي تأخرت على الإستلام للمعلومه فقط

والمطلوب 3 صور شخصيه والجواز القديم لا وإذا فيه فيزا يعطونك الجواز القديم

ومبلغ 3 دنانير لمدة صلاحية خمس سنوات

ومبلغ 6 دنانير لمدة صلاحية 10 سنوات

وهذا الكلام حصل بالضبط يوم الأربعاء 18/4/2007م

مع تحياتي :101:

المشاركة الأصلية كتبت بواسطة عاشق التشيك
http://www.arabtravelersforum.com/tr...0/#post1291107

يعطيك العافيه أخوي حمد

أما بخصوص أستخراج الجواز فوالله ما قصرت وزارة الداخليه

بصراحه أنا قدمت جوازي الصبح الساعه 8 وأستلمت الجواز الساعه 10

لا وأنا اللي تأخرت على الإستلام للمعلومه فقط

والمطلوب 3 صور شخصيه والجواز القديم لا وإذا فيه فيزا يعطونك الجواز القديم

ومبلغ 3 دنانير لمدة صلاحية خمس سنوات

ومبلغ 6 دنانير لمدة صلاحية 10 سنوات

وهذا الكلام حصل بالضبط يوم الأربعاء 18/4/2007م

مع تحياتي :101:

حبيــــــــــــــــــــــــــــبي والله ياخي برررد قلبي الله يبرد على قلبك وصيفك
بشرتني .... بس كسرت فيني تالي تقول شهر 4واحنا في شهر جونيو ... :101:
لكن ليش مانجرب ... وصج الجواز مو لي ، الجواز لطفل جديد حتى بطاقة مدنية ماعنده
بس ميلادية وتطعيمات وهم بطاقة التموين موجوده .. الله يستر
اذا احد يتوسط لاخوه الفقير المسكين ويمشي هالجواز راح ادعيله ( الحين اللي يسمعني يقول المعاملة بوقفونها )
انشالله ما توقف دعواتكم يا مسلمين ... صج مالي خلق مراجاعات بالصيف و وقف على الشباك اللي بره
والغتره راده لي وره والقدله واقفه لي فوق تقول كوبرا واخر شي موعندي:108:
وعاد انت تقوله مشكور انا اسف وغلطان ( عن الفشلة ) :106:
وسلامتك وتعيش

ربي يخليلك الولد انشالله بس الجواز عموما اذا طول يومين إلي ثلاث ايام هذا اذا زحمه غير طبيعيه وهذا مراح يصير لانه في خدمة المواطن فاتحين بكل منطقه تقريبا بس الله يعينك علي مراجعات الصبح

يعطيك العافيه
والله يخلي لك الوالد والوالده ويسلمهم

المشاركة الأصلية كتبت بواسطة old-man
http://www.arabtravelersforum.com/tr...0/#post1291572

ربي يخليلك الولد انشالله بس الجواز عموما اذا طول يومين إلي ثلاث ايام هذا اذا زحمه غير طبيعيه وهذا مراح يصير لانه في خدمة المواطن فاتحين بكل منطقه تقريبا بس الله يعينك علي مراجعات الصبح



مشكوووور تسلم على الرد ... ويومين او ثلاثة ممتازة بس العيب فينا عاد دور احد يراجع الحين ولا وزارة الداخلية ماتقصر على طول من دش من الباب وانت خالصة امورك لكن منو يعطي من نفسه .....
تسلم على المرور يا الغالي يا ابن البلد الغالي:24:

المشاركة الأصلية كتبت بواسطة المرام
http://www.arabtravelersforum.com/tr...0/#post1292153

يعطيك العافيه
والله يخلي لك الوالد والوالده ويسلمهم



الله يسلمك
اختي المرا م انا ناوي اروح الخبر السبت بعد يومين ( هذي النية ) بس سالفة الجواز عفست الحجوزات يعني شكلي بتكلف الدبل للحجوزات في سبيل السكن والفرارة:101:
الله يعين
وشكرا على المرور

اخذ الخبر من مصدر موثوق به جداااااااااااا


اذا رحت حق اي مركز للخدمه ومو شرط مجمع الوزارات او برج التحرير عندك مثلا مكرز خدمه الروضه فاضي مافيه احد والضاحيه بعد والرميثيه وخصوصا كاونتر الجوازات مافيه احد كلش لكن اذا مستعجل روح اداره الجنسيه والجوازات اللي في منكقه الضجيج في الفروانيه

اذا رحت لاي مركز المعامله تاخذ ثلاث ايام بدا من شهر جون اي هذا الشهر واذا رحت الى الاداره تسلمه اليوم وتاخذه باجر بالكثير

الاوراق المطلوبه اذا لك ولعيالك طبعا الجوازات القديمه وثلاث صور شخصيه جديده خصوصا للعيال

وصوره لبطاقتك المدنيه لكل معامله

وطبعا مثل ماقالو الاخوان الرسوم ثلاث دنانير للاطفال لمده خمس سنوات وسته دنانير للكبار لمده عشر سنوات

واذا كان الجواز فيه فيزا صالحه يعطونك اياه بعد ختم الغاءه

المشاركة الأصلية كتبت بواسطة ناصر كويتي
http://www.arabtravelersforum.com/tr...0/#post1292645

اخذ الخبر من مصدر موثوق به جداااااااااااا


اذا رحت حق اي مركز للخدمه ومو شرط مجمع الوزارات او برج التحرير عندك مثلا مكرز خدمه الروضه فاضي مافيه احد والضاحيه بعد والرميثيه وخصوصا كاونتر الجوازات مافيه احد كلش لكن اذا مستعجل روح اداره الجنسيه والجوازات اللي في منكقه الضجيج في الفروانيه

اذا رحت لاي مركز المعامله تاخذ ثلاث ايام بدا من شهر جون اي هذا الشهر واذا رحت الى الاداره تسلمه اليوم وتاخذه باجر بالكثير

الاوراق المطلوبه اذا لك ولعيالك طبعا الجوازات القديمه وثلاث صور شخصيه جديده خصوصا للعيال

وصوره لبطاقتك المدنيه لكل معامله

وطبعا مثل ماقالو الاخوان الرسوم ثلاث دنانير للاطفال لمده خمس سنوات وسته دنانير للكبار لمده عشر سنوات

واذا كان الجواز فيه فيزا صالحه يعطونك اياه بعد ختم الغاءه




تسلم بوبدر على الكلام الطيب يا عميد عقبال اللواء انشا الله
انشالله انا يوم السبت ريوقي وياهم بالادارة بشوف متى يخلصونه عسى الله يسر لنا جميعا
وتخلص بدون البطاقة المدنية ومشونها على الميلادية
مشكور على المرور يا عميد:24: