الموضوع: جايكم ومعاي ضيف أمريكي

السلام عليكم ورحمه الله وبركاته ..

كيف الحال يا أحلى بوابه ..

ندخل بالموضوع .. شباب أنا جايكم ومعاي ضيف أمريكي ( ولدي ) ..

قبل شهور قليله الله رزقني بولد ولله الحمد .. و أنا حاليا ناوي أزور الكويت ..

حجزت التذاكر ( واشنطن - الكويت - واشنطن ) ..

ولدي عنده جواز أمريكي .. و أمس حصلت على ( تذكره مرور خاصه بدخول السعوديه فقط - لأني سعودي ) ..

المقصد من السؤال .. أنا ما أقدر أدخل ولدي عن طريق مطار الكويت بـ تذكره مرور خاصه بدخول السعوديين للسعوديه ..

في حاب أطلع له فيزا كويتيه من مطار الكويت .. فما أدري هل الامريكان مصرح لهم بالحصول على الفيزا الكويتيه من مطار الكويت ..

اللي عنده أي معلومه بالله لا يبخل علي ..

كم قيمتها -- مدتها -- إجراءاتها و الاوراق المطلوبه ؟ ..

لاني في حيره من أمري ..

مواضيع عشوائيه ممكن تكون تعجبك اخترناها لك:

• شقق مفروشه بالفروانيه
• ياهل كويت لا تبخلون علي
• عاجل لأهل الكويت المساعده قبل الغد
• فساتين
• منتجع بلومون
• فيكتوريا سيكريت تنطلق في المنطقة عبر فرعين الكويت و دبي
• تكفون ابي اسافر الكويت فيدوني
• ابي احل فندق او شقق مفروشه
• اهم الاماكن في الكويت
• شقق حلوة بالكويت
• كارفور تفتح في الأفنيوز فرعها الأول في الكويت
• صيف العائلات في الكويتعروض ومفاجآت
• فندق السالمية أستفسار عن حجم الغرف
• جولتى فى ابيات للاثاث
• منتزة خليفة السياحي،،،،،
• ابي استأجر سياره في الخفجي وادخل بها الكويت
• ابحث عن مطاعم شعبية
• الكويـــــــت دليلك السياحي‏
• عطورات الشايع والفايز
• لو سمحتوا ممكن احد يشوف الصور ويقول لي اسم الفندق

حياك الله بس على ما أظن الأمريكان ما يحتاجون فيزا للكويت.......... تأكد من السفاره أحسن

هلا والله بالرصاصي
الف مبروك الامريكي ههههههههه
الله يحفظه لكم
الصراحه ما اقدر افيدك بسوالف الفيزا
ان شاء الله الاعضاء يقدرون يفيدونك
حياكم الله

يا مرحبا بالحاضر الغائب يا مرحبا.....
تو ما نور المنتدى وينك غايب من زمان يالرصاصي......
مبروك على الامريكي و يتربى بعزك ان شاء الله....


بالنسبة للمواطنين الامريكيين الفرنسيين البريطانيين...الخ وغيرهم من دول اوربا الغربية... الفيزا تكون عن طريق المطار (مطار الكويت عند الوصول).. مبلغها رمزي... 5 دنانير كويتي... يعني بما يعادل 19$ .......

مدتها : 3 شهور.... المتطلبات اكيد جواز سفر ساري المفعول.... وتاخذها من المطار طبعا اول ما توصل في مكتب بالمطار للتفييز....


شوف : عندي صديق ايطالي يزورني الكويت بين فترة والثانية..يوصل ...يروح بالمطار يفيز يعطونة الفيزا لمده 3 شهور... عنده الجنسية الكندية...مرات يدخل الكويت بالكندية نفس الموضوع يعطونة 3 اشهر والمبلغ ثابت 5 دنانير بشرط جواز ساري المفعول طبعا... فانا قستها ان حاملي الجنسية الامريكية من باب اولى...


عشان تطمئن وتريح اعصابك اتصل على السفارة الكويتية بواشنطن D.C و اسالهم..الا اني اقدر اقولك اني متأكد من الكلام اللي قلتة 90%.... فأنت اقطع الشك باليقين بالنسبة لل10% الباقية واتصل على السفارة واسألهم....



Embassy of Kuwait in Washington, United States


Head of Mission : Sheik Salem Abdullah Al Jaber Al-Sabah, Ambassador


Address Kuwaiti Embassy
2940 Tilden Street, NW
Washington
D.C. 20008
United States



Telephone (+1) 202-966-0702

Telefax (+1) 202-966-0517


والله يوفقك....بس تعال متى الزيارة بأذن الله وبتقعد جم يوم؟
لاتنسى لازم نشوفك بالكويت

واي استفسار ثاني حاضرين....


مع التحية.......

و عليكم السلام و رحمة الله...

مثل ماذكروا الأخوان ماقصروا.
ستستخرج الفيزا من مطار الكويت الدولي فور وصولك...
و ذلك حسب ما ورد في الرابط الآتي:-
http://www.kuwait-airport.com.kw/Public/visa_a.htm

تقبل تحياتي.

بارك الله فيكم ..
ما قصرتوا اجمعين ..