الموضوع: زيارتي الممتعة للبحرين من الى

السلام عليكم ورحمة الله وبركاته
لقد قمت ماخرا في زياره للبحرين مع عائلتي في اجازة اليوم الوطني لبلادي الحبيبه الامارات واستمتعنا كثيرا باجواء البحرين الساحره.

الحين بغير اللهجه عشان اشرح اكثر لاني مو وايد شاطره بالعربيه الفصحى

حجزنا التذاكر على طيران العربية والتذكره للشخص الواحد كانت 435 درهم وكنا تقريبا 8 اشخاص وطفلين طلعوا عينا بس بعد استمتعنا طارت الطياره الساعه 8 بتوقيت الامارات وصلنا مطار البحرين الدولي فالساعه 8 بتوقيت البحرين وبدات رحلتنا من المطار بعدتاجرينا سياره مع سايق لان ما نجل البحرين عدل واخذنا مكان ما حجزنا عشان الشنط بس طلع الجك اوت حق الناس الساعه 1 وقالنا السايق اخذكم على مجمع البحرين اتشوفونه وتتغدون وبعدها اخذكم الى مكان اقامتكم

واتركم مع هاي المقدمة واوعدكم اني ارجع واحط الصور واخليكم تستمتعون معاي في رحلتي الساحره الى البحرين
بس الحين بذكر لكم الاماكن اللي زرتها بس بعدين بكتب كل شي بالتفصيل
_ مجمع البحرين
_ سوق محرق الشعبي
_ مجمع السيف
_ مجمع العالي
_ شارع المطاعم فالجفير
_ السيتي سنتر
_سوق باب البحرين الشعبي
_ منتزه عذاري
وتقبلوا مني فائق الاحترام والتقدير

مواضيع عشوائيه ممكن تكون تعجبك اخترناها لك:

• وصف الجفير وسوال عن التاكسي
• اخواني انا احتاج مساعدتكم
• ممكن خدمة من الغاليه وبلادي البحرين الله يوفقهم يارب
• محلات راقيه جدا للأثاث
• استفسار عاجل جدا جدا
• شقق عتاب
• السفر للبحرين بالطائرة استفسار
• رشحو الافضل
• مساعدة من اهل الكرم البحرينين
• عاجل جداً
• تنبيه لزوار مملكة البحرين في الفترة الحالية بعد سلسلة الانفجارات البسيطة
• بغيت منو يدلنى علي محلات الدراريع
• سؤال مهم
• زائر جديد للبحرين وعندي كم سؤال
• سؤال بخصوص جزيرة حوار
• سؤال عن الحجز في شاليه
• فزعة ياهل البحرين الكرام
• استفسار عن الحديقه المائيه
• سعر تذكرة البحرين القاهرة
• بسافر البحرين ساعدونـــــي

اولا الحمدلله على السلامة بنت بلادي - البحرين بلادي الثانية - انتظر

تقريرج بفارغ الصبر -

الحمدلله على سلامتكم ..


ونورتونا بزيارتكم


بانتظار التكمله يالغلا ..

الحمد لله على سلامتكم

وننتظر الصور

الحمدلله على سلامتكم
وبإنتظار باقي التفاصيل والصور حتى يكتمل التقرير الف شكر لك على جهدك

الله يسلمكم جميعا

شكرا على مروركم الجميل
وباجر انشالله انزلكم الصور بجميع تفاصيلها
وتقبلو مني فائق الاحترام والتقدير
والسموحه عالتأخير

الحمدلله علي السلامة
ناطرينج بشووووووووق

الحمد لله على السلامة

شكل الرحله حلوه،، بإنتظار الصور والتفاصيل

ننتظر الصور ..

انا من البحرين و لكن عندما أشاهد التقارير اللي تخص بلدنا الحبيب و كأني للتو أراها ..

أتمنى أن يكون التقرير المنتظر رائعا و هو كذلك كما أعتقد من المقدمه .

ننتظر

الحمدلله على السلامه
وننتظر تقريرك(:

الحمدلله على سلامتج
وبانتظار تقريرج

السلام عليكم ورحمة الله وبركاته




رجعتلكم حبايبي وشكرا لكل تعليقاتكم الحلوه وما ابا اطول عليكم



انطلاقا من المطار اول شي حبيت احطلكم صورة التاكسي اليديد الصراحه كيوت







مطار البحرين الدولي







بعض اللقطات من شوارع البحرين















طبعا اول ما وصلنا رحنا نزلنا الشنط بس ماصورت وعلى طول انطلقنا الى مجمع البحرين عشان نتغدا فيه لان بعد ماحصلنا الفيلا صارت الساعه 11 ونص....







وهاذي بعض الصور من المجمع (المجمع صغير بس حلو فيه محلات حلوه وقسم العاب الاطفال وقسم food court)











حان وقت الغداء



اخترنا مطعم الابراج لان شكله كان حلو وطلع مثل ما توقعنا




















بكتفي بهذي الصور من الغدا عشان ما ايوعكم وخلونا ننتقل الي الفيلا عشان نرتاح لان بالليل بعد عندنا مشوار بعدين بخبركم وين بيكون المشوار



اول شي رحنا عند شقق رورو بالجفير لان حجز الفيلا كان من عندهم واذا احد يب رقمهم اخبرني



وصلنا الفيلا تفضلوا معاي عشان اعرفكم على محتوياتها



الفيلا تتكون من ثلاث غرف فالطابق الاول



والطابق الارضي عباره عن صاله وغرفة طعام ومطبخ وفيه مسبح خاص للفيلا























بعد م ارتحنا صلينا المغرب وطلعنا توجهنا الى سوق المحرق بس ماصورت فيه الى صورتين











بعدها توجهنا للمول اللي موجود جنب الفيلا ورحنا برادات الجزيره عشان نشتريلنا اشوية اغراض حق العشا لان خلاص هلكنا







هذا الكوفي شوب اللي موجود فالمول







ومايستوي اروح سوبرماركت وما اشتري حلاوه وجبس محد اقول ابا ما بعطيكم







هذا عشانا المتواضع







وهذا عشاي انا







شوفوا اهلي شو اشتروا من اول يوم ماعندهم واحد اثنين










خلاص حبايبي خلوني ارتاح من التحميل وارتاح بعد عشان فليل اطلع واشوفكم بعدين وانشالله باجر اكمل الرحله معاكم واتمنى ان الصور نالت اعجابكم

ما شاء الله تعالى صور حلوة صافية
الف شكر لك على التقرير والجهد الكبير منك

يعطيج العافيه حبيبتي
ماشاء الله تصويرج وايد حلوو وواضح
ماقصرتي وبانتظار باقي التقرير

مشكورين اخواني على المرور الرائع
وانتظروا باقي التقرير اليوم المسا انشالله

تقرررررررررررريررررررررررررررر روعه جدا

تقرير روعه


تسلمين اختي وبانتظار الباقي

تقرير مبين من اولة روعة

ومميز فعلا في بوابة البحرين خصوصا دقة التصوير

منتظرين الباقي وياليت زيادة بعدد الصور

سوال:نوع الكاميرا المستخدمة؟ وشكرا

الله يعطيك الف عافيه

تقرير من بدايته قووي

واللى محليه دقة الصور ما شاء الله

بس ياليت ترفعين الصور على مركز تحميل العرب المسافرون عشان ما تروح مع الوقت

+

تصغرينهم يكون افضل لانها تاخذ وقت لين تطلع

وتسلم يدك ..

منتظرين باقي التقرير

شكرا لمروركم الغالي اعزائي

بالنسبة للكيمرا اللي استخدمها هي نيكون لاني ماحب استخدم غيرها

وانتظروا التقرير الحين بنزله

المول اسمه المرجان ويقع في الجفير.

استخدمي مركز تحميل المنتدى افضل شي

https://travel.maktoob.com/photo/

ضغطي على البوماتي الخاصه وبعدين انشاء البوم جديد

وسوي لك البوم باسم تقرير البحرين مثلاً

ومن الملف نفسه ضغطي تحميل الصور وبعد ما يكتمل راح يرجعك للألبوم عشان تاخذين رابط الصور

خووووووووووووووس سفرة....الحمدلله علي السلامة
والتصوير واضح ومتقن....بانتظار باقي التقرير والصور

منتظرينــــك ،،

في الانتظار

السلام عليكم ورحمة الله وبركاته

اولا السموحه منكم اخواني الأعضاء على عدم مقدرتي من انزال الموضوع بسبب اعطال فالشبكة

واوعدكم باني انزل الموضوع كامل باجر وباذن الله عشان ما اشوقكم اكثر

والسموحة مره ثانيه

اختي بانتظارج وانصحج بتحميل الصور من المنتدى هني عشان تضمنين انها ماراح تنمسح على طوووول ان شاءالله

نتظرك مع اعادة رفع الصور
لانها ماهي موجوده

السلام عليكم ورحمة الله وبركاته
اسمحولي اعزائي على الاطاله وعدم مقدرتي لتنزيل باقي الموضوع واوعدكم بعد ما تساعدوني انزل الموضوع
اعزائي اعضاء المنتدى ارجو مساعدتي في كيفية تنزيل الصور فالمنتدى لاني نزلت الصور فالمنتدى وما اعرف وين اختفوا
عدلت الصور وصغرتهم وبس اتريا اتعلموني
وشكرا لكم

هلا فيج اختي


لعيونج لطشت من بوابة ماليزيا موضوع فادني في تحميل صور تقريري الاول


هذا الرابط http://www.arabtravelersforum.com/travel147207/

تلهفت على شوفة الصور
منتظرين التعديل

وعساج ع القوة

عسى المانع خير إن شاء الله
بإنتظار باقي التقرير..
لو سمحتي وين عنوان ها الفيلا ورقمهم لو سمحتي
لأن لي زيارة إلى البحرين الشهر القادم

المشاركة الأصلية كتبت بواسطة bufahad
http://www.arabtravelersforum.com/tr...2/#post3509702

عسى المانع خير إن شاء الله
بإنتظار باقي التقرير..
لو سمحتي وين عنوان ها الفيلا ورقمهم لو سمحتي
لأن لي زيارة إلى البحرين الشهر القادم

هلا اخوي الفيلا في منطقة الجفير بس لازم اول شي تروح عند رورو للشقق الفندقيه وبعدين تاخذ المفتاح وتتوجه الى الفيلا بس ان انصحك تاخذ معاك شراشف احسنلك وهذا رقمهم 0097339557231

المشاركة الأصلية كتبت بواسطة miss mint
http://www.arabtravelersforum.com/tr...1/#post3509851

هلا اخوي الفيلا في منطقة الجفير بس لازم اول شي تروح عند رورو للشقق الفندقيه وبعدين تاخذ المفتاح وتتوجه الى الفيلا بس ان انصحك تاخذ معاك شراشف احسنلك وهذا رقمهم 0097339557231

شكرا لك على الرد
أولا بإنتظار باقي الصور للفيلا وباقي التقرير

متابعين للتقرير الجميل
والصور الإبداعية

ربي يسعدك

السلام عليكم اخواني الاعضاء

في ثاني يوم لنا فالبحرين زرنا اربع اماكن وبدينا بمجمع السيف ثم مجمع العالي وبعدين الى سوق باب البحرين وبعدين شارع المطاعم.

ابدا بمجمع السيف



وهاذي بعض الصور للمجمع من الداخل



هذا محل الكاكاو وايد حلو



هذا المحل خذت منه عباياه وشيله طقم ب 800 درهم



الفود كورت اللي صوب السينما





وهذا غداي والبيبي مالي طالع فالصوره رزه في كل مكان







الصراحه المجمع حلو وكان هادي وينفع ل shopping وفيه قسم العاب بس انا ماصورته
ومن بعد السيف توجهنا الى مجمع العالي اللي يربطهم بشارع صغير

وان شاءالله انزل الصور في اقرب وقت
وشاكره لكم متابعتكم

تحياتي
Miss Mint

المشاركة الأصلية كتبت بواسطة تـk.s.aـرف
http://www.arabtravelersforum.com/tr...4/#post3511814

منتظرين الباقي

بس حبيبتي ياليت تنزلين موديل الكاميرا او صورتها

هلا اختي وشكرا على متابعتج لي
انا استخدم كاميرات نيكون
وهذا اللنك تقدرين اتشوفين شكل الكيمرا بس نزلوا موديلات جديده وفيها مميزات اكثر

http://www.kenrockwell.com/nikon/d40...-right-950.jpg

جزء حلووو وممتع مع انه قصير


متابعين معاج يالغلا

يعطيك العافية 000 اشتقنا للبحرين 0

سجلني من المتابعين 0

Miss Mint شكرا لك على إكمال باقي التقرير وعلى جهودك
وبإنتظار الباقي

الله يهديكـ طولتي علينااا

السموحه منكم اخواني

بعد مجمع السيف انتقلنا الى مجمع العالي ودخلناه من ورا في ممر اسمه سوق الطواويش وكان وايد حلو لشكله التراثي









في صور زياده لهل المكان بس مانزلوا لكبر حجمهم اوعدكم في اخر التقرير انزل كل الصور اللي مانزلت لكبر حجمها بعد ما اصغرها والسموحه اكثر لاني في فترة امتحانات ادعولي الله يوفقني

خل انكمل بعدها دخلت المول










وبعدها توجهنا الى باب البحرين











وبعد السوق تعبنا من المشي وبس خذينا حلويات وجلاليب بعدها توجهنا الى الفيلا ريحنا اشوي وبعدها رحنا الى شارع المطاعم طبعا رحنا المكان هناك بدون سياره لقربه من الفيلا والجو كان عجيب حلو ونسمة الهوا كانت بارده

طبعا ما صورت وايد لان المكان كان مكتظ بالناس واستحيت





المكان وايد حلو لانتشار المقاهي والمطاعم فيه واعتقد بعد فيه هايبر ماركت
تم تختيار مطعم The Pizza Company انا مااعرف ليش اختاروا هذا المطعم من كل هالمطاعم بس يالله مااقدر اقول شي امري لله







وهذا كان العشاء اقربوا















هذا ستاربكس من المطعم





وبجي انخلص ثاني يوم ويبقالنا ثالث يوم ويوم المغادره الى ارض الوطن وانشالله تستمتعون معاي
واشكرلكم حسن متابعتكم لي

تحياتي
Miss Mint

شكرا لك أخت Miss Mint
الصراحه أعجبتني صور سوق الطواويش ذكرتني في كويت الماضي

مشكوره على الصور شوقتينا للبحرين الغاليه

يعطيك الله ألف عافية على التقرير المميز

ما شاء الله

مستمتعين بالتقرير ومنتظرين البقيه

السلام عليكم ورحمة الله وبركاته

السموحه منكم اعزائي الاعضاء طبعا التاخير كان خارج عن ارادتي

وعلى طول ادخل فالموضوع
في ثالث يوم لنا رحنا من الصبح السيتي سنتر وكانت الاجواء جميله جدا والسيتي كبير والتسوق فيه وااايد حلو











وعندي طرو جميله للسوق بس مانزلت لكبر حجمها وانشالله في اخر التقرير انزل كل الصور









وبعد التسوق والتمشي في هذا المول الرائع اخترنا مطعم وافي جورمية للغدا وما صورة وايد لكثرة ازدحام المطعم



يلسنا فالجلسه الخارجيه وكان الجو رائع جدا





وهذا جزء من الغدا

وهذا كان صباح يوم العوده الساعه 6 الصبح كان الجو حلو وبارد



الفيلا من الخارج



وهاذي سيارتنا اللي رافقتنا كل مشاويرنا مع السايق الله يعطيه العافيه بوعلي



وهاي صورتين من الشارع البحريني باتجاه المطار





وبعض الصوره من الطياره الصراحه الجو كان عجيب والغيوم كانت جميله جدا



سبحان الله



وهاذي هي شارقتي الغاليه وبجيه نكون وصلنا ونستعد للهبوط







وبهذه الصور اكون قد خلصت التقرير وان شاءالله انه نال اعجابكم واقول لكم مره ثانيه السموحه على التاخير وان شاءالله في وقت قريب انزل كل الصور اللي ما نزلت لكبر حجمها وتقبلوا مني كل الاحترام والشكر لجميع الاعضاء اللي ساعدوني وشكر كبير لكم لتثبيت التقرير

تحياتي
Miss Mint

جزء روووعه حبيبتي


والحمدلله انكم استانستو ..


بانتظار باقي الصور يالغلا

ألف شكر وتحية وتقدير اختي العزيزة على التقرير الجميل والضخم وبكل تأكيد يستحق التأكيد فهو مكسب للبوابة البحرينية

شرفتونا ونورتونا وبانتظار عودتكم جريب ,, من باب الصدفة من تاريخ 6 ديسمبر كانت الأجواء عندنا ماطرة حتى نهاية الشهر على فترات ,, توقيتكم ممتاز وايد.

ما معاكم خبر زين ... يـارسـول المحبه .... بسألك عن البحرين .... كيف أهل المنامه .... عادهم يذكروني



الحمد لله على السـلامه ,,



وصور روعه ,, الله يعطيكِ العافيه



تحياتي

تقرير رائع وصور اروع
يعطيج العافيه اختي مس منت

الف شكر على التقرير المميز اختي miss mint
راح يفيدني ان شاء الله في رحلتي للبحرين بعد كم يوم ،

التقرير نال اعجابي بس السايق ابو على
شكلهم غيرررر و الالعاب خذوو حقه و ما صورتيلنا المنتزه

ياســـلامــ // عليــك
الحمدلله على السلامــه
.
.
بس ممكن تعلمنا وش نوع الكاميرا اللي إستخدمتها ..!!

تقرير جميل جدا يعطيك العافيه

وان شاءلله ننتظر كل جديدك

مشكورين اعزائي على المرور

بالنسبه للكيمرا اللي استخدمها من نوع نيكون وتصويرها وايد حلو بس كبيره اشوي ومش عمليه للمش متعودين


أختكم
Miss Mint

تقرير وايد حلو
ورائع لأهم اماكن التمشيه العائلية في البحرين
مشكوووووررررررريييييييين على هذا الابداع
وهذي الصور الجميلة

تحياتي
صبح صبح

المشاركة الأصلية كتبت بواسطة miss mint
http://www.arabtravelersforum.com/tr...1/#post3509851

هلا اخوي الفيلا في منطقة الجفير بس لازم اول شي تروح عند رورو للشقق الفندقيه وبعدين تاخذ المفتاح وتتوجه الى الفيلا بس ان انصحك تاخذ معاك شراشف احسنلك وهذا رقمهم 0097339557231

اختي كان بودي تذكرين كم سعر ايجار الفيلا اليومي لانه مهم

الله يعطيك الف عافية

ماقصرتي كفيتي ووفيتي

لكن عندي سؤال كم اخذتوا الفيلا ؟؟ لليلة الوحده ؟؟