الموضوع: ممكن خدمة من الغاليه وبلادي البحرين الله يوفقهم يارب

أشكر كل من شارك في هذا المنتدى الجميل
وخاصه الااخ بلادي البحرين والأخت الغاليه
وياليت تخدموني ولكم من جزيل الدعاء
أنا محتاجه أخذ بريك مدة 4-6أيام وحابتها تكون أسترخاء وأستجمام فقط
بدون تسوق ولا شئ
وكنت ناويه على أبوظبي
ولكن فجأة دخلت بوابة البحرين وحصلت فيها حاجتي وهو منجعات أسترخاء بمسابح خاصه
وهذا اللي كنت أدور عليه بس للأسف ما حصلته في الامارات بكبرها
كل الشاليهات اللي حصلتها تكون على البحر لكن بدون مسبح او بمستوى متدني في النظافه
فأنا أطلعت على مواضيع المتعلقه بالشاليهات وقريت ردودكم الرائعه اللي تعبر عن خبرتكم بالمنطقه ومعرفتكم بها وكذلك أخلاقكم الرائعة وتعاونكم مع الاخرين(ولا هانوا الباقين)
فاليت فضلا لا أمرا تخدموني أذا ماأكلف عليكم
أنا أبغى أتأكد من بنيان تري هل الشاليه بغرفه واحده يتكون من جاكوزي ومسبح وساونا ؟
وكم السعر؟
وياليت صور الشاليه الصغير؟
أدري انكم ماقصرتو وحطيتو الرابط بس معليش ماعرفت لأن الموقع أنجليزي
كذلك الرتز كارتون أصغر شاليه بمسبح كم سعره الاكيد؟
وهل عندهم غرف في الفندق بجاكوزيات؟
ياليت الصور لهل والأسعار
وكذلك شاليهات البندر ممكن صورة الشاليه اللي بجاكوزي وسعره؟
وصورة للشاليه بمسبح وسعره؟
أدري أني كلفت عليكم بس معليش أنا ماسبق زرت البحرين ولا كنت أتوقع فيها هالزين كله
ياخسارة وقت ضيعته قي بوابة الامارات وقطر
وبرأيكم متى الوقت المناسب لزيارتها؟
ومشكورين مقدما الله يبارك في الجميع ويوفقهم لكل خير

مواضيع عشوائيه ممكن تكون تعجبك اخترناها لك:

• فندق اليت ريزدنس اند اسبابحرين
• اللي يروح للبحرين ولا يمرّ عذاري تراه غلطان
• أين يوجد سوق واقف والمنامة
• هل يوجد جزيره في البحرين
• مملكة البحرين تعيش أجواء رمضانية خاصة
• كورنيش البحرين تكفون
• اهل البحرين
• الأماكن التراثية والأثرية في البحرين
• مواقف مطار البحرين كلفتنى ريال
• عاجل ماهو افضل وافخم منتجع شاليهاتفي البحرين؟
• مطعم بريما فييرا من روائع الريتز كارلتون بعيون جاني خبر
• سساعدوني
• مساعدة ضرورية يا جماعة
• اهل البحرين بسرعه تعالو
• شركة تؤكد أن البحرين مقرها الإقليمي وتعلن التزامها بمطار البحرين الدولي
• عاجل موقع مجمع يم يم بشارع المعارض؟؟
• من يساعدني في البحث عن الجزر
• شقق في العدليه
• متنزه ومحمية دوحة عراد البحرية
• فزعه لو سمحتوا هل البحرين الطيبين

رد بسيط وعلي عجالة...... اذا البحر مو مهم عندك افضل شيء البنيان تري العرين. اعتقد عندهم عرض لشهر مارس الفيلا بغرفة نوم واحدة وصالة جلوس وصالة طعام ومسبح خاص وجاكوزي وخادم ب 350 دينار الليلة بالاضافة الي كثير من الهدايا والعروض. السبا والجيم حقهم فخم وراقي، والمطعم التايلندي ممتاز ورومانسي في المساء، والجو في البحرين عجيب هالايام

اذا بتزورين البحرين تاكدي ان تكون الزيارة قبل 20 مارس 2008 او بعد 8 ابريل 2008 لتتفادي موسم الفورمولا ون. اما اذا بتحضرين الفورمولا فاحجزي من الان بس الاسعار راح تكون غالية لكن الفندق حيكون مليان مشاهير ولة جو خاص.

البنيان تري يشهد اقبال جيد من الامارات حسب مصادر الفندق.

هلا والله بج أختي .. توتي ....

الأخ بلادي البحرين طبعا ما قصر ... الله يجزيه ألف خير .... وأنا أتفق معاه في رأيه بالنسبة للبانيات تري ... انتي غرضك الاسترخاء .. وتبعدين عن الدوشة والاسواق وكل هذا .. تحصلينه في البانيان تري ...

الريتز كارلتون .. ميزته انه قريب .. بس الأسعار الأساسية تبدأ من 1000 دينار تقريبا بدون الخدمات ...

انا عملت لك بحث بسيط .. لكني أصر على انك تتصلين عليهم وتعرفين بنفسك ...
شوفي اختي ... السعر الأساسي يبدأ من 335 دينار بحريني ... للفيلا لليلة الواحدة .. وكل فيلا فيها بركتها الخاصة وجاكوزي خارجي خاص .. والكثير من الخدمات اللي ما يتسع المجال لذكرها ...

انا شفت لج 2 باكيج لو حبيتي تعرفين التكلفة .. وبعطيج المختصر:


الباكيج الأول UNLIMITED LUXURY: ((أقل مدة ممكنة 4 ليالي)) على افتراض ان السكن بيكون 5 ليالي .. الليلة: 832 دينار بحريني
شامل: الافطار والغدا والعشا + خدمه يومية في السبا + مواصلات من وإلى المطار + ليموزين طول مدة إقامتكم + استهلاكم من الميني بار اللي في الغرفة + دخول مبكر مجاني من الساعة 8 الصباح + خروج متأخر مجاني حتى الساعة 10 المساء + خادم موجود 24 ساعة لخدمتكم ..

الباكيج الثاني HEAVENLY HONEYMOON: ((أقل مدة 4 ليالي)) .. الليلة 722 دينار بحريني
شامل: الإفطار يومي في الفيلا + 1 خدمة شواء (باربيكيو) في الفيلا + خدمتين من السبا لمدة 120 دقيقة و 90 دقيقة + هدية للزوجين + عشاء لليلة واحدة + مواصلات من وإل المطار ...

بالنسبة للصور أختي ... روحي على هالرابط .. وشوفي بنفسج .. خليته لج دايركت على الصور:
http://www.banyantree.com/en/alareen/gallery.html

أختي العزيزة ... اللي عطيتج اياه صورة جدا مختصره عن خدمات البانيان تري ... الأفضل والأفضل والأفضل انج تتصلين عليهم ... وتعرفين كل الخدمات والأسعار للمدة اللي تحبينها وأكيد بيكون فيه موظفين بحرينيين يعطونج اللي تبغينه على راحتج وهذا رقمهم ...00973845000

أتمنى لج إقامة سعيدة ان شاء الله وراحة واستجمام واسترخاء ليما يطيب خاطرج ... وسامحينا من اي قصور ... :101:

يعطيكم العافية اخواني بلادي البحرين والغالية على المساعدة ..

الحلو في بنيان تري المنطقة النائية الهادئة اللي يقع فيها ، فضلاً عن الخدمات الراقية وموقع المنتجع فوق تلة مرتفعة ..

بس اختي توتي الحلوة ترى عندج منتجع الدانة نوفيتيل خدماته الاستجامية روعة ويقع على أحد الجسور الي تربط مدينة المنامة بمدينة المحرق وعلى بعد أقل من 10 دقايق من مطار البحرين الدولي ..

وتقدرين تروحين منتجع جزر حوار لمدة يوم على الاقل اذا كنتي ناوية تبتعدين عن الدنيا وزحمتها وتريحين بالج

..

مشكوره أختي الغاليه بس للأسف الصور مافتحت
والرقم أتصلت وطلع خطأ
وبما أن أختك غشيمه في الانجليزي قلت بأحجز عن طريق مكتوب وأشوف الاسعار
انا طبعا ابغى سعر لليلتين لأصغر شاليه بسرير مزدوج بدون أي خدمات تعرفين هو غالي بدون شئ
حصلته ب900 لليله الوحده شفتي كيف الفرق
فياليت تتاكدين من الرقم ,اكون لك من الشاكرين
وكيف الجو عندكم مناسب للسباحه هاليومين قبل 20 مارس ولا أخليها في أبريل

المشاركة الأصلية كتبت بواسطة توتي الحلوة
http://www.arabtravelersforum.com/tr...8/#post1861479

مشكوره أختي الغاليه بس للأسف الصور مافتحت
والرقم أتصلت وطلع خطأ
وبما أن أختك غشيمه في الانجليزي قلت بأحجز عن طريق مكتوب وأشوف الاسعار
انا طبعا ابغى سعر لليلتين لأصغر شاليه بسرير مزدوج بدون أي خدمات تعرفين هو غالي بدون شئ
حصلته ب900 لليله الوحده شفتي كيف الفرق
فياليت تتاكدين من الرقم ,اكون لك من الشاكرين
وكيف الجو عندكم مناسب للسباحه هاليومين قبل 20 مارس ولا أخليها في أبريل

هلا بج أختي .... اسمحي لي على الخطأ في الرقم ... المفروض يكون كذا: 0097317845000

وبالنسبة للرابط .. غريبة يفتح معاي وزي الفل .... طيب جربي هذا ... وان شاء الله يطلع لك ..http://www.banyantree.com/alareen/index.html

وبتشوفين مكتوب فوق .. Photo Gallery .. اضغطي عليه عشان الصور ...

وان شاء الله تحصلين السعر اللي يناسبك ... وخبريني ...

مشكوره يالغاليه ولا قصرتي جعله يارب في موازين حساناتك
وأبشرك الرابط اشتغل الله يوفقك

الله يعطيك العافيه كلمته الآن وطلع أصغر شاليه ب270 شفتي الفرق بس ماتأكدت من وجود الجاكوزي بس كان الاخ فلبيني وثقافتي فرنسي
فما عرفت اخذ معه قال الصباح ممكن تحصلين احد يكلمك بالعربي
ادعيلي ان ربي يسر رحلتي وان شالله انزل اول تقرير في الواجهه عنه
ويكون بفضل ربي وبفضل أختي الغاليه الله يبارك فيها

هلا أختي .... الحمدلله انك حصلتي اللي تبغينه ... ويارب تنبسطي .. وتتحفينا بأحلى تقرير ...