الموضوع: ايهم افضل امريكان ايرلاين او دلتا ايرلاين

هذا اول دخول لي في هذه البوابه المفيده......... سوالي
ايهم افضل امريكان ايرلاين او الدلتا لرحلات الداخليه بصفه عامه ؟
ومن نيويورك الى سننتنيو بصفه خاصه؟

وشكرا احبتي

مواضيع عشوائيه ممكن تكون تعجبك اخترناها لك:

• اللي عندة خلفية يجاوب باسرع وقت ارجوكم
• محتاج نصائحكم اخوي في ورطه
• الحمد لله بس عندي سؤال؟؟؟
• استفسار بخصوص النموذج
• ارجو منكم مساعدتي بخصوص تاشيرة الطفل
• ممكن اسم المطار القريب من شلالات نياجارا
• استفسارات عن مدينة هيوستن ، تكساس
• استفسار عن الهجره الي امريكا في سفارة ابوظبي
• سؤال للخبراء عن قيادة السيارة والاطفال
• مطعم مأكولات بحرية يطل على البحر بالقرب من سانتا مونيكا بكاليفورنيا
• سؤال لمن ذهب مع عائله الى لاس فيقس
• كل شي عن أختبار التوفيل بالتفصيل
• مساعده الله عافيكم خاصه باورلاندو وياليت الخبيرين
• الحمد لله رجعنا بالسلامة من امريكا
• استفسار كيف احجز وكم السعر وماهو افضل وقت للحجز
• استفسار لاول سفر الى امريكا اخوانى رجاء المساعدة
• رحلة الى نيويورك لأصحاب الخبرة
• محتاره بين أورلاندو وبين لوس أنجلوس
• معقولة خطوط الإمارات ما عندهم درجة رجال أعمال إلى أمريكا
• انا في سان فرانسيسكو واريد إجابه سريعه يامشرفين

والله ونا خوك انا جربت الثنتين ... وبكل امانه ما حسيت بفرق كبير لكن اذا بتخيرني راح اختار الدلتا وعموما كل الشركتين ممتازة اهم شي ابعد عن اليونايتد ايرلاينز ومواعيدهم المضروبة ..

اخي mode
مشكور على الرد والله يعطيك العافيه.....وبصفة خبرتك..... انا سمعت ان الامريكان اغلى
ولازم تروح للمطار الداخلي {الدمستك تيرمنال}
لكن الدلتا من نفس الصاله وسعرها اقل
يبقى كم مسموح لك وزن وبكم الوزن الزائد؟

بالنسبة للسعر ترا ماهنا ذاك الفرق وعموما اذا حاب تسوي مقارنة بين الشركتين من ناحية السعر تفضل هذا موقع مشهور للحجوازت ادخل تاريخ سفرك وراح تطلع عندك الخيارات وقارن واختار :


http://www.expedia.com/Default.asp?CCheck=1&

اما بالنسبة لصالة الطيران صحيح شركة دلتا موجودة على نفس الصالة الي تنزل فيها السعودية ( على ما اذكر صالة رقم 2 ) لكن ترا السعودية غيرت صالة الوصول وصارت توصل في مطار JFK في نيويورك على الصالة رقم واحد ....

عموما اي شركة راح تختارها ما عندك مشكلة لأنه فيه قطارات صغيرة في هالمطار روووووعه تنقلك للصالة الي تبيها بسرعه وبانسيابيه ... عشان كذا لا تشيل هم ولا ترتبط بشركة معينه بناء على صالة الوصول ... واذا على العفش خذلك عربيه الله لا يهينك ودفها ونت مرتاح ... وعلى طاري العربية تراها بـ 3 دولار واذا ما كان معك كاش تقدر تستخدم بطاقتك الائتمانية ...


اما بالنسبة للوزن الزائد له قصص معي ... اذكر كانت شنطتي تقريبا 30 كيلو اكثر او اقل شوي ما اذكر بالضبط وفي نفس الوقت حسابهم للأوزان بالباوند ... لكن كنت ادفع على الزيادة 25 دولار وبعض الأحيان يمشوني بشرط اشيل كم شغله من الشنطة ... ووالله اذكر في مطار نيويورك وكنت ابطلع على اليونايتد ايرلاينز قالتلي الموظفة شل شوي من الشنطة عشان ما تدفع ونا كنت شايل شنطة وحدة بس وما فيه امل آخذ شي في يدي ويوم قلتلها خلاص ابدفع والله اتذكر قالتلي وهي تضحك شل ايش شي حتى لو سنكرس !!

الشاهد انه في مرونه ولا تشيل همها ...

اهلين اخوي , انا حجزت على الجت بلوو الحقيقه طريقه حجزها مرن جدا واسعارهم حلوه ومتوفره رحلات فيها بكثره ولكن للان ماجرتها على الواقع http://www.jetblue.com

يمكن الاخ مود يعطينا فكره مختصره عنها لو قد جربها , وعلى فكره اخوي مود عندي موعد الساعه وحده الا ربع الظهر على الجت بلو ووصولي الي مطار كيندي راح يكون على سبعه هل تتوقع نخلص الجمارك بسرعه ؟ يعني في رايك كم ساعه تأخذ اجراءات ؟ لان انا سمعت ان السعوديه تحسنت من غيرت التريمنل على تريمنل 1

هلا وغلا

والله ونا خوك انا ما جربت الجت بلو ... لكن اذكر زملاي الي في امريكا كانوا يثنون عليها وما اذكر انهم يذمونها مثل اليونايتد ايرلاينز مثلا ومواعيدها السيئة ... وعموما حلاة السفر في امريكا الاكتشاف ... ترا فيه 19 شركة طيران والمتعة انك تركب اكثر من شركة وتستكشف الفروقات ..



بالنسبة لموعد الوصول :

- المرة الأولى : حطيت فرق سبع ساعات تقريبا من وقت وصولي وبصراحة كانت كثيرة جدا لأن اموري خلصت بدري ولله الحمد ...

- على هالأساس المرة الثانية حجزت نفس وقتك بالضبط ( وحدة إلا ربع ) وبرضو الحمد لله طلعت بدري ولحقت الرحلة ...

السعودية مالها علاقة تتحسن او ما تتحسن لأنه بمجرد ما تنزل من الطيارة الساعه سبع الإجراءات تخلصها في مكتب الأمقريشن .... لكن احب اطمنك انه بمشيئة الله وقتك كافي بالراحة .. لكن اهم شي خلك انت والي معك منظمين .. بمعنى ان قدرت تنزل اول الناس من الطيارة حلو ... وعب الأبلكيشن بالكامل في الطيارة وخلك جاهز في السرى ... وجب معك قلم لأنك اول مرة توصل لأمريكا راح يعطونك استمارة تعبيها واذكر فيها بيانات الأم والأب ... اسمائهم وتواريخ ميلادهم ...


الله يوفقك ان شالله ...

والله ماقصر اخونا مود كفا ووفا
بس بضيف شي انو الامريكان اير لاينز واليونايتد مواعيدهم مضروبه ومره بغيت اقعد بلندن اربع ايام عشانهم اخرو رحلتي الترانزيت يعني حاول تتحشاهم او عادي روح عليهم بس عط نفسك عل الاقل خمس ساعات حقت تأخير او ازود خلك عل المضمون وذي نصيحه عامه استخدمها مع كل الخطوط
على فكره ترا مطار دالاس بواشنطن مايعبون نموذج بيانات للي يجي اول مره مثل ماصار معي محد قال عب شي بس تشيك ان بالامقريشن ثم الجمارك ثم خلصت بصراحه ماصدقت ما اقول الله لك الحمد والشكر
بالتوفيق للجميع

بيني وبينك ..الفرق الي بينهم ... مثل الفرق بين الردّي و اخوه ...

عموما الطيران الامريكي كله تعبان ومتعب في نفس الوقت

الله ايسر لك امورك عزيزي