الموضوع: هل شهر فبراير مناسب

السلام عليكم

ودي اسافر بشهر فبراير القادم على اجازة عطلة الربيع الدراسية . السؤال هل شهر فبراير مناسب اقصد

الجو بيكون بارد جدا ولا كيف لاني عندي عيالي حمد عمره 4 سنوات وبنتي جواهر 6 شهور ودي اوديهم كل مكان

في البحرين بس انا في نفس الوقت اخاف على صحتهم من البرد . شو تنصحوني ياشباب

مواضيع عشوائيه ممكن تكون تعجبك اخترناها لك:

• اوووووولمشاركة تكفون يا رجال ردو عليها
• يا أهل البحرين ساعدوني
• ميركيور جراند البحرين
• عنوان قنصلية البحرين في دبي
• برنامجي القادم
• عندي استفسارين الله لايهينكم
• فندق فينيسيا ابي شوركم
• سفرة النحشة
• تكفى ياسلطان الشرقية
• سؤال عن بعض الأماكن في البحرين
• البحرين لو سمحتو بسرعه
• ابي سيارة بلبحرين
• ارشدونا ياحبايبنا
• استفسار عن شاليهات البحرين؟
• سؤالين للمسافرين للبحرين من السعودية عن طريق الجسر
• شاليه او فندق مطل مباشره على البحر
• انا هناااا الحلو يدخل يرد على استفساري
• مشرفنا الغالي استفسار
• التقارير المميزة لزيارة مملكة البحرين محدَّث يوليو
• البحرين

يا هلا فيك أخوي ....

بالنسبة عن الجو طبعا راح ايكون بارد وتقريبا ابرد من الامارات .... لكن راح تقدر اتزور الكثير من الاماكن ... بردنا مو مثل لندن او امريكا ....

وعندك حديقة الواهوووو في مجمع السيتي سنتر ... طبعا درجة الحرارة اتكون مضبطة يعني حتى في البرد تقدر تتسبح ...

وعامة دول الخليج حلوة في هذي الاوقات .. وبعد تقدر اتزور منطقة الصخير ( بر البحرين ) منطقة شرحة ونص البحرين اتلاقيهم هناك ...


وحياك الله في البحرين ....

يا هلا فيك أخوي ننتظرك .. أخوي بحريني وفتخر ما قصر ..

شهر فبراير جميل جداً البرد طبيعي فيه أبرد من الإمارات نسبياً لذلك خذ لك احتياطاتك من الملابس الشتوية خاصة إذا كنتوا في رحلة إلى السواحل أو إلى البر ،، لأن مثل ما انت عارف البحرين جزيرة وجزر والرياح في الشتا تكون شديدة في كثير من الأحيان ..

بس أنا أنصحك أخوي بالزيارة في شهر أبريل لأن هناك العديد من الفعاليات والمهرجانات وعلى راسها مهرجان يلا بحرين المتزامن مع سباقات الفورمولا واحد الي تقام في البحرين كل شهر أبريل من كل عام .. والجو في شهر أبريل خيال بس يبدأ الحر على نهاية الشهر ..

وحياك في أي وقت أخوي ولأي استفسارات حاضرين ..

لا تحآتي يالغالي .. الخليج كلها حر بعز الشتآ .. ماعدآ البر وهالامآكن .. ماعتقد جوهم يختلف وآيد منآ .. بس خذ آجتياط جآكيتآت خفيفه للعيال الله يحفظهم لك .. وآستانس بوقتك ..

حر بعز الشتا ؟؟ يعني احنا كلامنا ما منه فايدة هههههه

يا اخي انت اذا ما ييت البحرين والكويت والسعودية في الشتا أتمنى ان ما نخلط الأمور على أساس أخونا يدغدغ الحواس ياخذ احتياطاته بشكل أكبر خاصة ان عنده عيال الله يحفظهم.

وانا زرت الامارات يمكن فوق عشرين مرة لأن اهلي هناك بما فيها بوظبي ودبي وأقول لك ترى البحرين أبرد ولو بشكل نسبي واحياناً بشكل كبير والمثل يقول لك اسأل مجرب ولا تسأل طبيب. لذلك اخذ احتياطاتك ونتمنى لكم أوقات سعيدة أخوي وحياكم الله.