الموضوع: هل شهر فبراير مناسب

السلام عليكم

ودي اسافر بشهر فبراير القادم على اجازة عطلة الربيع الدراسية . السؤال هل شهر فبراير مناسب اقصد

الجو بيكون بارد جدا ولا كيف لاني عندي عيالي حمد عمره 4 سنوات وبنتي جواهر 6 شهور ودي اوديهم كل مكان

في البحرين بس انا في نفس الوقت اخاف على صحتهم من البرد . شو تنصحوني ياشباب

مواضيع عشوائيه ممكن تكون تعجبك اخترناها لك:

• شقه مفروشه ايام استفسارات اخرى
• متى تبداء الاجازة الرسمية
• أخوانا البحرينيين ممكن مساعدة
• بكرة السفرة ومحتار اين اذهب في البحرين
• اذا جيت من السعوديه للبحرين كيف اوصل لمجمع السيتي سنتر
• سؤال الى اهلنا في البحرين
• السكن في البحرين معلومات
• محلات قطع غيار السيارات
• السوق الحرة
• فندق ومنتجع توليب إن جــزر حــوار صور
• استفسار عن فلل مفروشه
• محمية العرين في البحرين معلومات و صور
• راح ادرس بالبحرين مساعدة
• اماكن السبا
• إيرباص تابعة لطيران الخليج تختفي لربع ساعة
• ما أفضل فندق بالبحرين للعوائل ؟ ويفضل منتجع
• بروح البحرين دلوني
• بليزززززززززز سؤال عن محمية العرين وقرية الدولفين بليزززززززززز
• سكن في البحرين فندق ماجيستك
• إلى سيدات وآنسات البحرين الشقيقه

يا هلا فيك أخوي ....

بالنسبة عن الجو طبعا راح ايكون بارد وتقريبا ابرد من الامارات .... لكن راح تقدر اتزور الكثير من الاماكن ... بردنا مو مثل لندن او امريكا ....

وعندك حديقة الواهوووو في مجمع السيتي سنتر ... طبعا درجة الحرارة اتكون مضبطة يعني حتى في البرد تقدر تتسبح ...

وعامة دول الخليج حلوة في هذي الاوقات .. وبعد تقدر اتزور منطقة الصخير ( بر البحرين ) منطقة شرحة ونص البحرين اتلاقيهم هناك ...


وحياك الله في البحرين ....

يا هلا فيك أخوي ننتظرك .. أخوي بحريني وفتخر ما قصر ..

شهر فبراير جميل جداً البرد طبيعي فيه أبرد من الإمارات نسبياً لذلك خذ لك احتياطاتك من الملابس الشتوية خاصة إذا كنتوا في رحلة إلى السواحل أو إلى البر ،، لأن مثل ما انت عارف البحرين جزيرة وجزر والرياح في الشتا تكون شديدة في كثير من الأحيان ..

بس أنا أنصحك أخوي بالزيارة في شهر أبريل لأن هناك العديد من الفعاليات والمهرجانات وعلى راسها مهرجان يلا بحرين المتزامن مع سباقات الفورمولا واحد الي تقام في البحرين كل شهر أبريل من كل عام .. والجو في شهر أبريل خيال بس يبدأ الحر على نهاية الشهر ..

وحياك في أي وقت أخوي ولأي استفسارات حاضرين ..

لا تحآتي يالغالي .. الخليج كلها حر بعز الشتآ .. ماعدآ البر وهالامآكن .. ماعتقد جوهم يختلف وآيد منآ .. بس خذ آجتياط جآكيتآت خفيفه للعيال الله يحفظهم لك .. وآستانس بوقتك ..

حر بعز الشتا ؟؟ يعني احنا كلامنا ما منه فايدة هههههه

يا اخي انت اذا ما ييت البحرين والكويت والسعودية في الشتا أتمنى ان ما نخلط الأمور على أساس أخونا يدغدغ الحواس ياخذ احتياطاته بشكل أكبر خاصة ان عنده عيال الله يحفظهم.

وانا زرت الامارات يمكن فوق عشرين مرة لأن اهلي هناك بما فيها بوظبي ودبي وأقول لك ترى البحرين أبرد ولو بشكل نسبي واحياناً بشكل كبير والمثل يقول لك اسأل مجرب ولا تسأل طبيب. لذلك اخذ احتياطاتك ونتمنى لكم أوقات سعيدة أخوي وحياكم الله.