بسم الله الرحمن الرحيم ....[/COLOR]
كيف حال الجميع ؟ عساكم بخير ؟ :101:
المهم حبيت أن أعرض لكم تجربتي مع السفارة الأمريكية في قطر .
يوم الخميس الصبح الساعة 845 دقيقة المفروض يكون موعدنا ( ليش المفروض ؟ ) بتجيكم السالفة ...
المهم وصلنا هناك تقريبا الساعة ثمان وربع ، جلست بالسيارة وراح الزوج للبوابة ومعاه كل المطلوب
للحصول على الفيزا وكان في شوية ناس واقفين طابور ، شفت شاب ومعاه أبوه كبير بالسن راجعين
لسيارتهم ، وبعدهم على طول رجع الزوج وقالي يللا نزلي علشان ندخل السفارة وحنا نمشي قالي الزوج:
( شفتي الشايب ما دخلوه لأن الصورة اللي جايبها لا تتطابق مع شروط الصور للفيزا ، كان حاط الغترة
والمفروض يكون حاسر ) ، المهم قالهم الموظف اللي عند البوابة انه لازم يغير الصورة ويجي في اي
وقت !! سأله ولده: ( شلون في اي وقت ؟ وانتوا مسويين مواعيد على الأنترنت ؟) رد عليه الموظف :
( عادي !! ) اي واحد يقدر يجي في اي وقت الصبح ما عدا أيام الإجازات )
أعضاء المنتدى انتبهوا لا يعني هذا انكم تروحون بدون موعد ، وتقولون أم يوسف قالت !
الواحد دائما يسوي احتياطاته ولكن هذا اللي شفناه وحصل !!! ناس تدخل بدون مواعيد .
المرحلة الأولى عند البوابة ، يسأل الموظف عن الفورمات ، الجوازات ، الوصل من البنك التجاري ، الصور .
المرحلة الثانية ، التفتيش والمرور بجهاز الكشف كما في المطارات ويطلب الموظف البطاقة الشخصية
ثم يعطيك بطاقة فيها رقم تعلقها اينما تريد .
المرحلة الثالثة ، الدخول الى مبنى السفارة وهناك يوجد تفتيش آخر . بالنسبة للموظفين من حيث
المعاملة فهم لطفاء وكانوا يسألوني ؟ Pardon me ,Can I check your purse , Mam
المرحلة الرابعة ، الأستعداد للمقابلة ، تسلم أوراقك لموظفة تقوم بمراجعة اوراق الفورمات واذا
كان هناك خطأ تطلب منك الذهاب لغرفة بجانب مكتبها وهناك يوجد كمبيوتر وطابعة لتعيد طباعة الفورمة .
في ناس جاية بدون فورمات ، وكانوا قاعدين يطبعون وبعضهم كان يطلب منا المساعدة في ترجمة بعض
الأسئلة !!
بعد ما خلصنا ذهبنا للمرحلة الأخيرة وهي المقابلة . الناس كلهم قاعدين في مكان واحد وينادون
عليك بالدور
انا افتكرت ان السالفة فيها خصوصية وغرفة للمقابلة ، طلع المقابلة عبارة عن موظفة تجلس وراء زجاج
وتروحلها وتسألك قدام الكل !!
المهم جا دورنا واستقبلتنا بابتسامة عريضة وأخذت منا البصمات ، واسألت هل هذه اول زيارة ؟ اين
ستسكنون ؟ ما هو الغرض من الزيارة ؟ ماهي الدول اللتي سبق وزرتوها ؟ على فكرة كانت في معظم
الأوقات تسأل وتجيب بنفسها :109: لأن الوراق قدام عينها . المهم قالت خلوا الجوازات عندنا وهاكم
Tickets وقالت لزوجي تعال انت او ممكن تبعث اي سائق علشان يستلم الجوازات والفيز .
وآخر شئ قالته Have a nice trip :101:
هذه تجربتي مع السفارة واللي عنده اي سؤال أنا في الخدمة :101:مواضيع عشوائيه ممكن تكون تعجبك اخترناها لك:
- لمن لديه الخبرة أستفسار من داخل الطائرة
- منو فى لاس فيغاس يساعدنى بأسواقها وشنو مشهورة فيه
- سؤال عن سعر المخالفه
- فرصه للتوفير مع بعض شركات التأجير في امريكا
- تغير الموعد والمكان للمقابله مهم جدا
- اول زيارة لامريكا عندي بعض الاستفسارات من الخبراء
- بخصوص الأبلكيشن والسيفس
- اجراءات المطار
- ما الافضل دزني لاند اورلاندو او دزني كاليفورنيا
- شباب ماهي افضل بطاقة اتصال للسعودية عن طريق النت تكفووووووون
- فندق في نياقرا
- هل موعد المقابلة مناسب ؟؟
- اللي موجود في كوليج ستيشن
- طلعت الفيزا السياحيه في يومين بس ناقص حاجه ودي اعرفها ؟؟
- الدراسة بالفيزا السياحيةسؤال
- عن تكساس
- سؤال لا اخواني الي بامريكا
- استفسار عن بعض الفنادق New York Marriott Marquis و Hilton Orlando Lake Buena Vista
- السفر الى بوستن Traveling to Boston
- حجز التذاكر
رد مع اقتباس
المشاركة الأصلية كتبت بواسطة ولد الهيل
المشاركة الأصلية كتبت بواسطة Um Yousef
المفضلات