بسم الله الرحمن الرحيم ....[/COLOR]
كيف حال الجميع ؟ عساكم بخير ؟ :101:
المهم حبيت أن أعرض لكم تجربتي مع السفارة الأمريكية في قطر .
يوم الخميس الصبح الساعة 845 دقيقة المفروض يكون موعدنا ( ليش المفروض ؟ ) بتجيكم السالفة ...
المهم وصلنا هناك تقريبا الساعة ثمان وربع ، جلست بالسيارة وراح الزوج للبوابة ومعاه كل المطلوب
للحصول على الفيزا وكان في شوية ناس واقفين طابور ، شفت شاب ومعاه أبوه كبير بالسن راجعين
لسيارتهم ، وبعدهم على طول رجع الزوج وقالي يللا نزلي علشان ندخل السفارة وحنا نمشي قالي الزوج:
( شفتي الشايب ما دخلوه لأن الصورة اللي جايبها لا تتطابق مع شروط الصور للفيزا ، كان حاط الغترة
والمفروض يكون حاسر ) ، المهم قالهم الموظف اللي عند البوابة انه لازم يغير الصورة ويجي في اي
وقت !! سأله ولده: ( شلون في اي وقت ؟ وانتوا مسويين مواعيد على الأنترنت ؟) رد عليه الموظف :
( عادي !! ) اي واحد يقدر يجي في اي وقت الصبح ما عدا أيام الإجازات )
أعضاء المنتدى انتبهوا لا يعني هذا انكم تروحون بدون موعد ، وتقولون أم يوسف قالت !
الواحد دائما يسوي احتياطاته ولكن هذا اللي شفناه وحصل !!! ناس تدخل بدون مواعيد .
المرحلة الأولى عند البوابة ، يسأل الموظف عن الفورمات ، الجوازات ، الوصل من البنك التجاري ، الصور .
المرحلة الثانية ، التفتيش والمرور بجهاز الكشف كما في المطارات ويطلب الموظف البطاقة الشخصية
ثم يعطيك بطاقة فيها رقم تعلقها اينما تريد .
المرحلة الثالثة ، الدخول الى مبنى السفارة وهناك يوجد تفتيش آخر . بالنسبة للموظفين من حيث
المعاملة فهم لطفاء وكانوا يسألوني ؟ Pardon me ,Can I check your purse , Mam
المرحلة الرابعة ، الأستعداد للمقابلة ، تسلم أوراقك لموظفة تقوم بمراجعة اوراق الفورمات واذا
كان هناك خطأ تطلب منك الذهاب لغرفة بجانب مكتبها وهناك يوجد كمبيوتر وطابعة لتعيد طباعة الفورمة .
في ناس جاية بدون فورمات ، وكانوا قاعدين يطبعون وبعضهم كان يطلب منا المساعدة في ترجمة بعض
الأسئلة !!
بعد ما خلصنا ذهبنا للمرحلة الأخيرة وهي المقابلة . الناس كلهم قاعدين في مكان واحد وينادون
عليك بالدور
انا افتكرت ان السالفة فيها خصوصية وغرفة للمقابلة ، طلع المقابلة عبارة عن موظفة تجلس وراء زجاج
وتروحلها وتسألك قدام الكل !!
المهم جا دورنا واستقبلتنا بابتسامة عريضة وأخذت منا البصمات ، واسألت هل هذه اول زيارة ؟ اين
ستسكنون ؟ ما هو الغرض من الزيارة ؟ ماهي الدول اللتي سبق وزرتوها ؟ على فكرة كانت في معظم
الأوقات تسأل وتجيب بنفسها :109: لأن الوراق قدام عينها . المهم قالت خلوا الجوازات عندنا وهاكم
Tickets وقالت لزوجي تعال انت او ممكن تبعث اي سائق علشان يستلم الجوازات والفيز .
وآخر شئ قالته Have a nice trip :101:
هذه تجربتي مع السفارة واللي عنده اي سؤال أنا في الخدمة :101:مواضيع عشوائيه ممكن تكون تعجبك اخترناها لك:
- نسبه حصولي على الفيزا
- عندي فيزا واريد استخراج فيزا لزوجتي
- اسالة عامة سائح
- اجراءات المطار والجواز الامريكي
- بلييييز ساعدوني رحت اطلع جواز امريكي وماعرفت
- آخر الكلام في الايفون واللاب توب
- استفسار
- وش افضل طريقه اشتري فيها تذاكر اليونيفيرسال وديزني ؟
- تقريبا انتهينا من الفيزا والان نبدأ بالتخطيط وتقسيم الأيام
- تشييك وتأكيد الأوراق في إنتظاركم
- استفسار بخصوص الحصول على التأشيرة للضرورة عاجل
- خطوط طيران حق لوس أنجلوس ؟؟؟
- ساعدوني بسرعة
- أماكن تستحق الزيارة في ولاية فلوريدا
- تقرير عن سياتل
- عاااااااااجل للمبتعثين
- عندي كذا سوال الى الاخ امبكت والاعضاء الكرام
- بطاقة الاءتمان وامريكيا اخوي امباكت و
- رحتوا ديزني اورلاندو بدون اطفال؟ ابيكم شوي
- رحلتي الى كاليفورنيا في واحتاج عصارة خبراتكم
المفضلات