الموضوع: طالب الشورة

السلام عليكم ورحمة الله وبركاته

أبشركم تروني عضو جديد (حياني الله) وهذي أول مشاركة في هالمنتدى الجميل المستمد جماله بمشاركاتكم بمختلف البوابات وهي والله حقيقة الجميع أستفاد منها وأنا أكثرهم.

الشيء الثاني أنا مسافر البحرين عمل ودي بفندق قريب من جامعة الخليج العربي وأعتقد أن الجامعة بالسلمانية. تكفون فندق قريب من الجامعة وما يحتاج أوصيكم على حضرتي من ناحية الأماكن المهمة للزيارة والمطاعم
وإن شاء الله أتحفكم ببعض التقارير بس أرتبها لبعض سفرياتي السابقة.
ودمتم

مواضيع عشوائيه ممكن تكون تعجبك اخترناها لك:

• اماكن بيع الخواتم الرجالية
• الاحد،،،،كنت متواجد بالبحرين ،، شي يخوووف
• سؤال لاهل البحرين الطيبين
• سؤال بخصوص الحلوى البحرينية
• ابغى مساعدتكم يااصحاب الخبره
• أين موقع وكيل أجهزة الملاحة
• ايام رحلة عمل إلى البحرين إستشارة
• فندق الدانه نوفتيل
• مملكة البحرين من تصويري
• سؤوواال ؟وانا محرجة منكم؟
• ابغي فندق في البحرين 4 نجوم
• عريس محتاج فندق عائلي
• يالنشامااا ربي يسعدكم
• ترى سفرتي تعتمد على الله ثم عليكم
• دخووووووول مملكة البحرين ؟؟؟
• تكفووووون ابي مساعدتكم
• استفسار
• الزحمه باتجاه الكورنيش والجفير
• الخطوط الجوية الماليزية تطلق أولى رحلاتها المنتظمة إلى البحرين
• مساعده ياهل البحرين

وين النشاما لا حس ولا خبر
أنا ما زلت في إنتظار الإجابة !!!

يا هلا أخوي اسمح لنا على التأخير

طبعاً جامعة الخليج العربي مثل ما تفضلت تقع في منطقة السلمانية ومنطقة السلمانية مباشرة في قلب وسط مدينة المنامة ..

أقرب الفنادق البسيطة من الجامعة هو فندق ( أوال رزدنس ) وأعتقد أنه من فئة 3 نجوم ولكني سألت عنه وقالوا لي خدمته جداً نظيفة .. بالنسبة لأرقام الاتصال حاولت أحصله لك من دليل هاتف بتلكو ولكني ما حصلته ان شاء الله الأخوان يفيدونك ورابط دليل هاتف بتلكو هو : http://www.181.com.bh/dqindex.aspx?lang=arabic


عموماً بالنسبة لموقع هذي الشقق بالنسبة لجامعة الخليج العربي ،، بعد ما تطلع من الجامعة وتتجه على شارع الملك عبدالعزيز إلى جهة الشمال ( كأنك متجه نحو البناية الي فيها محلات سناء واح تشاهد من بعيد أبراج مرفأ البحرين المالي ) ، راح تشاهد أمامك إشارة ضوئية ، ولكن قبل الوصول إلى هذي الإشارة بحوالي 30 متر انعطف يمين وراح تشوف شقق أوال رزدنس أمامك مباشرة. ( بصراحة مسافة مشي بين جامعة الخليج وبين هذي الشقق ).

..

بالنسبة للأماكن الترفيهية والمطاعم وغيره ما شاء الله مواضيع المنتدى كثيرة وخاصة المواضيع المثبتة أكيد تقدر تستفيد منها

وحياك الله أخوي ..

شكراً لك أخوي (بحريني غير) على الرد وشكراً جزيلاً على المعلومات
أنا راح اسأل عن الفندق اللي ذكرته بس هل هو نظام شقق ؟
وما هي الفنادق الأخرى القريبة من الجامعة 4 نجوم أو 5 نجوم ؟ وكذلك الشقق المفروشة ذات الخدمة الفندقية ؟
شكراً لك مرة أخرى وتقبل تحياتي ،،،