الموضوع: طالب الشورة

السلام عليكم ورحمة الله وبركاته

أبشركم تروني عضو جديد (حياني الله) وهذي أول مشاركة في هالمنتدى الجميل المستمد جماله بمشاركاتكم بمختلف البوابات وهي والله حقيقة الجميع أستفاد منها وأنا أكثرهم.

الشيء الثاني أنا مسافر البحرين عمل ودي بفندق قريب من جامعة الخليج العربي وأعتقد أن الجامعة بالسلمانية. تكفون فندق قريب من الجامعة وما يحتاج أوصيكم على حضرتي من ناحية الأماكن المهمة للزيارة والمطاعم
وإن شاء الله أتحفكم ببعض التقارير بس أرتبها لبعض سفرياتي السابقة.
ودمتم

مواضيع عشوائيه ممكن تكون تعجبك اخترناها لك:

• شقة لثلاثة عزاب مساكين
• كيفية ايجاد فرصة عمل
• إستفسارات بسيطة
• ابي رد ضروري اليوم
• الدبلومات ام الرجنسي
• سفرتي بتاريخ وعندي استفسارات متعددة أرجو المساعدة
• مساعدة طريق للبحرين
• التنقل بين السعودية والبحرين
• مطارا دبي و البحرين أفضل مطارين شرق أوسطيين
• ضروري يــــــــــــــا أهل البحرين
• وش رايكم بهالفندق
• البحرين أكثر دول العالم استقبالاً للسعوديين بمعدل أربعة ملايين سنوياً
• فندق سي سين بالبحرين
• جراند ميركوري السيف والغلاء الفاحش
• شاليهات
• آنا راح أسافر البحرين مساعدة ضروري
• فتح حساب بنكي في البحرين
• استفسار عن التأشيرة
• عاجل
• إمتلاك شقه في جزيره البحرين العرين

وين النشاما لا حس ولا خبر
أنا ما زلت في إنتظار الإجابة !!!

يا هلا أخوي اسمح لنا على التأخير

طبعاً جامعة الخليج العربي مثل ما تفضلت تقع في منطقة السلمانية ومنطقة السلمانية مباشرة في قلب وسط مدينة المنامة ..

أقرب الفنادق البسيطة من الجامعة هو فندق ( أوال رزدنس ) وأعتقد أنه من فئة 3 نجوم ولكني سألت عنه وقالوا لي خدمته جداً نظيفة .. بالنسبة لأرقام الاتصال حاولت أحصله لك من دليل هاتف بتلكو ولكني ما حصلته ان شاء الله الأخوان يفيدونك ورابط دليل هاتف بتلكو هو : http://www.181.com.bh/dqindex.aspx?lang=arabic


عموماً بالنسبة لموقع هذي الشقق بالنسبة لجامعة الخليج العربي ،، بعد ما تطلع من الجامعة وتتجه على شارع الملك عبدالعزيز إلى جهة الشمال ( كأنك متجه نحو البناية الي فيها محلات سناء واح تشاهد من بعيد أبراج مرفأ البحرين المالي ) ، راح تشاهد أمامك إشارة ضوئية ، ولكن قبل الوصول إلى هذي الإشارة بحوالي 30 متر انعطف يمين وراح تشوف شقق أوال رزدنس أمامك مباشرة. ( بصراحة مسافة مشي بين جامعة الخليج وبين هذي الشقق ).

..

بالنسبة للأماكن الترفيهية والمطاعم وغيره ما شاء الله مواضيع المنتدى كثيرة وخاصة المواضيع المثبتة أكيد تقدر تستفيد منها

وحياك الله أخوي ..

شكراً لك أخوي (بحريني غير) على الرد وشكراً جزيلاً على المعلومات
أنا راح اسأل عن الفندق اللي ذكرته بس هل هو نظام شقق ؟
وما هي الفنادق الأخرى القريبة من الجامعة 4 نجوم أو 5 نجوم ؟ وكذلك الشقق المفروشة ذات الخدمة الفندقية ؟
شكراً لك مرة أخرى وتقبل تحياتي ،،،