الموضوع: استفسارات وابي اجوبه

اخواني وخواتي
السلام عليكم ورحمة الله وبركاته .
عندي بعض الاستفسارات وابي اجوبه الله يعافيكم .

اولا : مخطط الرحله

الوصول الى ميونخ واستاجرت سياره واول يوم لي راح يكون في قارمش 2 يوم ومن ثم الى زيلامسي 5 ايام وبعدها الى ميونخ 3 ايام وبعدها الى بادن بادن 3 ايام وبعدها الى انترلاكن 4 ايام وبعدها سويسرا 4 ايام ثم العوده للوطن مع ملاحظة اني اول مره استاجر سياره في اروبا .

ابي اعرف كيف ماهي المناطق والمدن التي تستحق الذهاب اليها بمخطط الرحله وهي على طريقي بالسياره وممكن استكشفها لبضع ساعات مثل شلالات بحيرات كهوف وغيرها الخ .....

ثانياً :

ابي اعرف ضرايب الخطوط ( المسارات ) بالسياره كيف ادفع المبالغ اذا ممكن احد يعلمني كم التكلفه بمخطط الرحله هل هي كاش او بطاقات اشتريها هل هي تشحن .

ثالثا :
بالنسبه للمواقف هل فيه بطاقات اشتريها واوقف في اي مكان تكون مفتوحة الوفت بدل ما اخذ قسايم وغيره على حسب كل دوله راح اروحلها من مخطط الرحله .

ومشكورين الله يعطيكم الف عافيه يا اخواني وخواتي

مواضيع عشوائيه ممكن تكون تعجبك اخترناها لك:

• ارجوا من الجمييييييييييع الدخول
• لوسمحتوا ابي المسافه بين ميلانو الى ميونخ
• خبراء ميونخ محتاج فزعتكم بالسكن
• أرجو المساعدة في تخطيط شهر عسل بألمانيا والنمسا وسويسرا لمدة يوم
• استفسار عن المانيا شهر نوفمبر
• مساعدة بخصوص بعض متطلبات التأشيرة
• ستراسبورغ وانسي
• مسافرة الى المانيا و اريد تخطيط للرحله
• الى خبراء المانيا لو سمحتوا المساعدة في التخطيط للرحله
• استفسار من الخبراء بشأن تجارة المعدات الثقيلة
• اول مرة اروح اوربا ساعدوني،،
• أبي شقة فيها مطبخ في قارمش
• استفسار بخصوص دخول المانيا
• وقت أستخراج الفيزا من السفاره
• اقرب سوبر ماركت ومطعم لمطار فرانكفورت
• ما افضل سوق في ميونخ
• الى مشرفنا ابو عمر
• هل تكفي مصروف للرحلة آرائكم وخبراتكم
• أحداثياااات ياخبراء القارمن
• الان خدمة بلاك بيري مسبقة الدفع متوفرة في المانيا

كلكم دخلتو ولا واحد جاوب .

العوده من وين؟؟

اهلين : دموع الوجود

الله يوفقك في دنيا واخره

انا عودتي من جنيف سويت زي ما قلتلي وعلى فكره انت الي سويت لي خطة السير وحجزت على الخطه الي انت اقترحت لي اياها

الوصول الى ميونخ - قارمش 2 يوم - زيلامسي 5 ايام - ميونخ 3 ايام و- بادن بادن 3 ايام - انترلاكن 4 ايام- جنيف 4 ايام

هل حجزت السكن خلاص؟؟

الطريق من قارمش الى زيلامسي راح تمر في سيفليد النمساويه وبعدها انسبروك وبعدها دخل بالمخطط شلال كريملر لانه قريب من الطريق بدل ماتطلع له يوم من زيلامسي


المسافه 216 كلم تقريبا 3 ساعات مع التوقفات راح تزيد طبعا ويفضل تطلع بدري جدا جدا من قارمش

هنا المخطط


http://maps.google.com/maps?f=d&sour...64&ie=UTF8&z=9



----------------------

من ميونخ الى بادن بادن


334 كلم يعني 3ساعات ونص اقل شي


ممكن تمرون على شتوتغارت لوبغيتوا تشوفون مصنع سيارات المرسيدس على ما اظن


هنا المخطط


http://maps.google.com/maps?f=d&sour...8,9.832764&z=7

---------------------------


من بادن بادن الى انترلاكن

عندك عدة خيارات انا اشوف الافضل انك تستغل الوقت وتختار طريق يمر بشلالات الراين وزيورخ عشان تمر عليها وبكذا راح تصير المسافه 431 كلم يعني 4ساعات ونص بدون تقوفات

شوف المخطط هنا


http://maps.google.com/maps?f=d&sour...3,9.832764&z=7



لان الطريق اللي يروح من بادن بادن الى انترلاكن بدون شلالات الراين راح يمر بمناطق الغابات السوداء زي ستراسبورغ وفرايبورغ وهذي تقدر تزورها في الثلاثه ايام في بادن


--------------------------

من انترلاكن الى جنيف

ممكن تزور مونتركس ولوزان المسافه 240 كلم يعني 3 ساعات وراح تمرون على بيرن بس مو مره حلوه



http://maps.google.com/maps?f=d&sour...09&ie=UTF8&z=9

الله يعطيك العافيه .

باقي عندي الاستفسارين الباقيين اذا ممكن اجد جواب عندك مع اني خجلان منك بس تحملني . تراني اول مره اروح وابيها رحله حلوه .

مع شكري وتقديري لشخصكم الكريم .

شوف اخوي فيخ استكر لبعض الدول تحطه على قزازه السياره الاماميه انت بتستلم السياره من ميونخ وانت طالع من ميونخ الى قارمش او من قارمش الى زيلامسي عند المحطات تلقاهم يبيعون الاستكرات سعره 7 يورو تقريبا اشتريها وريح بالك وهذي حقت النمسا اما المانيا ما لها

وسويسرا لها استكر خاص فيها اشتريه من بادن بادن الى انترلاكن ما اعرف كم وماعندي معلومات عنه اتمنى احد يساعدك فيه

فيه بعض الخطوط السريعه وغالبا اللي تكون في جبال الالب يعني زي جبال الهدا او تكون جبال عندها شلالات يكون فيه رسوم رزيه وانت راح تلقى نقطه تفتيش ومرسوم صوره سياره صغيره كم سعرها والسياره الكبيره غالبا السعر بسيط حوالي 7 يورو
واحنا دايم ندفع كاش

اما المواقف اللي اعرفه احنا غالبا نبحث عن مواقف مجانيه ولواضطرينا نوقف بموقف غير مجاني فيه زي الماكينه قدام الموقف ناخذ منها ورقه ومكتوب كم الوقت المسموح لنا وكم المبلغ

روح يا شيخ الله يوفقك في دنيا واخره .

تشكراتي لشخصكم الكريم

انا بنت ترى

انا اسف جداً والله انحرجت منك .
ما شاء الله عليكي كل هذي المعلومات عندك وانتي بنت وش خليتي للرجال .
على العموم الله يوفقك في دنيا واخره والله يحفض لك عيالك ووالديكي واهلك كلهم . امين يا رب

لا عادي مافي مشكله

والله يرزقني الاولاد اذا تزوجت لاني لسه بنت وبصراحه المعلومات جمعت بعضها من سفراتنا وبعضها من كثره قرائتي للتقارير وسؤالي عن بعض الامور

الله يرزقك الزوج الصالح والذريه الصالحه .
ان شاء الله

الان بخصوص وصولي الى ميونخ والعوده من جنيف ؟

السؤال هو :

هل التاكس يعني الضريبه اقدر من جنيف اخذها ولا قبل ما اروح لجنيف لازم اخذها من مطار ميونخ يعني المشتريات وجمعت اوراق الضرايب وابي استرجعها مبالغ من المطار ؟