الموضوع: الى خبراء المانيا لو سمحتوا المساعدة في التخطيط للرحله

الى الاخوه والاخوات مشرفي ومميزي البوابه عبر هذا المنتدى الرائع ارجو تخطيط رحلتي بعد التعديل على مدينة الوصول مثلا اذا كان الوصول الى مدينة فرانكفورت اريد التخطيط لزيارة عدة دول وعليكم الله يعافيكم الترتيب باريس زلامسي او فينا وسويسرا او جنيف شو الاقرب من حيث المسافه البلدان او العواصم واخيرا اريد الذهاب الى بون
وماهي الطريقه المستخدمه في المواصلات الي تنصحونا فيها والمسافات بين الدول لو سمحتوا .
والسموحه على الاطاله وربي مايحرمنا منكم ومن خدماتكم وجزاكم الله خير

مواضيع عشوائيه ممكن تكون تعجبك اخترناها لك:

• استفسار عن السفر بواسطه السياره من ميونخ الى فيينا دايركت
• مخطط رحلتي ألمانيا و النمسا أبي شوركم لا هنتوا
• فيزا سياحة
• هاذي خططي ابي ارائكم واقتراحاتكم
• استفسار عن اجواء برلين العاصمه
• ياجماعه بطاقة الفبزا
• مطلوب افضل مطعم هندي في ميونخ
• استفسارات وتخطيط رحلة
• المرورو باقليم بافاريا في طريقي الى فرانكفورت جاي من كابرون النمسا
• بخصوص السكن لو تفضلتم
• قطار من المطار الى ميونخ
• باروح جديد و برجع خبره نااااويها
• رحلتي تبدأ من فرانكفورت
• استئجار سيارة لــ راكب
• من يستطيع المساعده وبالخصوص الغالي ابو عمر
• جهاز الهواوي
• الفزعة يا جماعة منكوب في ألمانيا
• سؤال خفيف اتمنى تفيدوني يا خبراء
• تقرير فرنكفورت وما حولها
• أحب هذا المنتدى و ادمنته رايكم في خطتي النهائيه

الذهاب والعوده وين ؟؟

وكم المده عندكم ؟؟ وكم شخص انتوا؟؟

اختي العزيزه ماتقصرين احنا شخصين والذهاب والعوده فرانكفورت تقريبا 10 ايام وهل الاحسن سياره خاصه يسوقها زوجي ولا قطار نحجزه من الانترنت ولا من المحطه انتظر الرد وشكرا لج

حبيبتي دموع الوجد بارك الله فيج فرانكفوت يوم اكيد ان شاء الله بس ابي اروح فرنسا سويسرا حطيها بارك الله فيج في المخطط يعني يمكن احنا عشر ايام غير الروحه والرده وماتقصرين جزاج الله خير

ايش تبغين من فرنسا هل قصدك باريس؟؟

اختي دموع الوجد ايه اقصد باريس بارك الله فيج ممكن ترتبين لي الدول من حيث الاقرب يعني انا قلت فوق باريس وقلت يعني الدوله او العاصمه المهم الاقرب ومن الدول الا ابيها سويسرا وفينا وباريس

مستحيل تجمعين هالمناطق كلها

ممكن من فرانكفورت الى باريس وبعدها الى انترلاكن وبعدها الى بادن بادن وبعدها فرانكفورت

بس الله يعينك على رحلات القطار من فرانكفورت الى باريس ومن باريس الى انترلاكن

اختي دموع الوجد جزاج الله خير ماتقصرين وتعبتج معاي ابي اعرف المسافه بالقطار من فراكفورت الى باريس ثم من باريس الى زلامسي ومن زلامسي الى جنيف ودي ازور جنيف ومن جنيف الى اقرب مدينه المانيه للمناطق الي ذكرتها الله يرضى عليج وتكون قريبه من بون لان ضروري امر على بون 3 ايام ومن ثم فرانكفورت واحنا 10ايام من غير يوم الذهاب والعوده وكله قطارات ان شاء الله

مشكوره اختي ماتقصرين بس انا مب يعني انه مايعجبني اختي انا ابي اعرف المسافات بين البلدان والمناطق وشو الاقرب وشو المواصلات المناسبه والي اعرفه ان القطار اسرع من السياره اختي مادري ليش تقولين ان السياره اسرع وماعليه اذا تضايقتي من اسالتي او مايحق لي اني اسال خلاص انتظر رد اهل الخبره الباقين ولج كل الشكر

انتي الحين لما تروحين من منطقه بمنطقه بالقطار بعض الرحلات

تضطرين تروحين لمنطقه انتي ماتبغينها وماهي على طريق السياره

وتبدلين فيها القطار وحوسه مايعلم فيها الاربي

انتي مختاره مناطق بعيده عن بعض وانا اعطيتك المدن القريبه من بعض واللي تنقل فيها سهل خصوصا انه انتي ماعندك الا 10 ايام


شوفي هذي المسافات بالقطار

بالقطار من فرانكفورت الى باريس دايركت المده 4 ساعات سعر التذكره للشخص 110 يورو

اذا تبغين هالمدن
خلوا مخططكم

فرانكفورت - زيلامسي- جنيف - باريس- بون - فرانكفورت

القطار من زيلامسي الى جنيف اعطيتك ا لمسافه
من جنيف الى باريس 4الى 5 ساعات تقريبا
من باريس الى بون ومن فرانكفورت الى زيلامسي ما اعرف والله
من بون الى فرانكفورت قريب جدا القطار
بس انتوا عندكم 10 ايام وكل هالتنقلات حرام تدفعون مبلغ وقدره على التنقل وبالاخير يوم ولايومين بكل مدينه
هنا المخطط

http://maps.google.com/maps?saddr=%D...iBA&mra=ls&z=6

جزاج الله خير بشوف شو بستقر عليه وبحط لج الخطه عشان ابي اعرف شو الاماكن الي تستاهل الواحد يروح لها وبعد اماكن التسوق للحريم والاطفال ومشكوره

بالقطار من باريس الى ميونخ هذ افضل شي وتستلمون السياره منها

فيه اوت لت قريب من سالزبورغ ومول كبير هناك

اول ماتوصلون ميونخ مباشره استلموا السياره وعلى سالزبورغ 3ليالي وبعدها 6ليالي في زيلامسي وبعدها 3ليالي في ميونخ

ماقصرتي ياختي بارك الله فيج زين شو تبعد ميونخ عن سالزبورغ بالسياره وعن زلامسي
بسالج عن انسب قطار نروح من بون الى باريس من حيث الشركه الزينه والسعر الانسب اعرف موقع يورو رين شو رايج بس اسعارهم مرتفعه حيل هل فيه غيره ؟

ميونخ عن سالزبورغ 148 كلم
سالزبورغ عن زيلامسي 108 كلم
زيلامسي عن ميونخ 168 كلم

بالقطار ما اعرف يا اختي عمري ما استخدمته دايم سياره

مشكوره اختي جزاج الله خير