الموضوع: شنو المطاعم الي تستاهل العنوه بالبحرين؟

السلام عليكم..

شلونكم يا اهل البحرين.. يا اهل ديره الخير والحب والأصاله

شنو في مطاعم حلوه وتستاهل العنوه بالبحرين. ؟
يعني ب شنو تنصحوني؟

وياريت تذكرون لي بعض المطاعم الحلوه الي تتميز بالبحرين

ومشكورين ويعطيكم الف عافيه

مواضيع عشوائيه ممكن تكون تعجبك اخترناها لك:

• بغيت فندق حلو قريب من السيتي سنتر
• شاليهـــــــــــــــــــــات
• بشرى سارة
• سيارة في البحرين
• ماهي اجراءات الدخول للبحرين
• استفسار عن السفر من البحرين؟؟؟؟؟؟؟؟؟؟
• سؤال عن الاوضاع
• وين الاقي الغترة والملابس الرجالية بالبحرين ؟
• بسأل عن فندق الدبلومات كم سعره وهل مناسب للسكن يعني نظيف ؟؟
• هل اصرف بحريني او سعودي ؟؟
• ردو علي بسرعه
• انطلاق المهرجان الاول للزهور فى البحرين
• اذا ممكن المساعدة
• حالة الطقس على مملكة البحرين الشقيقة هذا الاسبوع بمشيئة الله تعالى
• افيدوني البحرين
• الاهل البحرين واللي سار لها وينكم؟؟
• ساعده يا اهل الخبرة
• افيدوني عن الامكان الترفيهية الحلوة
• محلات لبيع السجاد
• سؤال عن فندق اليت ريسورت

هلابك اخوي وحياك الله بدار الزين

من وجهة نظري اللي يزور البحرين لازم يجرب كافيهـ ليلو وعنده اطباق رئيسيه وحلويات

وله فرعين عند مجمع العالي و خلف فندق الخليج بالعدليه

وبعد عندك مطعم كوكوز رهيــــــــب خصوصا باستا الفريدو والرز بالاكلات البحريه (ريسوتو)

وموقعه بالضبط يم ليلو العدليه وهو عباره عن بيت ابيض من طابقين وللأسف مو حاطين اعلان عن اسمه

وممكن تجرب بوفيه فندق الخليج سواء غدا او عشا (مطعم الواحه)

بعد عندك قريب من مجمع السيف كافيه لاشوكولا اكلاته حلوه سواء فطور او عشا او حتى كيك (مونتانا) وكافيه

ووافي بالستي سنتر مقبلاته حلوه بس المشاوي عاديه ..

هذا اللي يحضرني الحين وممكن تشرفنا بموضوع اطباق ومطاعم لاختي الماسهـ

بييييييييييييييييه ماشاء الله احين اخوي عاشق امريكا انت بتعنى من الكويت بس عشان المطاعم ولا عندك كم شغلة بعد


في مطعم اسمه قيصر اكله وايد حلو هو هندي صيني لكن خوش اكل عندهم مرة كنت رايح انا وربعي قابلنا فيه الفنان محمد البلوشي معاه اثنين يتعشون فيه

المطعم في العدلية في بناية مصنع البحرين للاثاث الهندي الدورالثاني

لين كلت اكيد بتدعي لي


بس لا تعنى من الكويت عشان المطاعم وبس


الله يحفظكم بطريقكم

يعتمد عليك اخوي ،، انت من محبي اي نوعيه من الاكل؟

هندي/ صيني/ بحري / ستيك/ ايطالي ............ من كل فئه منها الكثير !!

بعد فيه المطعم الايراني اللي داخل فندق الشيراتون اكله رووعه

افضل المطاعم من وجهة نظر :

1. المطاعم الصينية :
(1) ميموري اوف جاينا ... موقعه في العدلية بالقرب من جامعة نيويورك جلسته جدا راقيه خدمتهم ممتازة
(2) جاينيز غاردن .... فندق الخليج مطعم لا يعلى عليه من جميع النواحي

2. المطاعم الهندية :
(1) نيرفانا .... فندق الرتز كارلتون راقي خدمة ممتازة و جوده في الطعم
(2) لانترينس ... يتميز بالبساطة والخدمة السريعة والاسعار المنخفضة

3. المطاعم الايطالية :
(1) بيزاريا .... مجمع السيف بالقرب من زارا و الحواج
(2) اوليفيتو ... منطقة العدلية
(3) روما .... منطقة ام الحصم بالقرب من مركز الشرطة
(4) كافية ايطاليا .... منطقة العدلية بالقرب من جامعة نيويورك

4. المطاعم الايرانية :
(1) المطعم الايراني ( اعتقد اسمه شبستان ) فندق الشيراتون

المطاعم الانترناشيونال :
(1) لاكيف .... بالقرب من جامعة نيويورك العدلية مميز ببساطة قائمة الطعام ويتكون من عدد بسيط من الاصناف لكنه تقريبا جميع الاصناف مميزة
(2) اب ستير دون ستير .... بالقرب من جامعة نيويورك بالعدلية
(3) المطعم لستيكات (ناسي الاسم ) فندق الريتز كارلتون


وايضا جميع مطاعم منتجع بنيان تري وهو يحتوي على 3 مطاعم
(1) السي فود
(2) مطعم الرمال ... انترناشيونال و يكون بوفيه للغداء
(3) التايلندي ..... الموقع مميز و دائما زحمة ( و صراحتا ماقط جربته ) لكن الكل يمدحه

جميع هذي المطاعم مميزة من جميع النواحي و غالبا يكون السعر لشخصين مابين 25 - 30 دينار
طبقين مقبلات
طبقين وجبات رئيسية
و المشروبات الغازية

واي استفسار عن اي مطعم محدد انا في الخدمة

نصيحة ليلو .....هو الاحلى ويستحق الزيارة سواء اللي في مجمع العالي او منطقة العدلية عند فندق الخليج

اخوي حياك موضوعي تجوف الاطباق بالصور والي يعجبك
نعطيك وصف دقيق له وحياك الله


http://www.arabtravelersforum.com/travel253648/

يعطيكم العافيه ماقصرتوا..

سيف البحر : شدعوه اخوي؟ ترا الحمدالله شايفين خير و الله مغنينا, وماعمري تعنيت لمكان علشان الأكل تطمن

ما شاء الله الأخوان كفوا ووفوا ، ومن أبرز مناطق المطاعم الفخمة في البحرين :

1. المنطقة الخارجية لمجمع العالي في ضاحية السيف.
2. شارع يوسف الشيرواي في ضاحية العدلية.

وهناك مطاعم فخمة كثيرة هنا وهناك بس خبرنا بنوعية الأكل الي تحبها.

وبإمكانك زيارة موضوعي الي تشوفه بالتوقيع ( من روائع شارع يوسف الشيراوي ) وان شاء الله تقدر تاخذ تفاصيل عن المطاعم والمقاهي في هذي المنطقة


وحياكم الله بالبحرين انتوا مو بس في عيونا ،، انتوا في قلوبنا ..

بنظري انه معظم الاعضاء يكتبون عن مطاعم غالية كثير

و في مطاعم بنفس المستوى رخيصة اكثر و نظيفة

يعني مثلا مطعم زيارة الي بقرب من مجمع السيف

نظيف و حلو ( حسب ذوقي لاني ما افرق في الاكل )
و سعر مناسب يعني يمكن شخصين من 10 - 20 دينار على حسب طلباتك )

ميت كومباني (ستيك جنوب أفريقي) ومونسون (تايلندي ياباني) أفضل مطعمين أكلت فيهم في البحرين .. موجودين في العدلية ..