الموضوع: شاليهـــــــــــــــــــــات

السلام عليكم


أخواني حبيت أسأل هل توجد شاليهاا للأجار باالبحرين

يعني بدل ماحجز فندق ولا شقه أحجزلي شاليه

وكم أسعارهم


أنتظر الرد

تحياتي

مواضيع عشوائيه ممكن تكون تعجبك اخترناها لك:

• اهل البحرين تكفون قولو لي وينه فيه؟
• زيارة البحرين
• امس رجعت من البحرين
• مساااعدة لزيارتي الاولى في البحرين
• استفسار رحله خطافيه الى البحرين
• اشكر جميع من شارك مطلوب فلل عائلية في البحرين
• ممكن شقق عائلية ؟
• زيارتي الى البحرين الاربعاء
• اسعار غير مسبوقه على طيران الجزيرة من البحرين لجميع الوجهات
• كافية نصيف
• استفسار بخصوص البحرين
• سؤال عن الشقق
• طلب وأسئلة للأخت الغالية
• انا حجزت في ايليت وما اعرف مكانه من يوصفه لي ؟
• ارجوا المساعدة اريد شاليه في البحرين بمسبح خاص
• تفويض السيارة للخروج إلى البحرين
• استفسار حول الاوضاع الامنية
• احداثيات هامة لمعالم مملكه البحرين
• كافيه ايتاليا من روائع ضاحيه العدليه
• فخامه الاقامه في فندق إليت سبا البحرين

ام بلو
حبيبتي في نادي الشراع
ياجرون الشاليه اعتقد الصغير ب20 دينار حق ريال ومرته وعياله يوم واحد

وشاليه اكبر اذا مع العايله الجد والجده ب35 دينار

وكل شخص زياده ياخذون 3 دينار

يعني يحاسبونج على عدد الاشخاص وليس على كبر الشاليه لانهم اهم الي يحددون لج كبر الشاليه على عدد الافراد

ورقمهم مضيعته السموحه فديتج بس لوتدقين على البداله موجود عندهم

مشكوره غلاي على المشاركه

ماقصرتي فديتج

وأذا في غير ياليت تحطون أسمائهم

ألف شكر ياالغاليه

تحياتي

نفس ماقالت أختي:
1. نادي الشراع

2. منتجع البندر ( هم فيه شاليهات للتأجير)

وبالتوفيق......

هلا اختي بالنسبه لنادي الشراع ماأفضله لأنه فمنطقه مقطوعه نوعا ما وبآخر البحرين ..

مثل ماتفضل اخوي عندج شاليهات البندر واسعارهم بحدود ال50 دينار اذا ماتغيرت..

وفي منتجع بجزر امواج فيه شاليهات بس اسعاره غاااااليه اذا ماخاب ظني من ارخص موقع لحجوزات الفنادق كان السعر

ب140 دينار تقريبا..

في وين نادي الشراع ويليت تحطون رقمه ضروري

وبنسبه لشاليهات البندر غاليه وهي مب شاليهاا هي عباره عن غرف يعني فندق مب شاليه على البحر

رحت لهم وسألت قالو مافي شاليهاا غرف فقط

وسعرهم 140دينااار.


يليت أحد يساعدني عن الشاليهات أذا حد يعرف

تحياتي

لا تحملي تروحين نادي الشراع ... احتمال تكرهين البحرين .... لانه مش مستوى راقي واحتمال تكثر فيه الصراصير خخخخخ

انا انصحج بالبندر .... البندر يحتوي على منتجع كامل فيه بركه سباعه وجاكوزي وفيه اللعاب ومطاعم وكانه مدينه بس صغيره

1- يوجود فيه كابينه : كابينه عباره عن شاليه صغير يطل على البحر او يطل على البركه وارخص سعر 62 دينار بحريني وطبعا يرتفع سعره كل ما يكون يطل على البحر حيث يصل اكثر سعر له 82 دينار بحريني

2- شاليهات : طبعا الشاليهات انواع في منها غرفه وحده وفي منها غرفتين وفي منها 3 غرف وفي منها الخاص جدا فيه بركة سباحه وجاكوزي خاص وتبتدي اسعار ب 108 دينار بحريني يعني بوغرفه وحده بس واغلى شي اللي فيه بركه خاصه سعره 350 دينار بحريني

3- Vip : طبعا انتي لو كنتي في اي بي لازم تاخذين لج رويال كابينه ... فيه بركه وجاكوزي وكل شي خاص وسعره 450 دينار بحريني

ولو ماعجبج البندر ........

منتجع وفندق : النوفوتيل دانة البحرين فيه غرف سكنيه بتطل على البحر و البركه وفيه جاكوزي وكل شي للزوار يعني فندق راقي ومنتجع لكونه بالبحر بعد
سعر الغرفه : 72 دينار بحريني .... وتزيد كل ما طبعا غرفتين وصاله بتكون سعرها : 130 دينار بحريني

ولو ماعجبج ......

منتجع ايليت : شقه تطل على البحر والبركه .... وارخص غرفه عندهم 100 دينار بحريني


واتمنى تنسين موضوع نادي الشراع صحيح انه 23 دينار فقط ..... ولكن مايسر الوضع داخله

نسيت اخر منتجع


بنيان تري : المنتجع الخيالي والراقي لدرجة الاحلام ..... سعره 400 دينار بحريني لليوم الواحد تقريبا مابتذكر بالضبط ... فيه طبعا فيلا وليست شقق او شاليهات ... يعطونج فيلا فيها بركه وكل شي مع افطار ومساج وشغلات حلوه وهوه يقع في الصخير ... لايوجد بحر بس بركة سباحه ولكن خيالي وراقي

اطلق منتجع خيالي في شرق اسيا لا يتعدى ال 200 دولار

- بصراحة عندنا نصب واستغلال