الموضوع: طلب مساعدة

السلام عليكم ورحمة الله وبركاته
الأخوة والأخوات الكرام خبراء السفر الى البحرين
عندي مصلحة تلزمني السفر الى السعودية يوم واحد من الدوحة وانا مو خليجي فما حصلت طريقة الا اخذ فيزا مرور للبحرين مع أن كل شغلي ساعتين بالسعودية
المهم قلت في نفسي اسافر الجمعة الصباح وادخل البحرين سيدا وانام ليلة واشوف الستي سنتر والسيف مول لأني زرتهم وبصراحة عجبوني
ولكن أخوكم ما يبي يتكلف عشان عندي تسجيل بالجامعة والتزامات كبيرة
اول شي بالنسبة للسيارة هل أقدر أعمل تأمين شامل على اسيارة القطرية في البحرين والسعودية مدة أسبوع مثلا
وبالنسبة للزحمة في البحرين والسواقة هل أسوأ من زحمة الدوحة
حصلت في النت فندق قصر الشرق بعشرين دينار وهو سعر يناسبني الصراحة ولكن ما اعرف وين هالفندق
وسمعت أن الفنادق اللي بشارع اسمه شارع المعارض مو زينة ممكن اعرف السبب
كم يبعد الفندق اللي قلت عنه عن السيف وهل أقدر أروح مشي لأن ماني حاب أستخدم سيارتي بصراحة لان ما أعرف وأخاف أدعم لا سمح الله
مشكورين واستحملونا يا اخوان
جزاكم الله كل الخير
أخوكم

مواضيع عشوائيه ممكن تكون تعجبك اخترناها لك:

• ومعه اشخاص يطلبون مساعدتكم نشوف انتوا قدها واللا لا
• مكاتب استقدام خادمات للسعودية
• معقوله يا
• ممكن استفسار
• ارجو الرد على استفساري وجزاكم الله ألف خيير
• لإولــــ مرة الــى البحريــــن
• سـافرت للبحرين بسياره شخص اخر هل تعبر
• المختصر لمن مخه انعصر
• احد عندة فكرة عن شقق ميلنيوم البحرين ؟
• قائمة المكتبات العامة والخاصة بالبحرين
• حبيت اسالكم بعد ماتوهقت السكن بالبحرين
• سيتي سنتــر
• شاليهات أسعارها معقولة
• استفسار بخصوص الجفير
• عاجل جدا
• البحرين في عشر ساعات
• قرية سند
• جزيرة حوار البحرينية
• استفساري عن تفويض قيادة سياره ايجار منتهي بالتمليك
• خدمه الا نترنت

وعليكم السلام ورحمة الله وبركاته

حياك الله أخونا ... بالنسبة لأسئتك ...

تأمين السيارة ... حسب علمي ممكن تعمل التأمين على الجسر .. ويعطونك عدد الأيام اللي تطلبها ...

الزحمة في البحرين .. والله موجودة وبكثرة في بعض الاحيان .. بس الصراحة مدري عن زحمة الدوحة شلون هل مثل البحرين .. أو أقل أو أسوأ ..

فنادق منطثة شارع المعارض سيئة جدا لاحتواءها على بعض الأنشطة الغير ملائمة ...للأسف الشديد .. وتفتقر للنظام والنظافة والهدوء ...

فندق قصر الشرق .. فندق قديم جدا جدا جدا .. وموقعه في قلب سوق المنامة ... لكني ما أنصحك فيه .. وموقعه بعيد عن السيف .. تحتاج سيارة أكيد للوصول إلى منطقة المجمعات

لو زدت ميزانية السكن قليل ... راح تلقى فندق محترم ونظيف تسكن فيه ..

مثلا ... شقق إيواء الفندقية ... غرفة بـ 40 دينار لليلة

ولو بغيت فنادق أو شقق فندقية جول منطقة السيف .. أسعارها تبدأ من 50 دينار وفوق ...

شكرا وجزاكي الله خير يالغالية وأكيد راح أبعد عن المعارض لأن والله مالنا بهالأنشطة الغير ملائمة انا سفري كله عشان أسجل بجامعة الامام محمد بن سعود الاسلامية بالسعودية والله يبعدنا عن هالأنشطة
تكملين معروفك معي بالنسبة للتأمين هل أقدر أعمله تأمين شامل
والفندق ممكن تنصحيني وأسمع أن الشقق الفندقية أرخص شوية ايش رأيك
جزاكي الله كل الخير وبارك الله فيكي وبالجميع

مرحبا فيك أخونا ...

شركة التأمين اللي موجودة على الجسر اسمها المتحدة للتأمين ... وهذا موقعهم: http://www.uic.bh/default.asp#


.. ممكن تتصل لهم وتسألهم أي أسألة وإن شاء الله راح يفيدونك...


أما الفنادق .. لإأنا حطيت لك اسم شقق رخيصة نسبيا اللي هي شقق إيواء الفندقية ..

وممكن تجرب الحجز عن طريق موقع بوكينغ ... موقع مضمون والاسعار ممتازة

وحياك الله في البحرين

بارك الله فيكي يا اختي وكثر الله من أمثالك

التأمين تاخذه عند دخولك للبحرين من السعودية فيه ب 15 ريال سعودي وفيه ب 20 ريال طبعا هذا اقل تأمين مدته 72 ساعه
وفيه اككثر مثل 10 ايام وبالاشهر وبالسنه بعد

اما منطقة المعارض ابعد عنها قدر المستطاع وهي تستهدف فئه معينه وربك الهادي اما عن السعر المذكور اعلاه قد تجد لاكن في غير ايام الاربعاء والخميس والجمعه وفي منطقة الجفير اسعار الفنادق من 270 وطالع ومنطقة راقيه وهادئه ونتمنى لك السلامه

زي ما قلو لك

بارك الله فيكم وجزاكم الله كل الخير
خلاص نتوكل على الله على الجفير
واذا تيسرت الأمور شهر العسل بيكون في البحرين باذن الله بعد سنتين