الموضوع: جزيرة حوار البحرينية

السلام عليكم

أرجو من الإخوان اللي سبق ان زاروها ان يعطوننا معلومات عن الجزيره وكيف أجوائها والفنادق الموجوده فيها وكيفية الوصل لها .

مواضيع عشوائيه ممكن تكون تعجبك اخترناها لك:

• ساعدوني يابحرينيات
• المحرق لاندمنتزه جديد أكبر من عذاري
• سينما السيف
• هل جنة دلمون المائية مسموح دخول الشباب
• ۩₪» خريطة البحرين الالكترونيه التفاعليه «₪۩
• مساعدة كم العمر المطلوب لدخول البحرين
• ودي بفندق به كل شيء ولا تحتاج الى الخروج منه
• اريدشاليهات يااخوان ممكن مساعده
• ال ــــبحرين
• مساعدة احتاج وصف الطريق من السعودية إلى جامعة الخليج العربيوحدة القبول والتسجيل
• ماهو تاثير القرارات الاخيرة في البحرين على الاسعار كافة والحريات
• انظف مطاعم بحرية في البحرين
• احتاج مساعدتكم انا رايح الخميس للبحرين ضروري
• ياحظنا بطيبة اهل البحرين
• رايح للبحرين بعد يومين محتاج مشورتكم ضروري
• على نهاية العيدبجيكم من جديد
• البحرين تعلن استعدادها لإقامة سباق فورملا واحد بعد تأجيله صور فيديو
• المشاريع السياحية والاقتصادية الجديدة في البحرين و
• استفسار قصر العرين
• جنة دلمون لا تحرموني الاجابة على استفساري

الأجواء بارده وبعض الأحيان ينزل فيها ثلج .. هههههههههههههههههه ودائماً ممطره ههههههههههههههه

حلوه هاذي الأجواء شلووون هههههههههه
يعني في ذمتك دولة خليجية شتتوقع أن الجو بيكون فيها ؟؟؟؟ لا وجزيرة بعد .. أكيد حر ورطوبة

وعلى ما أعتقد أن في فندق الريتز كارلتون أهناك .. وتقدر تتصل على هذا الرقم للأستفسار منهم أكثر وأكثر

00973290377

تحياتي لك

بومحمد

السلام عليكم
اخوي العزيز بو محمد ليش تحبط الرجال من قال حوار مو حلوه ,
الا ممتعه و تتمتع بطبيعه عذراء , وشواطئ نظيفه ورمال ناعمه .و بعض جزرها محميات طبيعيه لبعض الطيور .
منتجع حوار فندق درجه اولى , و تستطيع ممارسة جميع الانشطه البحريه فيه من سباحه و جت سكي و غوص ,وغيرها .
و هناك ايضا شاليهات للايجار .
وتستطيع ان تبتعد عن الجزيره الام الى جزر صغيره ابعد منها اذا اردت ان تكون على راحتك خاصة اذا ارادت الاخوات السباحه بعيدا عن الاعين .
توكل على الله و انشاء الله تستمتع .

حسب المعلومات اللي عندي ومن بعض الأخوان اللي راحوا هناك
الأسعار غالية مررررررة ولا في شيئ يستاهل

الرّسالة الأصليّة كتبت بواسطة بلبل
[SIZE=5] جزيرة حوار

الجزيرة تتبع للملكة البحرين
الذهاب اليها بالقارب مسافة 50 كيلو مدة 45 دقيقة

بلبل




والذهاب إليها من قطــر سباحــة مسافــة 200 متــــر

[align=center]يا ساهر2000

اذا حصلك اي فرصه تروح جزر حوار
لالالالالا تتردد
روح والقلب داعيلك
انا شخصيآ رحتلها سبع مرات

ومع الانشطه الترفيهيه الي قالتها اختي سحر الشرق
يعطيها العافيه

خذلك جت سكي
ثلاث ساعات او اربع
لف حول الجزر
و تقدر تروح قطر تسلم علي ابو محمد :d
(والله والنعم فيك يا ابو محمد ) عزيز وغالي يطول عمرك[/align]

ابو محمد

ضحكتني

مرة سالت واحد عن الانوار الي في الجهه الثانية

قالي هاذي الدوحة

قلت خوش

هاهاهاهاهاهاهاهاهاهاهاها
شكراً على مروركم ..

بس الجهة المقابلة لجزر حوار هــــي منطقة دخان وبروق الغربية ..

تحياتي لك يالغالي ..

[align=center] ابو محمد كل عام وانت بخير

خوينا ما يعرف بقطر الا الدوحة

[/align]

هاهاهاها

يعطيك العافية

مكان المكتب على شارع الفاتح وجنب مسجد الفاتح تجيك الاشارة وأنت جاى من شارع الملك فيصل وترجع وتحصلة على اليمين وجنبة مطاعم متنقلة وأشجار وصعب الوصف .

السلام عليكم جميعا/

ياشباب بصراحه انا ودي اروح لهذي الجزيره علما باني سأصل يوم الاربعاء 22/11/2006 القادم ان شاء الله...علما بان طيارتي تصل الى الدمام الساعه السابعه مساء من نفس اليوم... وسوف اغادر يوم الجمعه الساعه الخامسه مساء انا وزوجتي بس......هل تنصحون اني اروح والا لا؟؟؟ وكيف طريقه الحجز هناك بالنسبه للرحله والفندق؟ وهل المعامله (اهم شي) ممتازه والا لا؟؟؟ وتروني رايح اتمشى :surf مو اتمرمط واتبهذل......ارجو منكم النصيحه بكل وضوح

وشكرا
ابو عبدالعزيز

فيه مكتبين أخي الكريم على كورنيش الفاتح للحجز لتلك الجزيرة

وشي كويس إنك تزور الجزيرة ولو رحلة قصيرة خمس ساعات ، أفضل من الرحلة الطويلة يوم كامل

والله انا رحت الجزيرة بالصيف الماضي شهر 8 و قعدنا ليلة كاملة هناك ,, يومين (ليلة وحدة) , و الصراحة استمتعت بالرحلة ,, الرحلة فيها نوع من التغيير خاصة لما تروح بالقارب ,, و تشوف الامواج حوالينك تتلاطم ,, (حلوة تتلاطم) ,, .. و بالنسبة للفندق من يقول انه سيء ؟! الفندق جيد , و فيه بركة سباحة , و في العاب بحرية مثل ماقالو مثل الجيت سكي , و رمال الشاطئ بالجزيرة ناعمة و نظيفة , و الغرف بالعكس نظيفة و مستواها جيد جدا , و الاكل عبارة عن بوفيه ثلاث وجبات في الفندق , فطور و غدا و عشا ,, كله بوفيه ,, و الصراحة انا عجبني البوفيه مستواه جيد . و الاجواء في الفندق عائلية , يعني بتقعدون في اللوبي و يشغلون اغاني بالدي جي .. و هالنقطة ممكن تكون السلبية الوحيدة بالفندق ,, لانه الدي جي يتم شغال احيانا لوقت متاخر للساعة 12 فجرا , بس كنصيحة مني .. الرحلة لجزيرة حوار ممتعة و تستحق التجربة بلاشك .


تحيتي

اخواني:

ابو احمد/
ممكن رقم تلفون للمكتب المذكور اعلاه لو سمحت او اي مكتب يفيدني؟

راشد/
ممكن تقولي كم سعر الرحله للشخص الواحد سواء يوم كامل او رحله قصيره؟؟ ومتى مواعيد مغادره القوارب الى الجزيره؟!

الله يعطيكم العافيه

جااااسم

الله يغربل بليسك

هههههههههههههههههههاااي

احنا كنا نغاوص في زكريت ربع ساعة تحت الماي بس خذنا التيار عند جزر حوار

هههههههههههههه

===============

بالنسبة لجزر حوار انا مارحت لها

لكن عندي وجهة نظر

بالنسبة للجو هناك

اللي يقول ماتروح لها في الصيف غلط عشان الحر

انا اقول البحر في الجو الحار مايأثر لأن انته بتكون في البحر اغلب الوقت وجسمك راح يكون مبلوول بالماااي ومارات تتأثر بالحر

الا شهر سبعه وأول ثمانية بيكون البحر صالونة تغلي

هههههههههه

واسمحولي عالأضافة



ولكم مني خالص التحية


اخوكم
القـــطــــــري

سلام عليكم
صور وموضوع جميل
شكرا لك

بصراحة قطر عرفت تلعبها زين امام المحكمة الدولية ، سوت روحها انها مهتمة بحوار لكن هي في الاساس كانت خايفة علي المناطق البحرية شمال شرق البحرين. في النهاية قطر حصلت المناطق الشمالية الشرقية الغنية بالغاز والبحرين حصلت حوار اللي ما فيها شيء

أخوي رح لها ولا عليك من أحد ترها أنواع الفلة لكن وإنتبه من كلمة لكن

لا تروح لها ويك إند ولا أيام رأس السنة أو أيام الإحتفالات ترى بتكره عمرك


أنا رحت لها في نصف الإسبوع وما كان ودي أطلع منها أنواع الفلة حتى الموظفين هناك يخدمونك لأن مافي زحمة تكون الخدمة 10 نجوم


ورحت لها يوم رأس السنة (قبلها بيوم قعدت يومين) كرهت عمري كل الموجودين أجانب (هنود بنسبة 99.99) والله حتى البوفيه كرهته مع إن أكلهم حلو لكن من إللي تشوفه تلوع كبدك كنك في مقصف المدرسة أيام زمان هوشات على الدور

ولا وأزيدك من الشعر بيتين كان في الحفل مسابقات وكل إللي فازو هنود ؟؟؟؟ كانو يقولون دورو على القطعة زي كدا وتكون مدسوسة داخل البلونات إللي في طاولات الهنود (عمري ماشفت مثل هالنصب )


لكن زي ماقلت لك لا ويك إند ولا مناسبات

المشاركة الأصلية كتبت بواسطة بلادي البحرين
http://www.arabtravelersforum.com/tr...9/#post1066519

بصراحة قطر عرفت تلعبها زين امام المحكمة الدولية ، سوت روحها انها مهتمة بحوار لكن هي في الاساس كانت خايفة علي المناطق البحرية شمال شرق البحرين. في النهاية قطر حصلت المناطق الشمالية الشرقية الغنية بالغاز والبحرين حصلت حوار اللي ما فيها شيء





:24:

عفارم عليك

باين عليك تعرف اشياء وايد

تعجبني