الموضوع: ما بقى إلا كم يوم تكفوووون فزعتكم يا اخوان

بسم الله الرحمن الرحيم ..

حياكم الله يا شباب ، وجعلكم مباركين أينما كنتم ..

حبايبي ..

رحلتي إن شاء الله يوم الخميس اللي بعد كم يوم ( 24 / 6 ) ، الساعة 9.10 م ما شاء الله تبارك الله !

وعندي بعض الاستفسارات يالغالين ..

* أهم شيء ؛ ( الصلاة ) كيف راح أعرف وقت دخول الوقت بالطيارة ( الكاثي باسيفيك ) ! لأنهم قالوا : راح تقلع الساعة ( 9.10 م من الرياض ) ، وتاصل هونج كونج ( 1.15 الظهر عندهم ) وترانزيت ساعتين ، وبعدها إلى أوكلاند تاصل بإذن الله ( 6.00 صباحا ) !

فكيف أضبط وقت الصلاة !

أكيد أكثركم جرب فلا تبخلون علينا يا اخوان !

* وإذا أحد خابر لي أحد راح يطلع على نفس الطيارة فما عندي مانع إنه يكون جنبي !

* شوفوا حبايبي !

راح أجلس شهر إن شاء الله ، إلى شهر و10 أيام !

السكن جاهز وموجود مع أحد أقاربي في أوكلاند ! المعهد احتمال أدخل واحتمال لا ( على حسب الميزانية ) !

ودبرت للمصاريف ( 5000 ريال ) لاحظوا ؛ ما فيه سكن ولا حاجه !

هل تكفي ؟!

* من ناحية الفلوس ! هل أحولها هنا إلى دولار أمريكي ؟! أو أحولها هناك ؟! أو أحطها بحسابي الراجحي وأسحبها هناك وأحولها من ريال إلى دولار نيوزلندي ؟!

عطون الراي اللي يجمد على الشارب ! مع مراعاة عدم الخسارة بعملية التحويل من عملة إلى عملة !


والله لا يحرمكم الأجر يا اخوان ..

محبكم ..

مواضيع عشوائيه ممكن تكون تعجبك اخترناها لك:

• بعد اذنكم الاخوان في نيوزيلندا ارجو افــادتي
• استشارة مهمة
• مفضله نيوزيلندا
• بالنسبه للنوادي افيدوني
• ما هو الطيران الذي يصل إلى نيوزلندا من السعودية ؟؟ معلوماتكم يا شباب
• رحتلي بعد اسبوعين فبراير
• استفسار الله يوفقكم
• ممكن سؤالا
• استـــــشـــــاره يــــــــــــاخبــــــــــراء
• اخطط لسفر الي نيوزلندا لغرض السياحه
• لكم ياهل الخبره
• استفسار بخصوص رحلتي الي نيوزلاندا الى مدينة كرايستشرش
• ترانزيت نيوزلندا
• مشاهدة مباراة السعودية و استراليا على قناة نيوزلندية؟
• استفسار بيسط نصـآيحكم بالسفـر
• مستعجل ابي احجزسؤال مهم عن الخدامه
• ما هي نيوزلندا
• موضوع يهم كل زوار بوابة نيوزلندا
• استفسارات عن اوكلاند اسال وانااجيب
• محتار في الغربة

بالنسبة للصلاة

المشكلة ان مخك يضرب .. تطلع بالليل من الرياض مثلاً .. وتاصل بلد الترانزيت الظهر وألا العصر (مو متذكر بالضبط .. لكن المهم أنك تنلحس )

بالنسبة لي صليت اللي فاتني ببلد الترانزيت (سنغافوره) .. مع العلم أني صليت المغرب والعشاء قبل لا امشي

لكن أفضل أنك تسأل شيخ .. لأني بصراحه ما سألت



أما الفلوس ما أدري وشي طريقة التحويل اللي مافيها خسارة كبيرة لكن اللي سويته أنا أني حولتها لأمريكي ومن سنغافوره لنيوزلندي


بالنسبة هل تكفي أو لا .. لو حسبناها بالأسبوع (فرضاً سعر الصرف 2.5) .. يطلع لك حوالي 400 دولار أو أقل

تعتبر كافية نوعاً ما لكن لازم تشد الحزام لو تبي تطلع رحلات غالية .. ولو تزيدها للإحتياط لأي طارئ

طبعاً أنا قلت كافية لو تبي تطلع رحلتين وحده رخيصة (متحف .. بحر .. حديقة ...) ووحده غالية (بانجي .. سفر برا اوكلند ...)

ولو رحت هناك وشفت البرشورات السياحية تقدر تضبط الميزانية صح




بالتوفيق

أخوي المظلووم ..

وناصرك ربك يالغالي ..

أشكرك ..

وليت الاخوان مثلك وشرواك ما يبخلون !

أخوكم ..

شوف يا طويل العمر, أنت مسافر شرقا يعني إذا خرجت من المملكة الصبح ووصلت هناك في الليل قدم ساعتك 9 أو 8 ساعات (فرق التوقيت بين المملكة ونيوزلاند) , حلو؟
المملكة توقيتها على GMT+3 أو UTC+3
ونيوزلاند توقيتها GMT+12 و UTC+12 في معظم أيام السنة و UTC+13 في الشتاء
http://ar.wikipedia.org/wiki/%D8%AA%...86%D8%B3%D9%82
وهذا موقع فيه أوقات الصلاة لجميع مناطق العالم, والصفحة هذي خاصه بنيوزلاند.
http://www.islamicfinder.org/cityPra...ry=New_Zealand

وبالتوفيق,,

أخوي سعودي كيوي !

أشكرك من أعماق فؤادي ! فكيت أزمة يالغالي ..

لكن بالطيارة ! هل عندك خلفية عن دخول الوقت ؟! صعبة أفوت الفجر إلى وصولي إلى هونج كونج وراح يكون وقتهم الظهر !

ونفس الكلام أوكلاند ! أمشي ظهر هونج كونج وآصل فجر أوكلاند ! وين المغرب والعشاء ؟!


يا حبي لك !

مشكور !

المشاركة الأصلية كتبت بواسطة سامبل تيود
http://www.arabtravelersforum.com/tr...3/#post3952508

أخوي سعودي كيوي !

أشكرك من أعماق فؤادي ! فكيت أزمة يالغالي ..

لكن بالطيارة ! هل عندك خلفية عن دخول الوقت ؟! صعبة أفوت الفجر إلى وصولي إلى هونج كونج وراح يكون وقتهم الظهر !

ونفس الكلام أوكلاند ! أمشي ظهر هونج كونج وآصل فجر أوكلاند ! وين المغرب والعشاء ؟!


يا حبي لك !

مشكور !



هلا حياك الله بالنسبة لي
رحلتي كانت نفس رحلتك في التوقيت
صليت الفجر في الطيارة في مقعدي تقريبا بعد الاقلاع بـ 4 ساعات
اما صلاة العصر الظهر والعصر في مطار هونق كونج
سوف تصل هونق كونج الساعة 1.30 تقريبا الظهر
والمغرب والعشاء والفجر في الطيارة خلال الذهاب من هونق كونج

أخوي السفير الطائر ..

جزيت خيرا وبارك الله فيك ..

أشكرك من الأعماق يا غالي ..

أخوك ..