الموضوع: وين اسكن في دبي ابغى موقع استرتيجي قريب الى معظم الاماكن

وين اسكن في دبي ابغى موقع استرتيجي قريب الى معظم الاماكن عشان يكون سهل التنقل بلتاكسي لان مو معاي زوجي

مواضيع عشوائيه ممكن تكون تعجبك اخترناها لك:

• استفسار سعر الدرهم مقارنه بالريال السعودي
• لاأهل الخبرة فى دبى
• الإمارات تعزز مكانتها كأكبر مشغل في العالم لطائرات السوبر جمبو
• ياأهالي دبيفزعتكم ضروري بهاليومين
• هذا الموجود فايها افضل
• إن شاء الله مسافرة لدبي بعيد الاضحى وانا حامل
• استفسارين لا هنتو
• استعلام عن الجو هذي الايام ،،
• شاهين في ساحة الإماراتيين لأول مرة ساعدوني
• الاسبـوع الجاي رحلتي احتاج مساعدتكم
• افتتاح «كمبينسكي بالم جميرا ريزدنس» فـي دبي
• ارجو المساعده لوضع برنامج رحلتىعاجلا
• كورنيش رأس الخيمة زاوية جميلة
• فنادق الممشى وأيهم الأفضل أرجو المساعدة
• اهلا وسهلا البطاقه وطيران ناس وووالخ
• آنا مورا للأزياء تفتح فرع في دبي
• شقق فندقية رائعة للعائلات لا يفوتكــــــم
• وين احصل محلات تبيع انوار الـ في دبي والشارقة ؟
• اهل دبيوخبراءها
• جامع الشيخ زايد الكبير أكيد مقصدكم هالرمضان

انصحك عزيزتي بكمبينسكي مول الامارات ..

مثل ماذكرت مزون فندق كمبنسكي هو الخيار الافضل وكل شي ملاصق لك في مول الامارات المطاعم والسينمات وكارفور يعني مايحتاج تطلعين بتاكسي اذا احتجتي اي شي :24:

بس ابغى شقه لان باروح مع اختي يعني شقه غرفتين وصاله وسعرها لا يتجاوز 1200
وحبيت اسئل وين موقع مدينة مدينة مدهش ووين الاماكن االترفيهيه للاطفال
قلت باروح معاهم الامارات مول عشان الثلج ومجمع ابن بطوطه دلوني الله يجزاكم خير

مثل ما اتفضلوا " اليازي " و " مزون " كمبنسكي فندق عائلي من الطراز الأول وملاصق لموووول الامارات ، رحله سعيده

وانا رأيي من رأي الاخوات مزوون واليازي

اذا بتسكنين في هذا الفندق فما يحتاج انج تطلعين مول الامارات ملاصق للفندق وكل شي فيه
ومعطم الاماكن السياحيه الثانيه قريبه منج ,,, ومدام انج في الامارات لا تحاتين ان شاء الله البلاد فيها امان

شكرا على الرد وتسلمو

انا ما احب كمبنسكي بصراحه فندق يصنف درجه اولى لكن خدماته سيئه جدا من تجربه شخصيه صحيح المول جنبه بس كفندق ما ارشح ولا احب اسكنه مره ثانيه وكانت غلطه الفنادق كثيره بس انا جربت غراند حياة بصراحه فندق ممتاز وشكرا .

الظاهر انكم فهمتوني 1200 دولار هههههههه
اني قصدي شقه غرفتين ب 1200 ريال سعودي

اممم اختي انا احسب اليوم ب 1200 درهم

شوفي هاذي التقارير بتفيدج

http://www.arabtravelersforum.com/travel210249/

http://www.arabtravelersforum.com/travel234079/

http://www.arabtravelersforum.com/travel228002/

وفيه فنادق في منطقة برج دبي قريبه من دبي مول وهم فندق قمر الدين وفندق المنزل وهم 4 نجوم

وبالنسبه لمدينة مدهش تراها مسكره وما تفتح الا في مفاجأة صيف دبي
بس فيه مدينة الطفل في حديقة الخور
وفيه صالات العاب في مول الامارات و ابن بطوطه مول ومعظم مراكز التسوق فيها صالات العاب
وفي حديقة جميرا وايد حلوه وفيها شاطئ خاص
ملاهي الوندر لاند و الولد وادي
والعاب القرية العالمية ,,, من يومين فاتحه القريه العالميه وفيها العاب وايد

اختي لأنج ماحددتي الميزانية من البداية .. فالناس خذوا راحتهم في الاقتراحات

عالعموم أنصحج بالشقق اللي خلف مول الإمارات
في شقق اسمها نجد .. تقريباً بهالميزانية
http://www.arabtravelersforum.com/travel217758/

اي افضل في السكن شققFlora Park Hotel Apartments او Kazi`s Iconic Hotel Apartments من نااااااااااااحية الموقع علما سأستخدم التاكسي كوسيله للتنقل وجزاكم الله

حسب الأماكن اللي تبين تزورينها
فلورا بارك في ديرة .. جنب سيتي سنتر . وقريب من الغرير وحمر عين
بس بعيد عن مول الإمارات وابن بطوطة

وكازي خلف مول الإمارات .. وقريب من ابن بطوطة

سووري اذيتكم بالاسئله
بس لاني صارلي اسنين مورايحه دبي فماددل شي فيهاا


ابي اعرف فلورا بارك

فيه وايرلس انترنت؟؟


وشنو المجمعات والاماكن السياحيه ا اللي يم ستي سنتر؟؟


وشنو المجمعات والاماكن السياحيه اللي يمالامارات مول وابن بطوطه ودبي مول

والمطاعم الذيذه بالاماااااااااارت


واسفه حيل كثررت عليكم الاسئله بسسسسسسس مالي غيركم:$:$:$الف شكر لكم