طريق البحرين

**ahmedgaper** · 01-30-2015, 05:12 PM

مرحبا ياجماعة الخير .....
أنا مسافر مبتدىء وأحب أعرف طريق جسر الملك فهد .. أنا جااي من الدوحه وبامر الهفوف و بعدين على طول البحرين
ممكن تساعدوني !! يعني أمر أول الدمام أو على طول الخبر !!
ياريت بالتفصيل عشان ما أتغربل مع العيال والمره .............. ويعطيكم ألف عافيه :24:

مواضيع عشوائيه ممكن تكون تعجبك اخترناها لك:

**ahmedali** · 01-30-2015, 05:12 PM

panadol

والله ان لو اسمك تشيز كيك ماعملت لي اغراء كثر البنادول

بالنسبه للطريق انه ماعندي فكره من قطر والهفوف الدرب شلون ؟

اللي اعرفه انك تمسك خط سريع يعني ماتدخل لا الدمام ولا الخبر بس الهاي وي حقهم ..

ان شاءالله اصحاب الخبره يفيدونك وحياكم الله بالبحرين

**ahmedali** · 01-30-2015, 05:12 PM

شف يا طويل العمر

واصل مع الطريق حتى يجيك كبري قبل الدمام والخبر واضح
ومكتوب عليه البحرين يمين والكويت يسار
انت خذ يمين وهذا طريق البحرين سيده حتى توقفك الجوزات السعوديه

**ahmed3** · 01-30-2015, 05:12 PM

أخوي طريج قطر - البحرين ما يبي له شي والله يبلغنا واياكم ونشوف جسر ( البحرين - قطر ) في أسرع وقت ممكن ..

مثل ما تفضل الاخ العزيز جذاب القلوب .. تطلع من سلوى وتتجه مباشرة نحو الاحساء ، ومخرج الاحساء - الظهران واضح وسهل جداً حيث اللوحات الارشادية تشير اليه ..

وراح تمر على مدينة بقيق في منتصف طريقك بين الاحساء والظهران ، قبل الوصول إلى الظهران بقليل راح توصل إلى جسر ، طبعاً لما تاخذ ذي الجسر الى اليمين راح تروح الدمام والجبيل والكويت ، ولما تاخذه يسار راح تروح العزيزية والبحرين ، والعزيزية هي المدينة التي يبدأ منفذ جسر الملك فهد فيها من طرف السعودية ..

وبذلك تكون وصلت جسر البحرين - السعودية ، وهذا الجسر هو واحد من أطول جسور العالم البحرية يبلغ طوله 22 كيلومتر ومنفذ الحدود ( تدقيق الجوازات ) يقع في منتصف هذا الجسر حيث جزيرة استراحة الجسر وتقع فيها مجموعة من المطاعم والاستراحات .. وبعد ما تنتهي من هذي الجزيرة ما راح يوفقك أي شــــــــــــــــــي حتى دخولك أراضي البحرين ..

ومرحبا بك ومليون هلا ..

..