الموضوع: بروح دبي اسبوع الياي وودي احد يساعدني

السلام عليكم يعطيكم العافيه
انا ضعت بهالقسم مادري وايد اماكن ضيعت بينهم
عموما انا ابي اسافر دبي وابي مطاعم اسوقه شعبيه او اماكن يستحق اني ازورها والشي اللي ماقدر اطوفه
المهم ابي استانس ابي احد يسويلي جدول لسفرتي

وابي فندق رخيص ويستاهل اني اسكن فيه يعني 500 درهم وتحت سواءا شقق فندقيه ولا فندق فندق

ناطركم

مواضيع عشوائيه ممكن تكون تعجبك اخترناها لك:

• وين اوقف سيارتي في مطار ابو ظبي
• ساعات ترانزيت في مطار دبي ماذا أعمل ؟
• استفسار من اخوي الفارس
• تقرير رحلة ٤ أيام للإمارات كانت شاملة وعامة وأقتصادية
• ممكن أعرف المسافة بين فندق العنوان ودبي مول
• حياكم احلى ايام بدبي
• دبي ثاني أفضل مقصد سياحي في العالم
• ارجو الرد وعدم التهميش
• منتجع قصر السراب من أنانترا في صحراء الليوا
• ياناااس الحقوني جننننيت
• ياشباب وش الحل مع ساعة توقف في مطاردبي
• اسئلة عن الشارقة ودبي
• استفسارات عن دبي
• مين جرب شقق كورال خوري؟؟
• دبي تتصدر مدن المستقبل في منطقة الشرق الأوسط
• «كيدز بارك» وجهة مثالية للأطفال للتعرف إلى عالم الحيوان
• زيادة نزلاء منشآت أبوظبي الفندقية في الربع الأول
• موقع جميل لحجز سيارات بنظام الإجار في الامارات
• ماهو أغلى شيئ في دبي ؟؟
• ممكن مساعدة ؟؟ سؤال عن شقق جولدن سن

بالنسبة للفندق .. شوف موقع booking.com
فيه اسعار حلوة

بالسنبه للاسواق الشعبيه ..

1. سوق نايف واللي بتحصل فيه مركز المنال .. الكويتي ..
هالسوق شعبي ويباله مكاسر بتحصل فيه الخراوشين يعني منوع

2. الدراغون مول
طبعا غني عن التعريف وكل شي فيه

3. سوق عكاظ
تخصص جلاليب نسائيه +شيل عبي + عطورات

4. سوق مرشد
فيه واااااااااايد شغلات .. صحون حق البيوت + الالكترونيات+السوع يعني .. إلخ

5. سوق الجمعه
بس ما ادري احس به يوم عالمي لتجمع الهنود والبتان والفلبينووز هو مكان في مركز الحمريه المركزي
يسونه كل جمعه بس

بالنسبه لمحلات العود والدخون في رايي الشخصي :-
محل " احمد المغربي " في مركز بن سوقات سنتر .. ومركز الغزال
العود ملكي .. جوووووووووووووووونااااااان .. ريحته واايد خنينه وراقيه .. ناخذ عنه 4 او 5 تول ب 250 درهم

وبالنسبه للعطور الاجنبيه الممممتاااااااازه "الاصليه "
سير منطقة السطوه محل ماي للعطور .. عطورهم ما عليها كلام ع الاقل ارخص شويه عن "هارفي نيكلز " ودبنهامز خص اذا ابي اشتري كميات .. وماشاءلله عندي كمن عطر ماخذته من هناك لا تغيرت الريحه ولا تغير لونهن ..

وطبعا لا تنسى عطور Dubai Duty Free
اشوى اني احصل خصم اهناك 10% ^___^ بس فيه عندهم اشيا حلييوه وممتازه للمسافرين مثل هالعطور الصغنوونه اللي المدام تقدر تحطهن في الشنطه وياها وتنفع صوغ بعد ..

يعطيج العافيه اخت مها بس يقولون تاريخ 19 - 23 فيه معرض جيتكس والفنادق بتكون غاليه انا الحين تورطت حجزت تذكره وبدور فندق كله غالي :\

هل صحيح الخبر ولا لا ؟

الله يعينكم..

جايتكس مب شرات باقي المعارض

شي اكيد بتكون الاسعار غاليه ...والشوارع.. عفانا الله ..شي فظييييييع من الزحمه

بس مثل ما قال اخويه The watcher دور ع النت

والسموحه انا ما عندي خبره كبيره في سواليف حجوزات الفنادق ..

بس ما شااءلله شوف تقارير The watcher

اليازي

مزووون

فهد

باقي الخوات والاخوان ما قصروا .. قريت كمن تقرير عن فنادق نظيفه و رخيصه ..

بالتوفيق ان شاءالله

انا حجزت تذكره ولقيتلي فندق نظيف وحلو
بس بصراحه تحبطت تقولون زحمه الشوارع عشان المعارض والله لو ادري جان أجلتها بس ماعليه مثل مايقولون حشر مع الناس عيد

يا ريال اعقلها و توكل

و حياك الرحمن .. وجان عن الزحمه .. الله يخليك كل يوم اخس واخس

بس ماشاالله العاالم مطيحين بدبي .. ^___^

مشكوره ماقصرتي يالمها
انا اقول شمعنى يوم كنت انا براس السنه عندكم ماكان غالي جذيه ؟ :\