الموضوع: بروح دبي اسبوع الياي وودي احد يساعدني

السلام عليكم يعطيكم العافيه
انا ضعت بهالقسم مادري وايد اماكن ضيعت بينهم
عموما انا ابي اسافر دبي وابي مطاعم اسوقه شعبيه او اماكن يستحق اني ازورها والشي اللي ماقدر اطوفه
المهم ابي استانس ابي احد يسويلي جدول لسفرتي

وابي فندق رخيص ويستاهل اني اسكن فيه يعني 500 درهم وتحت سواءا شقق فندقيه ولا فندق فندق

ناطركم

مواضيع عشوائيه ممكن تكون تعجبك اخترناها لك:

• كم استفسار عن دبي والشارقة لاني رايح غدا ان شاء الله
• العنوان داون تاون او العنوان برج دبي؟
• فنادق قريبة من مطار أبوظبي؟؟
• ما هو افضل مطعم للعوائل؟؟
• سؤال هام وعام للمترددين كثيراً على دبي
• دبي أفضل مدينة للمهرجانات والفعاليات في
• كورنيش رأس الخيمة زاوية جميلة
• سؤال عاجل عن فندق جروفنور هاوس دبي
• اخوكم ولدالكويت يبي طلب احتاار فيه ممكن
• هل يوجد تخفيض ع الشنط الماركات ؟
• بعض الاستفسارات عن دبي من حيث الفنادق والاماكن السياحيه ؟
• فندق المنزل هل سعره مناسب حاليا
• بتروح لدبي بالاجازة وماحصلت حجز تفضل السعر الرائع الرياض دبي ريال فقط
• استفسار عن الفنادق اللي عند الممشى في الجميرا
• استفسار عن سعر الصرف في رمضان ؟؟
• قريباً أغورا مول في الجميرا دبي
• ممكن موقع فندق وشقق التماني
• سينما دبي مول؟؟؟
• ماحصلنا سكن بدبي ويش السالفة؟
• حجزت للإمارات ومحتار بين راديسون ميلينيوم محتار

بالنسبة للفندق .. شوف موقع booking.com
فيه اسعار حلوة

بالسنبه للاسواق الشعبيه ..

1. سوق نايف واللي بتحصل فيه مركز المنال .. الكويتي ..
هالسوق شعبي ويباله مكاسر بتحصل فيه الخراوشين يعني منوع

2. الدراغون مول
طبعا غني عن التعريف وكل شي فيه

3. سوق عكاظ
تخصص جلاليب نسائيه +شيل عبي + عطورات

4. سوق مرشد
فيه واااااااااايد شغلات .. صحون حق البيوت + الالكترونيات+السوع يعني .. إلخ

5. سوق الجمعه
بس ما ادري احس به يوم عالمي لتجمع الهنود والبتان والفلبينووز هو مكان في مركز الحمريه المركزي
يسونه كل جمعه بس

بالنسبه لمحلات العود والدخون في رايي الشخصي :-
محل " احمد المغربي " في مركز بن سوقات سنتر .. ومركز الغزال
العود ملكي .. جوووووووووووووووونااااااان .. ريحته واايد خنينه وراقيه .. ناخذ عنه 4 او 5 تول ب 250 درهم

وبالنسبه للعطور الاجنبيه الممممتاااااااازه "الاصليه "
سير منطقة السطوه محل ماي للعطور .. عطورهم ما عليها كلام ع الاقل ارخص شويه عن "هارفي نيكلز " ودبنهامز خص اذا ابي اشتري كميات .. وماشاءلله عندي كمن عطر ماخذته من هناك لا تغيرت الريحه ولا تغير لونهن ..

وطبعا لا تنسى عطور Dubai Duty Free
اشوى اني احصل خصم اهناك 10% ^___^ بس فيه عندهم اشيا حلييوه وممتازه للمسافرين مثل هالعطور الصغنوونه اللي المدام تقدر تحطهن في الشنطه وياها وتنفع صوغ بعد ..

يعطيج العافيه اخت مها بس يقولون تاريخ 19 - 23 فيه معرض جيتكس والفنادق بتكون غاليه انا الحين تورطت حجزت تذكره وبدور فندق كله غالي :\

هل صحيح الخبر ولا لا ؟

الله يعينكم..

جايتكس مب شرات باقي المعارض

شي اكيد بتكون الاسعار غاليه ...والشوارع.. عفانا الله ..شي فظييييييع من الزحمه

بس مثل ما قال اخويه The watcher دور ع النت

والسموحه انا ما عندي خبره كبيره في سواليف حجوزات الفنادق ..

بس ما شااءلله شوف تقارير The watcher

اليازي

مزووون

فهد

باقي الخوات والاخوان ما قصروا .. قريت كمن تقرير عن فنادق نظيفه و رخيصه ..

بالتوفيق ان شاءالله

انا حجزت تذكره ولقيتلي فندق نظيف وحلو
بس بصراحه تحبطت تقولون زحمه الشوارع عشان المعارض والله لو ادري جان أجلتها بس ماعليه مثل مايقولون حشر مع الناس عيد

يا ريال اعقلها و توكل

و حياك الرحمن .. وجان عن الزحمه .. الله يخليك كل يوم اخس واخس

بس ماشاالله العاالم مطيحين بدبي .. ^___^

مشكوره ماقصرتي يالمها
انا اقول شمعنى يوم كنت انا براس السنه عندكم ماكان غالي جذيه ؟ :\