الموضوع: رحلة العمر برشلونه باريس جنيف زلامسي ميونخ نصايحكم

السلام عليكم ورحمة الله وبركاته

هنا نرتقي في افضل منتدى للمسافرون العرب . لــ نستفيد من بــعض


اذا الله كتب بنسافر تاريخ 2011/7/5 من قروب مكون من 6 شباب
الافكار كثيرة وانا ماستغنى من نصايحكم بشكل عام الكثير مجربين اكثر من رحلة باوربا
وماشاء الله من كثر مو معزمين انا وربعي لسفرت العمر سوينا جمعية ( قاطية ) من 100 دينار من شهر 4 الى شهر 6 تطلع لنا 1800دينار كويتي وهي بتكون فقط للمواصلات مع السكن والاكل .وع فكرة معانا عزبة اكل وقهوة .,

الرحلة وباختصار
نبي نطلع اولا لـ برشلونه وبعدها باريس ومن باريس الى جنيف ومن جنيف الى زلامسي ومن زلامسي الى ميونخ نبي بكل منطقة ليلتين او ثلاث ليال.

الاسئلة اذا تقدر تساعدوني
اولا:يصير نأجر سيارة من برشلونه والتسليم في ميونخ.. وإن وجد تشوف هالشئ من صالحنا ؟
ثانيا :مبلغ 1800دينار كويتي اي مايعادل بالريال السعودي24٬299
وبالدرهم الاماراتي 23٬794 هالمبلغ تعتقدون انه بيكفي تكاليف المواصلات مع السكن والاكل ..؟
ثالثاً : كم كيلو من برشلونه الى باريس ومن باريس الى جنيف ومن جنيف الى زلامسي .؟
اذا في برنامج افضل ويختصر او اقتراح او تعديل نرحب في ارائكم
وبانتظار ردودكم .

مواضيع عشوائيه ممكن تكون تعجبك اخترناها لك:

• ارجو المساعده في جدول السفر ضروري جدا
• السفارة الكزيتية
• استفسار بخصوص شرائح الجوال
• هامبورغ ضروري
• ممكن مساعده
• موضوع تان تان الجديد قريباًبرشلونه نيس باريس وهذه هي مقدمته
• بغيت خدمة منكم وتوجيهاتكم
• موقع يورب بارك
• فرانكفورت
• طلب برنامج لرحله
• فيزا شنقن من المانيا مساعدتكم
• رحلتي لميونيخ وزلامسي وفيينا
• كيف اطلع الفيزا الان ؟؟
• النمساوسويسرا والمانيا
• محتاج مساعدة عاجله جدا
• بغيت مساعدتكم بخصوص بعض الفنادق بميونخ
• مساعده في اهم الاماكن الي تستحق الزيارة
• أحتاج المساعده
• أين أسكن في ميونخ
• قارميش ،، ليلة أو ليلتين ؟

أول شي بالتوفيق ويارب تكون رحلة موفقة وتنبسطون

ثاني شي .. المسافات صراحة مرة بعيدة
المسافة من برشلونه لباريس مرة مرة كبيرة ما اقدر احدد كم لكن اللي بقوله ان وقتكم بيضيع في التنقل بالسيارة وما راح تستمتعون بالمدن اللي مربتوها لأنكم مختارين مدن كل وحدة مليانه تمشيات

رأيي أنا ..
1- تكون الرحلة لأسبانيا فقط ما بين برشلونه ومدريد والجنوب الاسباني الجميل وهناك ايضا مدن في الشمال الاسباني يمدحها الأعضاء انا اللي رحتهم برشلونه ومدريد والجنوب وبصراحة يبغالهم وقت خاصة برشلونه والجنوب

2- باريس وبروكسل وبروج في بلجيكا وممكن جنيف معاهم

2- باريس وستراسبورغ الواقعة بين الحدود الفرنسية الألمانية وبعدين تدخلون على المانيا بادن بادن والبلاك فورست

3- ميونخ والقرى اللي حولها وبعدها النمسا زيلامسي وفيينا وسالزبرغ

في النهاية القرار لكم .. اختاروا الأنسب بس لا تحطون في بالكم انكم تغطون اكبر عدد من المدن على حساب الاستمتاع بالمدينة نفسها

^^
يعطيك العافية ع مرورك هو كلامك عدل المسافة الي راح تذبحنا هي من برشلونه الى باريس واتمنى احد يعرف كم كيلو اذا امكن..
ناطرين اهل الخبرة ينورونا بمعلوماتهم ونصائحهم ...

lمرحبا بالنسبة لي اشوف المدن اللي اخترتوها بعيده عن بعض ومشتته وبتكون المسافات صعبة عليكم
يعني اذا قلنا اجازتكم اسبوعين بتمرون خمس مدن بخمس دول وهذي صعبة بهالمدة هذا غير شركة السيارة ممكن تزود عليكم بالكيلوات الكبيره بين هالمدن

بالنسبة للتكاليف لـ 6 اشخاص لمدة اسبوعين رح تكفيكم 25 الف ريال للسيارة والسكن بس بشرط يكون الحجز بالنت والسكن يكون بعيد عن السنتر في المدن حتى تقل التكلفه

بالنسبة للمسافات تقدر تشوفها في جوجل ماب

http://maps.google.com/

من برشلونه الى باريس 1000 كلم بالسياره اشوفها صعبه وحتى بالقطار اذا تبغون طيران

من باريس الى جنيف 541 كلم بالقطار ممكنه

من جنيف الى زيلامسي 700 كلم طويله جدا


مخططك صعب جدا ومتعب والمده عندك ليلتين الى ثلاثه بكل مدينه غلط اكبر

ممكن تختار مخطط يضم المانيا والنمسا او المانيا وسويسرا او سويسرا وفرانسا او سويسرا وايطاليا

هذا رايي

^^
كلامج حلو ومشكورة حيل على الكيلو مترات

طيب برايج المبلغ يكفي اذا افترضنا اننا من برشلونه بنطلع باريس وم باريس بقطار الى جنيف ومن جنيف الى زلامسي بقطار تتوقعين بيكفينا هالمبلغ

http://www.arabtravelersforum.com/user310026/

عدل كلامك بنشوف راي الاعضاء والله يكتب الي فيه خيره

المشكلة انا العموم معزم بخط الرحلة للعمر يبي يتذكرونها

و احنا ثلاث اشخاص انا مع اهلي التكلفه 1480 دينار كويتي




موفقين خير انشالله

^^

يعطيك العافية رحلة حلوة

ننطر ردود اعضائنا المتميزين