الموضوع: اسئلة اتمني تجاوبوني ،

بسم الله الرحمن الرحيم



ان شاء الله اذا الله كتب لي ناوية اروح لي ايطاليا شهر نوفمبر فياريت ستاعدوني في ترتيب الجدول وحابة اضيف مدينه من دولة ثانيه اقدر اروح لها ..،



فينيسيا (3) ليالي -يوم لزيارة فلورنسا وبيزا والرجوع نفس اليوم .

ميلان (5)

-زيارة كومو

-زيارة لوقانو

-زيارة فيرونا

كلهم الرجوع في نفس اليوم ..،



حابة اسأل عن سيرموني ايش هي ؟كيف اوصل لها وين اضيفها ؟

ودي اضيف مدينه ثانية تكون قريبة من دولة ثانيه اذا في امكانية ..,



بالنسبة لفينيسيا وين تنصحوني بالسكن هل اسكن في mestre venice افضل ؟



ويعطيكم الله الف عافية ..،

مواضيع عشوائيه ممكن تكون تعجبك اخترناها لك:

• سكن في فلورنسا جزاكم الله خير
• ابي منكم برنامج سياحي مع التكاليف
• ايطاليا شهر ابريل
• فندق رخيص في ميلانو
• متورط ابي جدول مميز
• استفسار عن الشنغن ارجو الدخول ضروري
• تخطيط لشهر عسل في ايطاليا
• الاستمتاع برحله سياحيه الى شمال ايطاليا
• استفسار عن فندق في ميلان و كومو
• احتاج معلومات عن برج بيزا
• لو سمحتو ابي مساعدتكم بالعروض
• تكفوووووووووووون ياخبرآء ايطاليا فزعتكم
• وضع النقاب في ايطاليا
• مشاهدة مباراة مصر في روما
• الوجه روما والفيزه شنجن فرنسية
• ايطاليا فينيسيا أو لزيز ؟؟؟
• شو تنصحوني
• رحلتي الثلجيه على الحدود الايطاليه السويسريه تقرير مصور
• استفسار خصوصه الخطوط الايطاليه
• استشارة لخبراء ايطاليا مشكورين

ياريت لوتجاوبوبي لاني راح احجز ماباقي وقت

فلورانس وبيزا الافضل زيارتهم من ميلان



وفيرونا وسيرموني ممكن تزورونهم من البندقية



والسكن في mestre venice مناسب وارخص من البندقية



بالنسبة لسيرموني فهي قرية صغيرة وجميلة على شكل جزيرة وممكن تلفها كلها في ساعه واحدة

وهي قريبة من فيرونا حوالي 30 كم



بالنسبة لاضافة مدينة في دولة ثانية يعتمد على مطار المغادرة ومن وين بيكون وايضا على عدد الايام اللي بتقضونها فيها

ولو تريد رأيي اسكن في فلورانس يومين او 3 بدل زيارتها على السريع



والجدول يكون 3 ايام البندقية

يومين او 3 فلورانس 4 ايام ميلان



وبالتوفيق

مرحبا اختي

اشكر اخوي مقدام ماقصر وبيض الله وجهه


بالنسبه لتخطيط سفرتج


اولا بالنسبه للسكن في فينيسيا
المدينه الي ناويه تروحين لها السكن فيها رخيص نوعا ما بس المنطقه هاديه مافيها فعاليات
لو تسكنين في سان ماركو افضل اذا انتي كنتي من محبي الزحمه وكل شي يكون قريب منج




فيرونا وسيرموني اطلعي لها من فينيسيا
اما فلورانسا وبيزا من ميلانو


بالنسبه للذهاب من فينيس الى فيرونا
بالقطار 58 دقيقه وبالسياره 2 الاربع
ومن فيرونا الى سيرموني 19 دقيقه بالقطار فقط
وبالسياره من وسط فيرونا الى سيرموني 40 دقيقه تقريبا 40 كيلو


يعني الافضل اذا بتزورين فيرونا تروحين بنفس الوقت الى سيرموني
يعني لاتخلين سيرموني لها يوم لحالها
لان لو بتروحين لها بيوم لحالها لازم تطلعين من فينيسيا وتمرين على فيرونا مره ثانيه وبعدها تكون سيرموني
ممكن الخارطه توضح الاماكن لج اكثر




http://www.gulfup.com/?sjy30F




سيرموني شبه جزيره كما في الصوره






http://www.gulfup.com/?BCRBvV




يعني ممكن تضيفينها من فينيسيا في نفس يوم الزياره الى فيرونا




وايضا بالنسبه حق لوغانو و كومو نفس القصه
من تطلعين من ميلانو تروحين كومو
وعلى نفس الخط تجي لوغانو بعد كومو
كما بالتوضيح بالصوره
الخط البنفسجي هو المسار من ميلانو الى لوغانو
بتلاحظين الخط يمر صوب كومو وبعدها يروح صوب لوغانو


http://www.gulfup.com/?GzHLdJ




بالنسبه لمدينه قريبه لدوله ثانيه اقرب المدن لج هي مدن الجنوب السويسري
وانتي بتروحين وحده منها وهي لوغانو السويسريه


ممكن تشوفين وتقررين وبعدها نكمل الباقي


بالتوفيق

مشكورين وماقصرتو خاصة اخوي
http://www.arabtravelersforum.com/user596200/كفيت ووفيت تسلم

العفو اختي حاضرين الله يسلمج

اذا لكم خاطر تزورون مدينه نيس ومدينه كان في الجنوب الفرنسي
بالسياره تقريبا 3 ساعات ونص
اذا عندكم مجال تباتون ليله لو ليلتين في وحده منهم


مجرد اقتراح وشوفو الي يناسبكم