الموضوع: فندق رخيص في ميلانو

السلام عليكم

ان شاء الله رايح مباراه ميلان و برشلونه في شهر نوفمبر القادم لكن احب اخلص شغلي مبكر علشان اتطمن .. خصوصا الفندق و تذكره المباراه ..

حاليا انا في حيره باختيار الفندق .. طبعا ماودي اصرف كثير على الفندق لاني غالبا ماراح اكون فيه الا وقت النوم طبعا

ياريت لو تنصحوني بفندق جيد و سعره جيد .. بجلس اربع ليالي

الاهم من هذا هل اختار فندق بالدومو ؟ ام اختار فندق غريب من الملعب .. ياريت ماتروحو على ٤ - ٥ نجوم .. ٣ نجوم بيكون ممتاز .. انا شاب و مو محتاج اكثر من ٣ نجوم

ياريت تعطوني اكثر من اقتراح مو اقتراح واحد

.. سؤالي الثاني, كيف اروح للاوت لت المشهور الي يبعد ساعه عن ميلانو .. اين اجد المكتب (حجز تذكره للباص) ؟

مواضيع عشوائيه ممكن تكون تعجبك اخترناها لك:

• شنو الاونس
• استفسار بخصوص التأشيرة ارجوا الرد للضرورة
• ايطاليـــــا و أسبانيــــامحتاجه مساعدتكم ضروووري بلييز لا تخذلوني
• ساعدوني
• تاريخ البيتزا في نابولي
• كيف اوصل لريتشوني؟
• يا اهل الخبر ممكن مساعده واستنفسار
• شهر العسل في ايطاليا فينس فلورنس روما
• استفساار تذاكر وسكن
• شهر عسل في اوروبا
• احتاج مساعدتكم و خبرتكم
• أفضل برنامج سياحي في ميلانو والمدن المجاوره 4 أيام
• تعاونوا معي في مخططي
• ممكن اسماء فنادق نجوم فيه روما وفينيسيا ؟
• شهر عسل في إيطاليا
• الى مشرفينا الاعزاء لاتبخلون علي بردكم
• ساعدوني ايش اسم المعكرونه هذي وخاصه الزعيمه
• شكر وتقدير لبوابة ايطاليا استشارة سياحية
• بعض الاستفسارات لزيارتي الاولى لروما
• لمحات ايطاليه

هلا كريموه اهم شي عساك ميلاني ؟ لاني انا بكون هناك ان شاءالله ، الى الان ماقصيت تذاكرك ؟ ترا اذا تاخرت بترتفع عليك الاسعار ، بعدين وانا اخوك لاتسكن بالدوامو لان الاسعار هناك غاليه خلك بعيد واهم شي مترو حولك وانت شباب الله يخلي المشي ، في فندق يعجبني نظيف وحولك محطة مترو اسمه Windsor واذا بغيت توصل للسان سيرو اركب الريبابليكا الاصفر وعلى الدوامو عشان تغير اللاين حق المترو وبعدين امشي بالمترو الين محطة اسمها Lotto feira 2 انزل عندها ، بعدين بتمشي مسافه يمكن نص كيلو تلاقي الملعب على يسارك . الشركة اللي توديك لمجمع الاوت ليت سيرفاللي بمحطة بتمر عليها وانت رايح للملعب اسم المحطة كايرولي اول ماتطلح من المحطة بتلاقي الشركة يسارك اسمها Zani . نشوفك بالملعب ان شاءالله

ممكن اعرف حجزت التذاكر من انه موقع و بكام؟

لا والله فواز ما حجزت تذكره المباراه .. تنصحني بموقع اسعاره طيبه ؟

مشكوور كل شي كتبته خدمني حرفيا .. وطبعا ميلاني

شباب محتاج بعد نصائح على الفنادق

في فندق اسمه the rio قرييييب من الدومو وسعره جيد !! رايكم فيه

مرحبا اخوي
الفندق اللي كاتبه جداا سئ من اراء الناس اللي سكنت فيه وسعره ايضا مو رخيص
حبيت فيدك بفندق رائع سكنت فيه قبل 3 اسابيع في ميلان
هو قريب من محطة القطارات الرئيسية جدااااااا يعني فقط تمشي 5 دقائق وكمان جنبه محطة مترو فقط دقيقتين مشي وتحته مطعم ايطالي رائع جدااا يقدم فيه شايب ايطالي حبوووب وكمان امامه كافي حلو
يمكن تروح للدومو مشي 10 دقايق بس صراحه ماجربت الله يخلي المترو محطتين وانت في الدومو مباشر بدون تفيير خط ولا شئ يعني الدعوه دقيقتين وانت في الدومو
وصراحه كان من اجمل الفنادق خلال رحلتي
رغم ان صوره في البوكينج كانت مش ولابد.۔ لكن الصراحه الواقع كان احسن بكثيررررررر
فطورهم كمان كان مررره حلو
وعموما الفندق مريح
العيب الوحيد النت كان ب 3 يورو بالساعه او 5 ساعات ب 10 يورو
وهذا موقع الفندق ع البوكينج.۔ اتمنى يعجبك
http://www.booking.com/hotel/it/hote...ml?aid=1329869