سان لورينزو هذا إسم الفندق لو إسم المنطقة ؟؟
لأني بحثت عنه في قوقل و طلع إسم فندق في روما
لو هو فندق فهو مقابل محطة القطارات الرئيسية بروما تيرميني

و طبعا راح يكون المكان بوسط روما

بالنسبة للأسواق هذي أسماء شوارع التسوق
Via Condotti هذا إلي نهايته تكون الساحة الإسبانية و بصراحة أحس هالشارع يكفي لأنه فيه أكثر من 100 محل ماركات عالمية و إيطالية
عندك via nazionali شارع فيه محلات و مطاعم و نهايته فيه محل صغير يديره صيني يبيع فيه تذكارات لمدينة روما و هو الأرخص مقارنه بالمحلات و الأكشاك المنتشرة بروما, و نصيحة لا تشترون التذكارات من الأكشاك إلي عند الأماكن السياحية لأن راح تكون سعرها 5 أضعاف

3 أيام بروما كافية جداً و أعرفي أن جميع معالم روما تروحي لها مشي لقربها من بعض
فينيسيا بالقطار تاخذ معاك 3 ساعات و لكن تستاهل العنوة و يناسبها ليلتين و أهم شي تركبوا الجندولا
ميلان لو حابة تتسوقين أجلسي فيها يومين يوم للدومو و الأسواق إلي حواليها و يوم تروحين للأوت لت

باريس في هالوقت جوها مثل روما تقريباً

الفندق إلي جربته بروما هو Hotel Artemide
4 نجوم ممتاز جداً و يقع على شارع التسوق Via Nazionale و هو شارع فيه حركة طول اليوم و آمن و قريب من محطة المترو repubblica و كذلك يبعد عن محطة القطار الرئيسية مسافة 10 دقائق مشي
الفندق آمن و الموظفين بشوشين و ساعدوني في زيارتي للأماكن السياحية بروما
حصل على تقييم ممتاز في موقع بوكينج
الفطور روعة مجاناً و في الدور الخامس مطعم من أحلى مطاعم روما

أنصحك تقرآين أكثر و أكثر في مواضيع المنتدى و أي إستفسار إن شاء الله ماحد راح يقصر معك

مواضيع عشوائيه ممكن تكون تعجبك اخترناها لك: