الموضوع: لمن لديه استفسار عن مدينة بالمرستون نورث

السلام عليكم

ابدخل بالموضوع بدون مقدمات

انا لي شهر واصل بالمرستون نورث

ومثل ما استفدت من هذا المنتدى جا الوقت الي افيدكم بقدر الي معي

اي شخص يبغى يسال عن هذي المدينه يسدح سؤاله هنا

لكن ابكتب شيء بسيط عن هذي المدينه

مدينه سكانه 75000 تقريبا يقل او يكثر
مدينه دراسيه بكل ما تعنيه الكلمه
مدينه قليل الترفيه او يندر بمعنا اصح وعشان كذا بس تكون قاعد في بيتك وعشان كذا سميته مدينه دراسيه مالك الا المراجعه
يوجد فيها جامعة ماسي
يوجد معهد ماسي للغة الانجليزية ومعهد ثاني فقط
الاجواء ما فيها حر جامد ولا برد جامد
يوجد فيها سعوديين ونادي الطلاب السعوديين

وانا حاضر للاستفسارات

مواضيع عشوائيه ممكن تكون تعجبك اخترناها لك:

• مواقع يمكن تفيدكم يا نيوزلندين
• سلبيات و إيجابيات اخواننا المسافرون إلى نيوزيلندا ؟
• الكريدت كارد والحجز
• من لديهاي معلومه ولو بسيط عن او
• لسه جاي من نيوزلندا
• في أرض الكيوي
• تحملوا ثقل السؤال
• النظام الجديد للي ناوي يدرس على حسابه الخاص
• هام لكل من زار
• نــــيــوزيـلانـداوركـبة زوجتيوش اسوي ياربي
• إستفسار ضروري
• وظائف من البنك الأهلي التجاري للطلاب السعوديين في نيوزيلندا
• استفسار عن فيزا السياحه والدراسه
• خُبـراء اوكلاند
• افدنا بمعلومات الجامعة التي ترغبها
• لنبارك لمشرفنا الغالي المايسترو
• كم كيلوالمسموح ؟؟
• العيش في نيوزلندادخلوا الله يهديكم
• سأسافر لأوكلاند مالذي أحتاج أن آخذه من السعودية غير الملابس والكمبيوتر
• مشورتكم في معهد

وعليكم السلام ورحمة الله وبركاتة

الحمد لله على السلامة , وما تقصر وهذا العشم فيك ,,

وأن شاء الله الأخوان يسدحون أسئلتهم وأنت تسدحلهم الأجوبه والله يعطيك العافيه ..

أخي الكريم طالب نيوزيلندي


اشكرك على عرضك لمساعدة اخوانك الدارسين في تلك المدينة











تمنياتي لك بالتوفيق

هلابك اخوي مع تمنياتي لك بالتوفيق
بس عندي كم سؤال اتمنى تتحملني وتجاوب على اسئلتي

1- اود ان تشرح لي كيف اتخذت القرار الي نيوزلند ولماذا ( شرح بالتفصيل من البداية وحتي تاريخه)
2- هل درسة في معهد قبل السفر وكم المدة وكيف مستواك في الأنجليزي
3- بعد مرور شهر اهل استفدت وتحس انك افضل من قبل وبنسبة كم استفدت في مدة الشهر
4- الخطوط اللي حجزت عليها وخط سيرها وعيوبها ومميزاتها ومدة الرحة
5- كيف اتخترت العائله وكيف تعاملهم معك
6 - المعهد هل اتخترت من السعوديه ام عن طريق مكتب هو اللي اختاره لك
7- تكلفة السفره من السعودية بمافيها المعهد والعائله والتذكرة والمصروف اليومي
8- كيف طرق تدريسهم زي عندنا يعني يشرح لكم قرمر وهل المدرسين يعرفون عربي
9- ماهي الصعوبات التي واجهتك من السعودية حتى تاريخه

اسف على الأطاله مع تمنياتي لك التوفيق مره اخرى

اخوي Ribery و كالوريس

اشكركم على الرد وهذا اقل ما اقدمه لهذا المنتدى

اخوي $الصقري$

ما فيه لا تعب ولا شي

وابكتب الاجابات على حسب ترتيب الاساله

1- اول شي كنت مخطط على بريطانيا وتراجعت لغلائها الفاحش وكثرة العرب فيها
بعدين فكرت في امريكا وتراجعت باللحظه الاخير والسبب لاني سعودي واعتقد انك فهمت السبب
اخترت نيوزيلندا لقلة العرب فيها بالنسبة لدول الدراسة الثانيه ولطيبة شعبها وحبه للثقافات الثانيه
ونضام شعبه لكم دينكم ولي دين فهذي راحه نفسيه بحد ذاتها ولجمال المنطقه وما تحتويه من طبيعه

2- نعم درست 5 شهور تقريبا بالسعوديه ومستواي باللغه كان يمشين يعني اذا معرفت شي وابغا اسال عنه اقدر اشرحه وتفهمه وايضا اذا مافهمت شي من المتكلم ويشرحه لي افهمه
بس عموما كان معي لغه بس بسيطه
وانصحك انك تدرس لغه لمدةلا تقل عن 4 شهور بالسعوديه بعدين تسافر

3- الا الان ما تغير شي في مستواي الا بسيط بنسبة 5% تقريبا وزيادة المفردات

4- الخطوط السنغفوريه وخط سيرها
الرياض - دبي - سنغفورا - اوكلاند - بالمرستون نورث
الاقلاع بالطيران السنغفوري من الرياض
الرياض -دبي (ساعتين بالجو)
دبي - سنغفورا (9 ساعات تقريبا بالجو)
سنغفورا - اوكلاند (11 ساعه تقريبا بالجو)
اوكلاند - بالمرستون نورث ( ساعه وربع بالجو )
- ترانزيت ساعتين في دبي داخل الطياره
- ترانزيت 10 ساعات في سنغفورا
- ترانزيت 4 ساعات في اوكلاند
الخطوط جيده بكل ما تعنيه الكلمه

5- العائله المعهد يختاره لك لكن انت ترسل شروطك للعائله من السعوديه مثل عدم وجود حيوانات وجود اولاد
والتعامل يختلف من عائله الى اخرى لكن عموما العوائل النيوزلنديه معاملتهم كانك ولد لهم الا ما ندر

6- التذكره تختلف الاسعار من وقت لاخر لكن تذكره ذهاب فقط تكلف تقريبا 5000 ريال قد تقل وقد تكون اكثر والمعهد ما اعرف الصراحه والمصروف اليومي يختلف من شخص الى اخر ولا اقدر اجاوبك لكن اتوقع 15-20 دولار باليوم تكفي والسكن 210 دولار بالاسبوع

7- التدريس هنا يدرسون كل شي قواعد وكتابه وقراءه ومحادثه والمدرسين ما يعروفون عربي نهائيا

8- الحمد لله والمنه ما اذكر واجهتني صعوبات الا في اوكلاند عشان اقص البوردنق من اوكلاند الى بالمرستون نورث لان كان الطيران الداخلي له صاله خاصه منفصله عن الدوليه وانا ما سالت الا بالنهايه ونظام البوردنق كان يختلف كان اخدم نفسك الا اذا طلبت مساعده وانا ما عرفت عن هذا النظام الا بالاخير يوم سالت ايضا ولا اعتبرها صعوبه لاني ما اسالت من بدري

ارجوا اني وصلتلك المعلومات وانا حاضر لاي سؤال

اخوي طالب نيوزلاندي اشكرك على كل العلومات الي افدتنا فيها بس بقى شي واحد ولا عليك امر بالنسبه حق اسعار المعهد كم بالسبوع تقريبا

اخوي احمد اسعار المعهد ما اعرف بالاسبوع لاني عندي سعر 9 شهور دراسه تقريبا 13000 دولار

ومن ناحية المدينة سكانه اصولهم اوربيه ويوجد فيها الماوريين لكنهم قليلين
معهد جامعة ماسي بعيد عن السكن الي انا فيه لازم اركب باصين كل يوم بالروحه والرجعه
لكن فيه ميزه لطلاب معهد ماسي الباصات ببلاش حتى في الويكند
واقرب مطار دولي في ولينقتون تبعد ساعه ونصف تقريبا بالسياره

هذا موقع المدينه
http://palmerstonnorth.com/

وهذا رابط المعهد في موقع جامعة ماسي
http://international.massey.ac.nz/ma...guage_home.cfm

هذا العشـم والله ,,

نعـم خيـر النـاس أنفعهـم للنـاس ...

بارك الله فيـك وجـزاك على ماتقدمت به كل خيـر ..


وبإذن الله كله بموازيين حسناتك ..


كل الشكـر عزيزي ..

والله اخوي ماقصرت يعطيك الف الف عافيه ومشكور صراحه حببتني في المدينه ذي

طيب لو حبيت احجز التذكلاه على مطار اوكلاند ولا مطار كرستيش من الاقرب

وفيه شي ثاني بعد يالغالي معليش ازعجتك لو تقدر تجيبلي اسعارهم بالنسبه حق 7 اسابيع الاسبوع الواحد كم يطلع مع
السكن عند العايله بالدولار النيوزلاندي إذا ما عليك امر يالذيب وشكرا

اوكلاند اقرب لبالمرستون نورث خل دخولك لنيوزيلندا في اوكلاند ومن اوكلاند لبالمرستون نورث
وراح اسال الشباب عن اسعارهم حق الاسبوع لان الان في اجازه ولا فيه دوام فما اقدر اجيبلك سعر 7 اسابيع
بس ان شاء الله القى سعرهم حق الاسبوع
ومن ناحية العائله رسوم البحث 150 دولار زائد 300 دولار تامين ترد لك عند خروجك من العائله او خروجك من المعهد لكن الاكيد ترد لك في النهايه
لكن ما ادي هل اذا كنت راح تدرس مده قصيره ياخذون منك هذا الاتامين او لا
وعندك فرصه وحده لتغيير العائله
واردلك ان شاء الله

يعطيك الف عافيه يالغالي
انا حصلت تذكره على الكاثي بسيفيك من مطار البحرين - هونكونك - اوكلاند في شهر 10 ميلادي يوم 7 قيمه التذكره 502 دينار بحريني بالريال تطلع 5020 ريال هذا على الانترنت طيب من اكلاند إلى بلمرستن نورث كم تقريبا وهل احجز من هنا ولا إذا وصلت اوكلاند وكم تبعد تقريبا عن اوكلاند ومقدرين حسن تعاملك وستجابتك لأ ستفساراتي شكرا مرة اخرى

الله يعطيك العافية اخوي علي المعلومات القيمة والتي افادتي كثير وبالتكيد افادت غير

بس ياليت تفيدني اذا عندك خبر عن ماسمعت عنه في اوكلاند
فيه ناس درسوا في اوكلاند يقولوا فيه هناك عصابه يطلقون عليهم اسم نسيته اهم سلبوا ناس وخاصة الشباب الصغار شوي هل سمعت عنهم نود اذا عنك خبر توضح لنا عن ماذكر طبعاً هذا الكلام قبل سنه تقريباً

لك مني كل الشكر والتقدير

اخوي الصقري الصراحه لي شهر ونصف الان ولا عمري سمعت عن هذي العاصابات الي في اوكلاند يمكن لو تسال الموجيدين في اوكلاند يعطونك العلم الاكيد وهم كثره بالمنتدى
لكن بالنسبه لبالمرستون نورث امان الحمد لله مع عمل الاسباب
يعني لا تمشي لحالك بالليل بعد 11 لان السكرانيين كثار
لكن بالنهار امان الحمد لله

اخوي احمد الطيران الداخلي بنيوزيلندا غالي اذا حجزت متاخر
انا قصيت التذكره من اوكلاند الى بالمرستون نورث قبل الرحله بسبوعين تقريبا وطلعت علي بـ 700 ريال التذكره
لكن بما انك بعد 5 شهور تطلع لك التذكره رخيصه ان شاء الله واحجز من الان من السعوديه
لانك اذا حجزت من هناك اكيد على اقرب رحله تبي تحجز وراح تطلع لك غاليه مره
بس ترا ماني متاكد اذا حجزت من السعوديه بدري تطلع لك رخيصه او لا
لان في نيوزيلندا اذا حجزت بدري تطلع رخيصه احيانا تاصل التذكره 70 دولار من كريست شيرس الى اوكلاند
والمسافه تقريبا ساعه ونصف بالطياره او ساعه وربع الى بالمرستون نورث

وبالتوفيق
واي سؤال انا حاضر

اخوي ...كم تقريبا عدد السعوديين اللي في بالمرستون نورث ،،، وكم عدد المسلمين في المنطقة

وهل فيها مركز اسلامي .

انا اتوقع منك انك ما تعرف عدد السعوديين والمسلمين بالضبط ،،،لكن شئ تقريبي .

وكذلك هل المنطقة تعتبر ريفية

وكم درجة الحرارة العظمى والصغرى...وشكرا

عدد السعوديين تقريبا من 50 الى 80
وفيها مسلمين عددهم معقول
وفيها مركز اسلامي
ودارجة الحراره ما اعرف بالضبط لكن المتوسط تقريبا 5الى3 ونادرا تنزل تحت الصفر على ما سمعت

طيب اخوي طالب نيوزلاند بالنسبه حق مطار اوكلاند نفس المطار الي تطلع منه على بالمرستون نورث
وفيه سؤال ثاني إذا ما عليك امر بالنسبه لو كان نفس المطار ابغى مواقع حق شركات الطيران الداخلي
وفيه شي ثاني بعد مجرد تذكير بالنسبه حق اسعار المعهد لاتنسى يالغالي وشكرا جزيلا

اخوي ايه نعم المطار حق اوكلاند هو الي تطلع منه الى بالمرستون نورث
ومكاتب السياحه السعوديه يقدرون يحجزون لك من اوكلاند الى بالمرستون نورث
ما يحتاج مكاتب نيوزيلنديه
ومن ناحية الاسعار ابشر ان شاء الله تجيك قريب

يعطيك الف الف عافيه وماقصرت يالغالي

اخوي طالب نيوزيلندي
الله يعطيك العافيه اخوي ماقصرت صراحه ومادام انك مطول في نيوزلندا لي اسئله انشاء الله قبل السفر بأذن الله تعالي وان شاء الله انك مراح تبخل علينا ( انت طيب وحنا نستاهل)بس اذا ماعندك مشكله ابي اتواصل معك عن طريق جوال اذا ممك
مع تمنياتي لك بالتوفيق

هذي الساعه المباركه الي اجاوب على استفساراتكم

الله يجزاك خير يالغالي وساعتك ابرك انشالله والله يوفقك انشالله دنيا واخره قل اميل والاخوان القائمين على هذا المنتدى الي سهل على ناس اشياء كثيره

بسألك اخوي طالب نيوزيلندا انا راح اطلع على شهر 10 بالتحديد يوم 5 والرجعه يوم 31/12/2009 اخر يوم بالسنه وعلى حسب ما قريت بالمعاهد اكثرها تسكر عى تاريخ 21/12/2009 لمده 13 يوم هل فيه معاهد ما تسكر في الفتره ذي

والله اليوم ان شاء الله بروح للشباب وبسأل الشباب عن سعر الاسبوع والاجازه ان شاء الله

ok I'm waiting you

اخوي طالب نيوزيلند اكتشفت معهد اسمه etc واسعاره مره حلوه هو موجود في بلمرستون نورث وفي فرع ثاني في ولنغتون بسم ما ادري عن سمعت المعهد ابغاك تسأل عنه إذا ما عليك امر سمعته في التدريس عدد العرب الي فيه على كلامهم في الايميل مو كثير ولا ابي اطول عليك يالغالي بس خبلي خبر المعهد هاذا وشكرا مر اخرى

موقع المعهد
http://www.etc.ac.nz

اسف على التاخير

لكن سالت الشباب عن سعر معهد ماسي ولا فيه احد متاكد
لكن انا ان شاء الله يوم الاثنين الجاي نبدأ ندرس وراح اسأل عن سعرهم

وبالنسبه للمعهد الثاني هو المعهد الثاني الي كتبت عنه في اول الموضوع

اعرف ناس دخلوه عشان هو متفوق على معهد ماسي من ناحية كلاسات اختبار Ieltc
لكن الجنيرار انجليش الشباب يقولون معهد ماسي افضل
واكثر الشباب درسوا الجنيرار في معهد ماسي وقبل الاختبار بكم شهر حلو للمعهد هذا عشان الاختبار

ومن ناحية عدد السعوديين انا اعرف 5 ويمكن فيه زياده

يعني انا ابي نصيحتك يالغالي احجز المعهد ذا لمدة اسبوعين بعدين إذا ما حسيت انه ترتيب احول على معهد ماسي لاني انا عندي معلومات بالانجليزي دارس لمده 8 اشهر في نيهورايزن وعندي المستوى الرابع عندهم وراسلت المعهد ذا يقولون على كلامهم ما عندهم عدد كثير من العرب في الوقت الحالي وشكرا يالغالي على اجاباتك وشكرا

والله ياخوي انا ما جربت هذا المعهد وبنفس الوقت ما راح قولك تعال معهد ماسي

لان كل واحد له وجهت نظر
لان فيه طلاب بماسي يقولون المعهد كويس وفيه طلاب يقولون لا

لكن الي ابي اعرفه كم راح تقعد في نيوزيلندا؟
ان كان اقل من 5 شهور

نصيحتي لك وفر فلوسك لشي اهم

وهذي وجهت نظر

انا يالغالي راح اجلس بالضبط 12 اسبوع دراسه يعني شهرين وثلاث اسابيع والاسبوع الرابع حق التنقلات طيب ليه يالغالي إذا اقل من 5 شهور يعني زي ما قلتلك انا اتكلم انجليزي خفيف واكتب واقرى على خفيف وانا الي راسلتهم بنفسي بدون مساعدة احد يعني مستواي يبيله تطوير بس وانا خلال الفترة ذي لغايه نهايه شهر 9 راح اطور نفسي اكثر في القرمر والريدنق والسبيكنق

احس انك حطمتني يلغالي

لاكن شكرا لك على النصيحه انا عارف الفترة الي انا راح اجلس هناك الي هي 12 اسبوع ما تكفي حق الي ميح في الانجليزي لاكن انا زي ما قلتلك

اخوي انا قلتلك من تجربتي ومن ناس مجربين

انا يا اخوي احمد جاي ومعي انجليزي دارس في احد اقوى الجامعات بالمملكة اقدر اتكلم واقدر اكتب واعرف كثير من القرمر
وانا لي بنيوزيلندا تقريبا شهر و3 اسابيع ولا تغير شي من مستواي باللغه فقط زادت المفردات
وفيه شباب هنا اتفقوا ان اول 3 شهور ما راح تحس ان فيه اي تغير وبعد الثلاث شهور الاولى تبدا تتغير وبشكل سريع

وصدقني ان الشهر يروح بغمضة عين

وانا ما ابي احطمك لا والله بس ما ابيلك الخساراه او استفادتك ما تسوى الي خسرته

واسال ناس بالمنتدى يفيدونك اكثر بالنقطه هذي

والله يالغالي انا بدون ما أسئل احد انا واثق في كلامك ثقه عمياء جدا جدا جدا لانك اخ عزيز وغالي والله يعلم الله ودي اتعرف عليك من اسلوبك الحلو باين عليك طيب وحبوب وتحب الخير للناس زي ما تحبه لنفسك لاكن انا يالغالي فيني شغف تعلم اللغه ذي ورتبت اموري في العمل بأجازه بدون راتب فترت ثلاث اشهر
والشركة وافقو وانا ما صدقة انهم وافقو وتعرف الواحد لما يكون عنده إراده قويه راح يصنع المستحيل بالاراده ولو جلست في السعوديه على الوضيفه الي انا فيها بتعب في حياتي طول عمري لان الوضايف الحين إذا ما تعرف إنجليزي وعندك خبره ولى احلم إلا إذا فيه واسطه هذا شي ثاني وانا بيني وبينك بكمل الجامعه انا عندي دبلوم كليه تقنيه وبكمل بكلريوس في إحدى الجامعات الي عندنا انشالله إلا إذا خففو شروط الابتعاث لحملة الدبلوم ربعنا وزي ما قلتلك يالغالي هاذي القصه
ودعواتك لي بالتوفيق
واشكرك شكر جزيل جدا جدا جدا

اجل ياخوي احمد ما اقول الى الله يوفقك

ومدام الموضوع كذا ابكون معك صريح لاني ابيلك الخير

معهد ماسي مارح تستفيد منه الا اذا كان فترة جلوسك بالمعهد طويله (وجهة نظر)

حتى انا اليوم كنت مرتب موعد مع مديرة مكتب الطلاب الاجانب وقدمت شكوى بخصوص طريقة الدراسه بالمعهد وتناقشنا في هذا الموضوع وطريقة التعليم فيه

و واعدوني بعد الشهرين الجايات راح يكون فيه تغير وتحسين بطريقة التلعيم

وانا ما صبرني عليه الا المدينة لانه جدا ممتازه والمعهد فيه باث واي بعد الجنرال انجليش للي يبي يدخلون الجامعه وهذا على ما سمعت انه ما يوجد باي معهد بنيوزيلندا وهو جدا مفيد للي يبي يدرسون بالجامعه

لكن انا غايتي من السفر هو تعلم اللغه بالمقام الاول وراح افرط بالمدينه هذي والباث واي اذا ما تحسن مستوى المعهد

حتى اثنين من الشباب مالهم الا اسبوع ناقلين منه

وسمعت ان معهد جامعة اوتاقو في دنيدن يعتبر من اقوى المعاهد في نيوزيلندا

وانا ان شاء الله اذا ما تغير الوضع راح انقل هناك ان شاء الله

ونصيحتي لك مدام فترك قصيره لا تتكلم عربي الا بالعباده
بمعنى ترا العربي ما راح يفيدك وخل كل صداقاتك بناس اجانب

كلامك عين العقل انا واحد من ربعي نصحني نصيحه قالي إذا بتروح لا تعرف ولا واحد عربي هو يدرس بكندا إذا تبي تتعلم أنجليزي صح قالها لي بالعباره (اسحب على العرب وكنك ما تشوفهم ) والله يوفقك انشالله وترجع لهلك سالم غانم متعلم اللغه صح

اخوي احمد سعر معهد ماسي بالاسبوع 395 دولار

مشكور يالغالي ويعطيك الف عافيه وما قصرت وما ننحرم منك

السلام عليكم
يا اخ خالد ممكن تساعدني انا ان شاء الله لدية دورة لغة انجليزية لمدة 11 شهر في مدينة بالمرستون نورث
واريد ان تسأل عن دواء اسمه paroxetine 20 mg هل يتم صرفه من الصيدلية بدون وصفه وهل يمكن اخذ كمية معي من السعودية
جزاك الله خير تعمل فيه معروف.