الموضوع: استفسار

المشاركة الأصلية كتبت بواسطة الصحيفه
http://www.arabtravelersforum.com/tr...9/#post2371798

اخواني السلام عليكم ابي استفسر عن


1-القريه المائيه هل البرك غميقه تصلح لل اطفال الي مايعرفون يسبحون

2-الطريق زينه لين القريه

3- يوجد تكاسي توصل الى المكان

4- افضل سكن عائلي في البحرين

5- الكبار ممكن يلعبون في القريه


ارجو الافاده ممن لديه معرفه




اشكر الجميع

مرحبا اخوي واسف على التاخير..

1. القرية .. فيها مكان مخصص للعب الاطفال عبارة عن لعبتين اكبار .. وفيه نهر بردايس يمتد على الجنة كاملة وماهو عميق ابدا .. وايضا فيه البحر او اللي يسمونه امواج وهوا متدرج في العمق .. وممكن الاطفال فيه بس بمراقبة الكبار.

2. حاليا مافيه الا طريق واحد .. وهوا تاخذ الطريق من السيف على طول الشارع لي حد ماتوصل لي جامعة البحرين فرع الصخير .. اخر شارع خليفة بن سلمان على اليمين .. وبعدين تحسب اشاراتين وتاخذ يسار مع الاشارة الثانية وتمشي طوالي راح اتمر على حلبة البحرين الدولية لي حد ماتوصل لي العرين وبعدين تمشي الشارع وهوا راح يوصلك مع العلم فيه لافتات واضحة.

3. فيه تاكاسي توصل للمكان بس الله يعيينك على الحساب افضل تاخذ سيارة اجار لو جاي بالطيارة.

4. افضل سكن عائلي عندك اليت سويت واليت غراند وقصر ريفييرا لانهم بدون خمور وبدون بارات وديسكو.

5. الكبار ممكن يلعبون بالقرية اكيد لانها لكل سن .. فيه مكان مساج مائي وفيه العاب عبارة عن انابيب تنزلك الماي .. وفيه امواج بحرية كانها حقيقة وفيه نهر براديس للاسترخاء... بس شوف الحريم صعب يسبحون حزت وجود الرجال .. لو كانوا متحجبات. الا اذا مايوه اسلامي .. عموما يوم الخميس مخصص للنسا فقط فترة 7 مساء إلى 12 بالليل .


تحياتي