الموضوع: احنا داخلين على شهر رمضان الكريم شاركونا ونصحونا بالبوفيهاوالخيم الرمضانية في البحرين

السلام عليكم يا أهل البحرين الطيبين :24::113:

بما اننا داخلين في شهر الخير شهر رمضان الكريم وان شاء الله ينعاد علينا وعليكم بالخير والطاعة والعافية
وبما اني من عشاق البحرين واستمتع جدا جدا في الاجواء الرمضانية في البحرين ولالالابد من زيارة البحرين في رمضان والافطار في مطاعمهم الحلوة
:106::24:
عاد طلبي منكم انكم تقولون لي ايش أحلا المطاعم والبوفيهات الرمضانية عندكم وبوفيهات الخيم الرمضانية
والاهم مع ذكر السعر:115:

والف صحة وهنا
ورمضان كريم

مواضيع عشوائيه ممكن تكون تعجبك اخترناها لك:

• شكر خاص لمشرف البحرين الغالي
• ارض الـمـعـارض
• أرغب في كرمكم البحريني
• طريق جامعة البحرين ضروري
• حضوري لسباق القدرة للخيول بتشريف جلالة الملك حمد
• جزر الدار
• ياليت ترشدونيـــ يالبى اقلوووبكم
• هل جزيرة حوار تستحق المبيت فيها ليله او حتى الزياره في هذا الشهر ؟؟؟
• اقتراحات بخصوص المطاعم
• كيف تقضي ويكند ناجح في البحرين ؟
• إيقاف السيارة بمطار البحرين
• البحرينيون متشائمون من عيد الفطر ويهربون
• مطعم
• جايتكم يا اهل البحرين ممكن مساعدهــ
• من روائع ضاحيه السيف بوشيدو
• شاليه في البحرين على شاطئ البحر؟؟؟؟
• معلومات عن شاليهات بلاج الجزاير
• بخصوص محمية العرين بارك الله فيكم
• اذا تعرفون شقق راقيه للايجار الطويل في منطقه الجفير و ضاحيه السيف
• لا تزور البحرين

بالاكل احلا شي الخليج والشيراتون والرتز طبعا الاسعار مثل ماتفضلت الاخت بس للامانه ماقد فطرت فيهم نروح لهم غداء

ألف شكر لك مزون البحرين
وعنود البحرين

على الافاتدة
شوفو انا من زمان في رمضان على طول مانحلف الا براس الرتز اللي في ذاك الوقت كان المرديان مستحيل يمر رمضان مانروحة بس بصراحة من صار الرتز وسوى بعض التعديلات من المرديان الي الرتز دبل الاسعار وخلاها لاناااااااااار كنا اول ندخل الشخص ب10دينار او 12دينار بس من صار الرتز تركناه لانة خلا الشخص ب20دينار يعني تخيلي انا زوجي مع الضريبة وهالشغلات ب45دينار هذي قيمة ذبيحة توكلنا طول شهر رمضان مع اهلنا
فعشان كذا بدينا ندور اماكن وخيم ثانية وانسب سعر جربنا الشيراتون حلو كثير بس من مدة سنتين والعام الماضي جربنا الرجنسي ماعجبني واجد لان ما احس عندة اشكال متنوعة ويمكن عندة عدة بوفيهات يعني اللي انا رحتة غير

وياليت الباقي يشاركونا بتجاربهم في البوفيهات والخيم الرمضانية

تحياتي

ماري : ممكن تشتركون ببطاقه عندهم اعتقد الاشتراك السنوي حوالي 300 دينار اذا كنتو وايد تجون البحرين مهب خساره تعطيكم تخفيضات عجيبه على كل شي الغرف والاكل والسبا 50 % اذا شخصين وتقل النسبه اذا زادو عن شخصين وايد فرق بالسعر ترا اذا تدفعون 40 تدفعون 20

الرتز ما في احلى من بفيهه لكن مثل ما تفضلت الاخت ماري سعر البوفيه بالخيمة 20 دينار للشخص واذا حبيت تستخدم بطاقة التخفيض فهي غير مقبولة بالخيمة لكن يصير تاكل بها في بوفيه الفندق الداخلي واذا عندك بطاقة الخصم راح يخصون عليك نصف القيمة.يعني اذا معاك بطاقة الخصم وتبي الخصم اسألهم اولا وين البوفيه الداخلي .واذا حاب تدخل الخيمة فهي ب20 دينار للشخص

الرتز الرتز الرتز فديته والله تحسون انكم بعالم ثاني غير البحرين والخليج

وبعده فندق الخليج

مشكورين أخواني على المشاركة
بس مثل ماقلتو صحيح الرتز خيال بس بصراحة نهاب وبواق مايسوي في شهر واحد تخلص الميزانية كلها والواحد يظل طرار باقي الشهر عشان الرتز لان احنا من النوع اللي مو بس مرة نروح لالا اكثر مرتين ثلاث على حسب في الشهر لان نحس الاجواء في الفطور في البوفيهات الرمضانية وبالاخص في البحرين غير لآن بصراحة البحرين في رمضان لها اجوائها الحلوة
عليكم بالعافية يا اهل البحرين
ونتمنى المزيد من المشاركة والاراء والتجارب من باقي الاعضاء لتعم الفائدة للجميع


تحياتي

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

تحياتي
ونرجو المزيد من الاراء للافادة

هل بوفيه فندق الخليج مناسب للعوائل؟

وكيف نظامهم.. يعني هل لازم اجي قبل الاذاان بساعه ... واختار من البوفيه؟.... وكيف بالنسبة للصلاة؟. ياريت اللي عنده خبره يقول لنا بالتفصيل

شوف اخوي انت اهم شي احجز الطاولة واكل لك تمرة وروح صل اذا سألتهم بيدلونك على مكان تصلي فيه وبعدين كمل
احنا في خيمة الرتز كنا نروح واحنا متوضيين وناكل تمرة على الطاولة بعدين نصلي في مساحة داخل الخيمة عبارة عن مدخل على جنب فكنا نستغله للصلاة ولا احد يزعجك.
ماي الينا : شعورك طيب وحياكم الله في ديرتكم والقلب اوسع من الارض

مشكور اخوي سلمان وبس

كل عام وانت بخير
يعطيكم العافية شباب,اليوم اول يوم فطور ونبي نشوف أحسن مطعم بوفية أفطار في رمضان.
أنا عن نفسي يوم الجمعة بروح وبعطيكم خبر كان ودي اروح الرتز بس السعر غالي.

ياالله عاد شدو حيلكم يا اهل البحرين واللي بيروحون البحرين قريب وعلمونا عن البوفيها واسعارها

عشان نشجع ونروح وبصراحة مانبغي نروح الا وحنا على بينة

كل عام وانتم بالف خيييير

الرتز البوفية سعرة في الوكيند 25 دينار والايام العادية 21 بدون السوفت درنك والشيشة.:108:

واللي يسلمكم جيبو لنا شي غير الرتز الطماع هذا بالذمة بتروح بتفطر انت وعايلتك اثنين او ثلاثة بتدفع أكثر من 600 ريال في يوم واحد وعشان اكل الواحد يشتري لة جمل موخروف بعد يوكل بلد كاملة

شوفو انا من المحبين للبوفيهات بل للعاشقين للبوفيهات وبالاخص الرتز وادمنا علية بس من صار الاسعار عندة مضاعفة لاعاد حدة بس !!!!!

يسلمو
ونرجو المزيد والمزيد

انا غدا السبت بروح لرتز وبعطيكم العلم

مطعم بندروسا ...مقابل فندق الريجنسي...بوفيه افطار محترم ..ب 4 دينار و 200 فلس غير المشاريب

المشاركة الأصلية كتبت بواسطة تركي 99
http://www.arabtravelersforum.com/tr...6/#post2320446

انا غدا السبت بروح لرتز وبعطيكم العلم



انا زرته

وفي الحقيقه غالي كلفني بالريال 640 ريال

غالي
ولكنه رااااااااااااائع

انا احب اروح مطعم الندروزا هذا مطعمي المفضل وهو ممتاز جدا يعطيك اجواء رمضان بالاكل وتقديم اللبن والتمر وإذا جاء وقت الصلاة تقدر تصلي بجنب المطعم يفرشو سجادة للصلاة وسعر المطعم رخيص جدا 42 ريال سعودي فقط

المشاركة الأصلية كتبت بواسطة برواز777
http://www.arabtravelersforum.com/tr...2/#post2323702

انا احب اروح مطعم الندروزا هذا مطعمي المفضل وهو ممتاز جدا يعطيك اجواء رمضان بالاكل وتقديم اللبن والتمر وإذا جاء وقت الصلاة تقدر تصلي بجنب المطعم يفرشو سجادة للصلاة وسعر المطعم رخيص جدا 42 ريال سعودي فقط



كما تفضلت اخى ....البندروزا ...عندهم T تي بون ...ستيك خطير مع البوفيه المفتوح ... واجوءهم الرمضانيه ...لايعلى عليها

مشكورين أخواني على التفاعل
أنا في الايام العادية على طول اروح في بندروزا بس في رمضان احب اغير لان اكلاتة ايطالية على صينية يعني غير البوفيها الرمضانية اللي ابغيها

ويالله يا خوي ياراعي اللي بتروح الرتز بسرررعة من تجي علمنا بكل شي هههه


تحياتي

المشاركة الأصلية كتبت بواسطة تركي 99
http://www.arabtravelersforum.com/tr...1/#post2322961

انا زرته

وفي الحقيقه غالي كلفني بالريال 640 ريال

غالي
ولكنه رااااااااااااائع



انارحت شخصين 640 ولايوجد مكان لصلاه وبعد اذان المغرب
يجي شخص معه عود ويقوم يدندن على راسك
بصراحه
غالي ومستواه عادي"ماعندهم سمبوسه"
[IMG][/IMG]

طيب ايش موجود بالخيم غير الاكل طبعاا ههههههه

يعني السحور والفطور هل في تلفزيونات اغاني يعني ايش النظام اهناك

ماري الينا امس تسحرت فى مطعم بندروسا ....والله محترم واسعاره معقوله ...4 دينار 200 فلس بدون المشاريب ...كل التحايا

مشكورة أو مشكور على المشاركة وعوافي عليكم

ويالله بعد عطونا تجاربكم ماباقي وقت بكرة بروح البحرين

امس جربت بوفيه اليت روزيرت سعر الشخص 8 دنانير بصراحه كان الاكل مررررررره لذيذ ومتنوووع

وينه فيه مطعم بندروسا بالضبط قلتوا عند الريجينسي اللي أعرف أن هاذاك الشارع مقابلك ديري كوين ومن جهة ثانيه مطعم صيني وهندي جنب بوابة البحرين وكنتاكي ومطعم الأسره وينه ولا أنا مضيع ممكن وصف دقيق

السلام عليكم

يعطيكم العافية على المتتدى الرائع ، وعلى هذه البوابة

ابي أسألكم عن مكان فطور ممتاز وجلسته تكون واسعه ،وجو عائلي

وابي أسالكم هل كل الأماكن اللي تقدم فطور رمضان ، موجود فيها شيشة

مثل gulf والدبلوماتوالريجنسي وغيرها

واذا في احد يعرف كم رقم السوفتيل ( دانة البحرين ) ، وهل فيه فطور

شاكرين ومقدرين

أخوكم بوغازي

المشاركة الأصلية كتبت بواسطة ماري ألينا
http://www.arabtravelersforum.com/tr...0/#post2341820

يؤ حتى انا امس رحت اليت روزرت سبا وبصراحة للذيذ ومتنوع وخدمة وراااحة وعجب كثييير الجماعة اللي معاي ومدحو فية وشكراني كثييير على الاختيار اللي اخترتة لهم لاني سمعت واحد في المنتدى يتكلم عنة

بس يؤ يالفارسة يمكن اجل انا شفتك ومادري لاني كنت موجودة هناك هههههه



تحياتي.




ههههههههههههه شكلي عرفتك انتوا كنتوا مجموعه صح رجال ونساء على الطاوله الثانيه انا كنت موجوده بعد صلاه المغرب على طول انا كنت في اول طاوله لما تدخلين من باب الخيمه مع زوجي بس وكنا جالسين من جهه المدخنيين يالله قوليلي الحين انتي في اي جهه جالسه وعلى الاكل بصراحه كان جدا جدا جدا لذيذ حتى زوجي مررره عجبه الاكل والخدمه كل شي كان حلوو المقبلات والمشويات وحتى السويت يؤؤؤؤؤؤ والله ودي اروح هناك مرره ثانيه

ههههههههههههه شكلي عرفتك انتوا كنتوا مجموعه صح رجال ونساء على الطاوله الثانيه انا كنت موجوده بعد صلاه المغرب على طول انا كنت في اول طاوله لما تدخلين من باب الخيمه مع زوجي بس وكنا جالسين من جهه المدخنيين يالله قوليلي الحين انتي في اي جهه جالسه وعلى الاكل بصراحه كان جدا جدا جدا لذيذ حتى زوجي مررره عجبه الاكل والخدمه كل شي كان حلوو المقبلات والمشويات وحتى السويت يؤؤؤؤؤؤ والله ودي اروح هناك مرره ثانيه



ههههههه ياحليلك يافارسة اي حنا الجماعة خسارة ياليت عرفتك من قبل كان تكلمنا مع بعض لان الموجودين قلال تقصدين اللي كنتو جالسن قريب من طاولة الحلا وكنتي توكلين خخخ زوجك يحليلك والله
بس صحيح بصراحة الاكل للذيذ وتشكيلة رائعة وانا وزوجي مساعة قاعدين وتكلم عنة ونقول ودنا نروح مرة ثانية بس ما ادري شكلنا بنزل الخبر اذا عندك بوفية حلو قولي لي عنة

وعذرا على الاطالة والهذرة الزايدة بسرعة منت عليك ههههه

بتحصل الرقم في هذا الرابط مع معظم ارقام الفنادق التي توفر البوفيه


http://www.arabtravelersforum.com/travel222483/

المشاركة الأصلية كتبت بواسطة ماري ألينا
http://www.arabtravelersforum.com/tr...1/#post2342281

ههههههه ياحليلك يافارسة اي حنا الجماعة خسارة ياليت عرفتك من قبل كان تكلمنا مع بعض لان الموجودين قلال تقصدين اللي كنتو جالسن قريب من طاولة الحلا وكنتي توكلين خخخ زوجك يحليلك والله
بس صحيح بصراحة الاكل للذيذ وتشكيلة رائعة وانا وزوجي مساعة قاعدين وتكلم عنة ونقول ودنا نروح مرة ثانية بس ما ادري شكلنا بنزل الخبر اذا عندك بوفية حلو قولي لي عنة

وعذرا على الاطالة والهذرة الزايدة بسرعة منت عليك ههههه





فضحتيني بالعرب المسافررررون ههههههههههههههه اي هذي انا احنا اول طاوله لما تدخلين من باب الخيمه شرايك فيني هههههه بس انتي مين فيهم ممممممممم اتوقعك اللي جالسه بالنص لانه كنتوا 5 منكم كان حرمتين بجهه والثلاث الحريم الثانيين بالجهه الثانيه انتي اللي بالنص هاه صحيح توقعي والا لالالالالالالالالالالا
يالله اذا رحتي مرره ثانيه قوليلي بالنسبه للخبر عندك الهوليدي ان انا مجربته حلوو والله اذا تبين اماكن مميزه عندك مطاعم على البحر اللي عند السنبوك الجديد منها مطعم برازيلي ومطعم لاقونا ايسترن هناك جلسات خياليه موطبيعيه رومانسيييييييييييييييه كثير ويمدحون بوفيه شرفه الخليج انا ماجربته قبل كم يوم دخلت موفنبيك عشان اتقهوى فيه وشفت مكان البوفيه كان جدا جدا حلوووو بس الاكل ماادري عنه والله اتمنى اكون عطيتك اجابات وافيه حبيبتي

حبيبتي ماري الينا انتي وين ساكنه لايكوووووووون بالجبيل اذا بالجبيل حلووو نتعرف على بعض لاني انا من سكان الجبيل الصناعيه

خخخخخخخخ والله صج فضايح اناموالوسطية مومن الثلاث لا انا من الجهة اللي فيها بس ثنتين انا اللي حامل منهم هههه ماقلت لك فضايح وتدرين اكيد افشل لان الحمل يبهدل الوحدة وؤووؤوؤوؤ!!!!
ولا انا مومن الجبيل ولا الدمام انا من الاحساء وان شاء الله تجمعنا الصدفة مرة ثانية يارب

والف الف الف شكر لك حبيبتي فارسة على الافادة وعساك على القوة


تحياتي

اها عرفتك على العموم ياهلا ومرحبا فيييييييييك تولدين بالسلامه حبيبتي ان شاء الله اشرايك بالمطاعم اللي عطيتكياها بالخبر اذا رحتي اي واحد فيهم خبريني اوكييييييي

فاررسه باقي شي ماقلتوه أنتي وأم كرشه اللي معك ههههه تولدين بالسلامه يامارى

وثانياً أنا أبي محل يكون حلو وجلسه رمضانيه بس يكون خيمه ويكون من بعد الساعه 10 مساءً اللي يعرف ياليت يفيدني وأنا بروح بدون العائله بروح لحالي اسعسع

الا انا اعرف كلمه اسعسع يعني ادوج وادور بالشوارع على كيفي هههههههههه اذا تبي خيمه رمضانيه روح لايليت رويزرت بوفيهم كان عباره عن خيمه رمضانيه وادخل موضوع الاخ الاستشهادي كاتب اهم الخيم الرمضانيه بعنوان وشكررررررا

فارسة هلا وغلا

انا العام جربت هوليدي ان بس سحور وماعجبني والاكثر فاااضي كلش تخيلي في البوفية بس انا وزوجي وبنتي والله ماحسينا بتفاعل والمكان هااااادء ويخوف لاني سمحت يمدحونة بس الاكثر على الفطور وماتوقعت بيكون كذا على السحور
وان شاء الله على اسبوع الجاي بروح الخبر وبخبر وين رحت والف الف شكر لك

ضميان حبك






فاررسه باقي شي ماقلتوه أنتي وأم كرشه اللي معك ههههه تولدين بالسلامه يامارى



ههههه ايش قصدك من ام كرشة تتطنز علي هاا

اي مثل ماقالت لك فاررسة فندق اليت ريزورت وسبا اللي جنب النوفتل بالضبط روووعة خيمتهم والاكل اروع
بس تبغي نصيحتي لالالاتروح في الاربعة والخميس والجمعة زحمة وفوضة
وسط الاسبوع هدوووء وراحة وانت وراحت وظروفك

وعذرا على الاطالة

المشاركة الأصلية كتبت بواسطة فاررسه
http://www.arabtravelersforum.com/tr...1/#post2345411

الا انا اعرف كلمه اسعسع يعني ادوج وادور بالشوارع على كيفي هههههههههه اذا تبي خيمه رمضانيه روح لايليت رويزرت بوفيهم كان عباره عن خيمه رمضانيه وادخل موضوع الاخ الاستشهادي كاتب اهم الخيم الرمضانيه بعنوان وشكررررررا





:24: سعساعيه درجه أولى:109:

مشكوره يالغلا علىالأيضاح

ضميان حبك

ههههه ايش قصدك من ام كرشة تتطنز علي هاا

اي مثل ماقالت لك فاررسة فندق اليت ريزورت وسبا اللي جنب النوفتل بالضبط روووعة خيمتهم والاكل اروع
بس تبغي نصيحتي لالالاتروح في الاربعة والخميس والجمعة زحمة وفوضة
وسط الاسبوع هدوووء وراحة وانت وراحت وظروفك

وعذرا على الاطالة[/quote]

:101: أقصد اللي يقدم الطلبات ههه

مشكوره وأكيد بيكون وسط الأسبوع لأني بصراحه كل سنه أول بروح للبحرين برمضان ولا عمري رحت وأن شاء الله أروح لها هالسنه

انا رحت الرتز يوم الاثنين.. صراحه حلو الجو والاتموسفير... ومع انه كان الاثنين الا انه مليان ..يعني مو فاضي ابدا.. بالنسبه للسعر مبالغ فيه شوي... الاكل كان حلو بس مب واااو... الحساب طلع 600 عشان طلبنا دايت كوك وسبرايت..

العام جربت المطعم الايراني في فندق الخليج على الفطور طبعا ..

المكان حلو ،، وكان تقريبا مليان ، ما توقعت ابدا القى ناس تفطر برا، اكثريته عوايل !!

والسعر طيب في حدود 10-12 دينار للشخص .. اذا ما خاب ظني..