الموضوع: اذا تعرفون شقق راقيه للايجار الطويل في منطقه الجفير و ضاحيه السيف

ممكن تلاقي في أمواج بحدود 700

فكرت في امواج لاكن كثير بعيده و انا صراحه ابي اقل من 700 دينار
انا قلت يا الجفير او ضاحيه السيف

مرحبا أخوي،،،

الجفير وضاحية السيف بتكون اسعار الشقق مرتفعه وايد

ممكن مثل ما ذكر الاخ مشرف الفلبين في جزر امواج فيه شقق اسعارها معقوله - وفي في منطقة الحد وفي عراد وبعد هناك شقق في منطقة الرفاع الشرقي اسعارها معقولة يعني بتكون في حدود 250 - 400 دينار

ممكن تكون هذي المناطق بعيده عن تخطيطك ولكن هي مجرد اقتراحات

طيب سمعتو عن ابراج اللؤلؤ ؟ يقولون انه موقعها استراتيجي قبال سيتي سنتر
طيب ماحد يعرف عنها شي و عن اسعار الشقق فيها ؟

ابراج اللؤلؤ بالفعل قريبه من سيتي سنتر ولكن في الوقت الحالي مدخل الابراج غير مناسب حيث يقع خلف مجمع الدانة
والشقق الموجودة فيه للبيع وليس للايجار واسعارها تتراوح فيما بين 76.000 الى 126.000 دينار بحريني وتكون على دفعات شهرية بحسب الاتفاق اللي راح يتم معاهم، وموجود في موقعهم طريقة وتفاصيل الدفع
تلفونهم: 17587575 973+
الفاكس: 17587500 973+

وموقعهم الالكتروني لمعرفة اسعار الشقق واحجامها ومشاهدة صورها هو:
http://www.abrajallulu.com

وبالتوفيق

لا اذا تمليك مابي بس سمعت انه في ناس تأجر شققها طيب هل المكان امن هناك؟
و اذا في ابراج سكنيه راقيه الواحد يأجر فيها بالسيف او الجفير

في بمنطقة الجفير شقق سكنية ممتازة موقع بعضها خلف جامع الفاتح الاسلامي والبعض الآخر بالقرب من مستشفى البحرين التخصصي بنفس المنطقة تلاقي معظم الجامعات الخاصة تأجر شقق هناك حق الدكاترة الموجودين بالجامعة

وفي شقق مستواها ما بين جيد إلى متوسط موجودة في شارع المعرض بالقرب من مطعم جسميز للوجبات السريعة بعد تأجر الجامعات فيها شقق للدكاترة اللي عندهم

ازعجتك اخوي سامحني .. بس ممكن تعطيني اسماء الابراج للشقق اللي تقول عنها ممتازه خلف الفاتح ؟

شدعوه يا خوي إن شاء الله راح ازودك اليوم بإذن الله باسماء بعض الابراج بس لأني كنت خارج البحرين وأمس رجعت ... تحياتي لك

مسامحه يا خوي ما قدرت أروح منطقة الجفير أمس أنشغلت شوي بس لي حد ما اروح هناك راح اعطيك هذي الموقع تقدر تحصل فيه مجموعة من الشقق المفروشة في منطقة الجفير مع الاسعار بس كل اللي مطلوب منك تكتب في الخانة الأولى شقق وراح يطلعلك اقتراح جملة نصها التالي "فنادق وشقق مفروشة وفي الخانة الثانية تكتب الجفير وتضغط على بحث وراح تظهر لك مجموعة من الشقق المفروشة هناك مع بياناتها وارقام الاتصال بهم

فقط لللتصحيح، ابراج اللولو يوجد فيها تأجير للشقق غرفة وصالة أو غرفتين او ثلاث. ومستواها ممتاز وتتفاوت اثاث كل شقة عن الثانية بحسب المالك لأنه هو اللي اثثها ويأجرها. أنا سكنت فيها سنه كاملة قبل الاحداث الاخيرة غرفتين وصالة 800 دينار بالشهر. الحين اعتقد نزلت حوالي 100 دينار. انا زرتها من كم شهر الدخول لها يوجد تفتيش بس عادي الوضع. ميزتها موقعها حلو.
وللتأجير يوجد مكتب فيها بالدور الارضي هو اللي يأجر. بس خلك مفاوض جيد معه .

mahmeed99

مشكوووور على هذه المعلومات

مجهود يستحق الثناء عليه