خاصة أن لون البحر في المنطقة الواقعة حول جُزر أمواج ياخذ اللون الأزرق الفاقع لأن أغلب قيعان المياه هناك متعرضة لدفان الرمال الناعمة ، واحنا بانتظار اكتمال بقية المرافق في أمواج

..

شوي راح أفر الموجة ..

..

من زمان واحنا ودنا باستغلال المناطق البرية في المحافظة الجنوبية ، فعلى الرغم من صغر مساحة البحرين الا انها تحتوي على العديد من التلال المرتفعة والمنحدرات والوديان ، والحمدلله سمعنا خبر منتجع العرين الصحراوي وشفناه على أرض الواقع وهو استغلال تام للمناطق البرية هناك ..

في أحد البحوث الي كنت اسويها لفتت منحدرات الجدار الصخري في منطقة حفيرة ( المرتفعات المقابلة لشجرة الحياة ) ، ترتفع هذي المنحدرات الى عشرات الامتار وتكون حوافها حادة بشدة مما يشكل منظر طبيعي جميل جداً خاصة وقت الغروب كان هالمكان من المكان المفضلة عندي أيام الشتاء ..

الموقع الي راح اتكلم عنه يقع أمام شجرة الحياة ، ويتألف من مجموعة من المنحدرات الصخرية والوديان ، تجري هذي الوديان أيام الأمطار الغزيرة ..

راح أستعرض معاكم بعض صور هذي المنطقة الي حاط عيني عليها ، وراح أوضحها لكم من قوقل ايرث ، لكن قبل كل ذي أتمنى أن يتم استغلال هذي المنطقة في بناء مطعم على قمة المرتفعات يطل مباشرة على السفح الواقع في جهة الغرب ، ومن جهة الشرق يكون وادي هذا المطعم ، أو من الممكن أن تشعب الفكرة إلا منتجع صحراوي صغير ..

علماً أن المنطقة هذي قريبة من شارع الملك حمد الجديد اللي يصلنا بمنتجع درة البحرين ، يعني بالإمكان الوصول إلى هذي المنطقة إما عن طريق الانعطاف يمين جسر رقم 3 على شارع الملك حمد ، أو نأتي من الشمال حيث الشارع الفرعي المؤدي إلى منطقة عوالي ..


المنطقة المذكورة من قوقل ايرث ..







وهذي مجموعة صور خذتها الشتاء الماضي للمنطقة المذكورة ، بصراحة منطقة ولا أروع على الطبيعة وأتمنى من كل قلبي أن يتم استغلالها وعدم اهمالها بهالشكل ..



وهذي صورة الوادي الموجود فوق المنحدرات ، وأخواني هناك العديد من المنحدرات الأشد وتجري منها المياه لما يكون المطر غزيرة على هالاساس نلاحظ انتشار بعض الاعشاب في بطن الوادي .. ونلاحظ في الصورة نفسها من بعيد جبل الدخان الي يبلغ ارتفاعه 134 متر عن سطح البحر ..





الصورة هذي من نفس الموقع ولكن لأطراف المنحدرات ، وتتضح شجرة الحياة في يسار الصورة من فوق ..





أما هالمنظر فنشوفه لما نكون نازلين من على الشارع المنحدر اللي لونه أخضر في الخريطة الي عرضتها فوق ، شرايكم أخواني مو موقع يستحق الاستغلال السياحي ؟؟ اتمنى المعنيين والمسئولين والمستثمرين كذلك يلتفتون لمثل هذي المواقع الطبيعية اللي تحتفظ بها البحرين ..



..

مواضيع عشوائيه ممكن تكون تعجبك اخترناها لك: