الموضوع: رايي الخاص عن كولون ودوسلدورف

السلام عليكم ورحمة الله وبركاته

اخواني واخواتي بما اني توني واصله امس من المانيا وكانت زيارتي من مطار فرانكفورت التعيس..:112:

اول ماوصلنا المطار وعند الجوازات قعد الشرطي فاتح عينه تقريبا ربع ساعه وهو يقلب في جوازي وجواز زوجي..وقاعد يبربر مادري شيقولون عن الفيزه وعقب اسحبونا في غرفه بعيده وانا ايدي على قلبي..وحطو جوازاتنا في مكينه وقعدوا يشوفون الفيزه بالمنظار حتى..وانا قاعده ادعي عليهم..وعقب عطونا جوازاتنا وقالوا خلاص..يعني مادري ليش..المهم رحنا نستلم السيارة من شركة سكست وكان الباركن بعيييييييييييد

وبعدين الله يسلمكم رحنا الى كولون اللي مافي حد مامدحها لنا..وسكنا في فندق انتر كونتننتال كولون..

قعدنا في كولون 7 ايام من ظمنها زرنا دوسلدورف الكئيييييبه من وجهة نظري..وزرنا بلجيكا وهولندا..

بصراااحه كولون ما فيها اماااااان..نشوف السكارا في كل مكان والمحششين في كل زاويه مع كلابهم الله يعزكم..

كل يوم لازم يمسكنا سكران..يانهم يطرووون او يهاوشووون..انا اشوف هالمنطقه مب عالوصف ولا الجمال..:110:

احنا دايما نزور ميونخ..وبصراااحه ميونخ هي شيختهم..

ودوسلدورف اللي ماقعد حد والا مدحها..وشارع الملوك اللي ماشاف الملوك مافيه غيره في دوسلدورف وفيه ناس قالو هالشارع يشبه شارع الشانزلزيه..

اسم الله على شارع الشانزلزيه من شارع الملوك..وش جاااااب لا جااااااب...وقالو عند شارع الملوك يمر نهر الراين..وقعدت ادور نهر الراين الا هو في جفره..:109:


وعقب كملنا سفرتنا في ميونخ..صدق ليقالوا عنها شرحه شرحه..والامان ماشالله مايحتاج..نتمشى لين الساعه 1 فليل..ماقد صار لنا موقف كل واحد في حاله..:24:

هذا من وجهة نظري وياريت محد يزعل:106:

مواضيع عشوائيه ممكن تكون تعجبك اخترناها لك:

• ارجو مساعدتي لاستئجار سيارة في المانيا
• اقتراحاتكم للسكن في بادن بادن
• استفسار عن بداية انطلاق جولتي الأوروبية
• استفسار عن المانيا Munich Rust tegrnsee schelersee
• بخصوص استفسار مطار فرانكفورت
• الميزانيه التقريبيه
• هبوط اطراري لطيران الامارات
• إلى ألمانيا، ولكن السكن؟؟؟
• وقت السفر
• أالمانيا بانوراما التاريخ والفن والموضة والتسوق كل شيء فيها بانتظارك
• استفساار عن الرحله
• ممكن تساعدوني باقي اسبوعين على السفر
• استفسار بخصوص شريحة الايفون
• اريد منتجع او شقق بالقرب من منطقة هايدلبيرغ في ألمانيا
• مخططي الاوروبي وآرائكم
• ماهو افضل جارمن
• من ألى
• يااخوان وياخوات فزعتكم بغيت احسن اوت لت فيه ماركة في ميونخ وضواحيها
• هل فعلا اليوروب بارك بتقفل؟؟
• فيزا المانيا عااااااااااااااااااااااجل

المشاركة الأصلية كتبت بواسطة فتامي
http://www.arabtravelersforum.com/tr...5/#post3170049

السلام عليكم ورحمة الله وبركاته

وبعدين الله يسلمكم رحنا الى كولون اللي مافي حد مامدحها لنا..وسكنا في فندق انتر كونتننتال كولون..
قعدنا في كولون 7 ايام من ظمنها زرنا دوسلدورف الكئيييييبه من وجهة نظري

بصراااحه كولون ما فيها اماااااان..نشوف السكارا في كل مكان والمحششين في كل زاويه مع كلابهم الله يعزكم.. كل يوم لازم يمسكنا سكران..يانهم يطرووون او يهاوشووون..انا اشوف هالمنطقه مب عالوصف ولا الجمال..:110:

ودوسلدورف اللي ماقعد حد والا مدحها..وشارع الملوك اللي ماشاف الملوك مافيه غيره في دوسلدورف وفيه ناس قالو هالشارع يشبه شارع الشانزلزيه..

هذا من وجهة نظري وياريت محد يزعل:106:




الحمدالله على السلامة, والله يعوض عليكم ويرزقكم برحلة افضل منها. رايك مهم بالنسبة لنا لانة من واقع تجرب.

المشاركة الأصلية كتبت بواسطة saif.n
http://www.arabtravelersforum.com/tr...8/#post3171128

الحمدالله على السلامة, والله يعوض عليكم ويرزقكم برحلة افضل منها. رايك مهم بالنسبة لنا لانة من واقع تجرب.




الله يسلمك..بصراحه هذا مب رايي بروحي..بعد فيه ناس من جماعتنا اسكنو في دوسلدورف وجاو عندنا زيارة في كولون عشان نمشيهم فيها بس ماحسو بالأمان..والله العضيم كانو يقولون لنا كيف انتو قاعدين في هالمنطقه..من الساعه 9 نكون في الفندق عشان نتحاشى اي مشكله..الحمدلله كان اسبوع وعدا على خير

سلام عليكم
سكن فى المدن الكبيره خاصه فى المساء محفوف بالمخاطر او تسمع كلام غير لائق خاصه للمحجبات ومناضر اهل المخدرات قرب المحطات الرئسيه والحدائق
انا انصح اسكن بالارياف امان ورخص وطبيعه وعندك القطار يودك اى مكان ويرجعك فى نفس اليوم
وشكرا

مشفوح سفر مشكوووور عالنصيحه..بس احس الارياف ملل يعني مب اكثر من ليلتين او ثلاث..

المشاركة الأصلية كتبت بواسطة فتامي
http://www.arabtravelersforum.com/tr...5/#post3175415

مشفوح سفر مشكوووور عالنصيحه..بس احس الارياف ملل يعني مب اكثر من ليلتين او ثلاث..



hgsb
السلام عليكم
الارياف يفضل عندك سياره

ويوجد بحيرات سياحيه حولها كل فنادق تقدر تسكن وتستعمل القطار :114:
وكل شئ يقابله شئ

سعودية ايطالية مشكووورة عالرد ياحياتي الماركات اللي في دوسلدورف اغلبها موجوده في ميونخ..

اخوي مشفوح سفر مشكووور عالرد مرة ثانيه

الحمدد لله على سلامتكم وخيرها بغيرها ...ودياسأل كم حجزوا شركة سيكست على الفيزا عند استلام السيارة
و
ش
ك
ر
ا

الله يسلمك اخوي santos

بالنسبه لشركة سكست..ما ادري والله ..الموظف طلب البطاقه وعطيناه اياها..وماسألناه..

اعتقد ان رايك بكولون راي شخصي

وعني انا والاهل نجدها متعة ولا احلى

ahleen ekhti
fe3ln munich shar7h w ra23h
ana twi waslh cologne b3d km youm agoolk rayee feha bs el akeed enha mo zy MUNICH


slam

كولون حلوة وجميلة ورائعة بس أوافقك الرأي بسالفة السكارى
ودسلدورف جميلة ايضا بس بالليل كئيبة شوي

اخوي ممساح..احترم رايك انت وهلك..وانشالله دوم عليكم المتعه في كولون

mzoon اتمنى انك تقضي ايام سعيده..وياريت تخبرنا عن الرحله

اخوي abofawaz ..احترم رايك ..

الحمدلله ع السلامة

mrs.faith مشكووورة حبيبتي..الله يسلمج

السلام عليكم

الحمد لله على السلامه اختي

انا توني جايه من المانيا ودوسلدورف هي نقطة البدايه قعدت فيها اسبوع

البلد حلوه ونظيفه لكن النهار طويل الى عشر يالله تغيب الشمس والمحلات تسكر بدري

حتي الكفيهات. وصادقه شارع الملوك ما فيه زود بالنهار حلو وبعد الساعه7 يصير مهجور وموحش

والمدينه القديمه مطاعمها والكفيهات ما تسكر بدري لكن مو مناسبه لعوائل وناس متحجبه

كل واحد قدامه طشت بيره وعيونه طايره والريحه تصك الراس

وين الزين! الموقع @منها رحنا لكولون نهار الى 8 العالم صاحيه وسعة صدر

ورحنا لمدينة اوبرهوزن فيها سنترو المول الكبير(ما شافو مولاتنا)والمنطقه المحيطه فيه حلوه

وفيه مدينة ريموند الهولنديه فيها اوت ليت حلو ووسيع صدر يسوى العنوه

ومدن اخرى قريبه وجميله ممكن الواحد يقضي فيها نهار ويرجع لكن مع كل هذا حبيتها

مدينه مريحه اكثر من ميونخ وخاصه الوسط منطقة المارين المزدحمه واللي زبايلها

الله يكرمكم مليانه وما يلحقون ينظفونها من العالم اللي ماتخلص

اما المناطق المحيطه بميونخ فهي اجمل بكثير من وسطها وهذا راي خاص

وكل انسان له راي مختلف المهم السفره تكون مريحه وممتعه و تغيير الجو

مطلب اساسي جزاكم الله خير ودمتم بخير

ام وسومه..هلا حبيبتي..اما سالفة المدينه القديمه في دوسيلدورف والله نسيت اذكرها..صادقه مدينه كلها مطاعم وازعاج..وريحة الخمر الله يعزج فايحه..بصراحه احنا ما كملنا الشارع..رجعنا من اول ماشفنا هالمناظر..واوت ليت ريموند فضييييع..صح يستاهل العنوه..مع ان المسافه من كولون ساعه تقريبا..زين اختي مارحتي اوت ليت ماسماشيليان اللي في بلجيكا؟؟
تقريبا ساعه بعد من كولون..في هناك في الزاوية المحلات محل شوكولاته بلجيكي اصل..كنت اسأل راعية المح عن الشوكلت..الا تقولنا هذا مسوينه الساعه 1 ..يعني فرش..وتاريخ انتهائه شهر بس لانه مافيه مواد حافظه..
عالعموم مشكووورة اختي عالرد..والحمدلله عالسلامه

المسألة مسألة اذواق والظروف الي تصادفك اثناء اقامتك تخليها احلى أو اسوء مدينة في العالم
ممكن تكون المدينة رائعه يصادفك موقف لو بسيط يعكر عليك السفرة يخليك تكره المكان
انا كانت بدايتي من ديسلدروف والكل يمدح ميونخ فخليت الايام اكثر في ميونخ والحمدلله ماسكنت في ميونخ سكنت برا
اقدر اروح كل يوم لميونخ وارجع
ومن رايي ان ديسلدروف اهدئ واحلى
ميونخ لمحبي التسوق والزحمة
الاماكن السياحية برا ميونخ راااااااائعه وتستاهل العنوة
مرة ثانية اذا الله كتب لي روحة
ماراح احط ميونخ بجدولي نهائياً بس بنزل قارمش وبادتولز وتقرنسي

ولكل شخص ذوقه ورأيه الخاص ولايفسد من الود قضية

اخوي الرحاله..صح كلامك بخصوص ان ميونخ زحمه..بس حسينا بالامان فيها اكثر من كولون
وموفق انشالله

نفس الحركه صلحوها معاي واخذوني غرفه وجلست نص ساعه وهم يدققون بالجوازوبعدين قالو روح

السلام عليكم

انا زرت هاي السنة والسنة الي قبلها عدة مناطق من ضمنها كولون وديسلدروف

مطار فرانكفورت مطار عادي ولكن مشكلته التعقيد والشك في كل العرب

كولون مدينة حلوة انا سكنت في اكسيلسيور مقابل الكنسية الكبيرة وجدامك السوق ومكان حلو لكن المشكلة الطلعة في الليل تتطلع السكارى والمتشردين

ديسلدورف كئيبة وما فيها شي ولو قلنا عن شارع الماركات موجود في كل مكان ومملة

ميونخ ترس عرب في كل مكان وفري في منطقة الفنادق وشارع الماكسي ميليون روعة الصراحة وكذلك المارين والي هو زحمة

بالتوفيق لكم

بصراحه خوفتيني انا ان شالله لي زياره لكولن قريبا بقعد فيها 3 ايام
وكان ودي اروح ميونخ بس شكل الوقت مايسمح
بخليها دوسلدورف الكئيبه على قولتك
ودي اسألك عن الاماكن والفنادق الحلوه بكولن؟؟؟؟؟؟؟؟؟؟؟؟؟؟
هل تعرضتي لمضايقات لانك محجبه؟؟؟
او الوضع عادي ؟؟ وش المطاعم اللي محترمه وتقترحينها ؟؟
الاوت لت اللي بهولندا اروحه بالقطار؟؟ كيف اسعاره؟؟
انا اموووت في المدن الكبيره الزحمه تتوقعين تعجبني هالمدينه؟؟
وياليت توضحين مسار رحلتكم لاني ناويه على باريس اول
ومدري شلون اوصل كولن .. قطار ولا طيران؟؟
محتاره بقووه

noty boy احترم رايك اخوي

احترم وجهات نظر الجميع بما فيهم كاتب الموضوع ..


عندي إضافة بسيطة ,, انا لم اذهب لـ دسلدروف او كولون , ولكن رأيت لها صور وسمعت تعليقات تجعلها محطة يجب التوقف عندها والتمتع بها كـ مدينة متكامله .

أنا عني شخصياً لم تعجبني ميونخ كثيراً ,, ارى فيينا اجمل منها بكثيير ومن نواحي عديدة .

لذلك المسألة تختلف من شخص لآخر ومن وقت لآخر وايضاً مكان السكن له الدور الأكبر .

مهم جداً برأيي طرح وجهات النظر بعد العودة ,, وذكر السلبيات التي رأيتها عن المدينة , لكن بصراحة تامة أحياناً اكون مقتنع بـ وجهة نظر الكاتب وأحيانا أكون مختلف وأنا مع الثاني .


برلين ودرسدن أعتقد وأتوقع انها أجمل من الدول الغربية وأكثر تطوراً وبنظري احلى من ميونخ .

روزماري هلا اختي بالنسبه للسكن سكنا في انتركونتننتال كولون..راقي وموقعه حلو..

دامج بتقعدين 3 ايام انشالله تستانسين هناك..يمكن رحلتنا احنا في وقت كان عندهم معرض الانوار ومعرض الدراجات..علشان كذا كل من هب ودب جا لكولون..احترم راي كل خواتي واخواني اللي مأيد كلامي واللي معارضني..لكن هذا اللي حسينا فيه..وعن الحجاب ماكان فيه مضايقات واضحه بخصوص الحجاب..لكن السكارى هم اللي كانو يتعرضون لنا..والمطاعم واجد على شارع نهر الراين..بس ماعرف اسم مطعم معين..والاوت ليت اللي بهولندا يجنن اسمه ريموند لانه في منطقة ريموند الهولنديه..ومايبعد واجد تقريبا ساعه ونص بالسياره..اما القطار ماعرف شي عنه لاني دايما نستخدم السيارة..
وكانت خطة رحلتنا الدوحه فرانكفورت كولون ميونخ الدوحه الحبيبه..اما بخصوص باريس مارحت لها..لكن قريبه من كولون ودوسلدورف بالسيارة ناس من جماعتنا كانوا يزورونها عن طريق السياره..مايحتاج طيارة..واتمنى اني افدتج..واسمحيلي عالتأخير..ورحله موفقه باذن الله

محمد ابو فهد 2 الحمدلله عالسلامه

Arsenal-R7 شرفت موضوعي

الله يعطيج العافيه فيتامى


من واقع سفرتج الى كولون هل تنصحين انى اجر سياره ولا مو ضرورى

ام التنقل فيها بالسياره ضرورى نفس امريكا مثلا السياره مطلب اساسى هذا استفسارى بخصوص السياره

ممكن تعملين جدول بالاماكن اللى رحتيلها وتستحق الزياره سواء للكبار ام للاطفال

السكن هل الفندق اللى سكنتيه ممتاز او لو تروحين مره ثانيه تسكنين فيه ام اعجبج فندق ثانى

ياريت تجاوبينى ,, علما بانه سفرتى لها فقط 4 ليالى

السياره في كولون نفسها مب شي اساسي..لان المطاعم والاسواق قرييييبه جدا من الفندق اللي سكناه وهو الانتركونتننتال كولون..الفندق ممتاز وخاصه موقعه..واحنا كنا مأجرين سياره لان كنا نطلع من كولون..زرنا بلجيكا وهولندا وكلهم يبعدون تقريبا ساعه ونص عن كولون..ودوسلدورف بعد قريبه تقريبا نص ساعه..وانصح بالاسواق اوت ليت في بلجيكا اسمه ((ماسماشيلين )) واوت ليت في هولندا اسمه ((ريموند )) وفيه بعد مدينة العاب قريبه من كولون بس ماعرف اسمه..اغلب العابه للكبار..وحلوه القعده على نهر الراين وتقدر تركب سفينه تمشيكم على طول النهر..بس اتمنى مايعارضكم اي موقف مثل اللي صار لنا و 4 ايام جدا كافيه لكولون..

وبالتوفيق انشالله

نسيت اقولك اخوي..الاوت ليت فيها العاب بسيطه للأطفال.