الموضوع: انترنت بالبحرين

السلام عليكم ورحمة الله وبركاتوه
حبايبي انا مسافر للبحرين
واحب استفسر عن اماكن الانتر نت بالبحرين
هل موجود فيه انتر نت بالبحرين على مدار ال24 ساعه
..؟؟ في منطقة المنامه قريب من المعارض
ادري ان الاخوان مابيقصرون ابد
بانتضاركم

مواضيع عشوائيه ممكن تكون تعجبك اخترناها لك:

• سيارة في البحرين
• تكفون ياجماعة سرعة الرد مقيم بالسعودية ويريد الذهاب الى البحرين
• استفسار
• بالنسبة لجو البحرين
• الكرنفال السنوي للسياحة في البحرين بعد يومين
• استفسار عن هذه الفنادق بالبحرين ارجو المساعدة ؟
• الأماكن الترفيهية في البحرين
• سؤالفساتين الأفراح؟
• ممكن ترتبوووون لي الامااااكن واوقااااتها
• شنو الافضل الماريوت فريز لي هوتيل
• صور رائعة لـ مدينة المحـــرق
• رجيتكم يالنشامى لاتردوني سؤالي عن صالون الريجنسي بالبحرين
• ملحوظة من فظلكم
• طعسيه تطلب المساعده الضروريه
• جآيك يآبحرين آستفسآرآت
• القبول في جامعة الخليج بالبحرين
• ابغي جواب سريع
• وين نسكن ؟؟؟
• اول رحلة لطيران الجزيره الي مطار البحرين
• استفسار بخصوص الدراسة بجامعة الخليج العربي

أخوي على بالي العديد من محلات الانترنت بس اذا كانوا 24 ساعة والله ما ادري ..


ان شاء الله راح نسأل ونحصل لك الجواب السريع


..

ياليت اخوي لاني مسافر باكر
بانتضاركم

أخوي مثل ما قلت في موضوع آخر ..

انك اذا تملك لاب توب وفيه برنامج الكونكشن ما راح تحصل أي صعوبة ،،، لأن عدد كبير من المقاهي في البحرين فيها نظام ( واير لس كونكشن ) اللي يخليك جالس على النت بمجرد وجودك في المقهى ومعاك جهازك ..

ومن بين أبرز الأماكن اللي انا ارتاح لها شخصياً كوستا كوفي الموجود ( المنطقة الدبلوماسية ) ...


في المقابل عندك 90% من المقاهي في منطقة العدلية فيها هذا النظام ..




أما بالنسبة اذا كنت ما تملك لاب توب وحبيت تجلس على الانترنت ، هناك عدد كبير من مقاهي الانترنت لكني وبيني وبينك مو متأكد من اذا كان في بعضهم 24 ساعة ... ان شاء الله راح أسأل وأحصل الإجابة

بينما يمكنك الجلوس في أوقات النهار حتى منتصف الليل في العديد من المقاهي المتواجدة في كل شارع تجاري تقريباً.


ان شاء الله ما راح تحصل أي صعوبة ، واحنا حاضرين لك اخوي تحت الخدمة أي وقت ..


..

أنا اخوي معاي لاب توب
وابي على قولتك واير لس
يالله سهلتلك المهمه
يسلمو حبيبي
لكن قلي بس وين المكان اللي بلقاه مفتوح 24 ساعه
على قولتك كوستا 24 .؟
افدني اخوي

لا كوستا يتم ما بين 1 الى 2 بالليل ..

بس احتمالية كبيرة يكون الفندق اللي راح تنزل فيه مزود بهذي الخدمة ، إن لم يكن بالغرف راح يكون بالمقهى أو المطعم الخاص فيه ..


أخوي ان شاء الله بكره راح أسأل لك عن مقهى انترنت يفتح لمدة 24 ساعة لأن حالياً ما يحضرني


وما يصير خاطرك الا طيب ..
..

اغلب الفنادق يوجد بها خدمة الواير لس

طيب لو سكنت بشقة وحبيت أتصل والشقة مافيها غير التليفون الثابت وماقدر اتصل بالانترنت الا عن طريقه كم الرقم؟

في محل بشارع المعارض يفتح 24 ساعة .. سعر الساعة 500 فلس .. نسيت اسمه بس مكانه يكون بعد آخر دوار في شارع المعارض (آخر دوار من جهة الحورة مو من جهة المنطقة الدبلوماسية ) .. بعد ماتعدي آخر دوار سيدة بيكون المحل على يمينك مباشرة في أول بناية.

يسلمو ميسي لكن وش اسم المحل ..؟؟
وانا معي لاب توب واحب اعرف ارقام الاتصال بالانتر نت حيث انني سأسكن في شقه ومافيها خدمه الواير لس

نسيت اسمه المحل .. لكن خلك مع الوصف وماراح تضيع .. اول بناية على يمينك بعد الدوار بتحصل فيها المحل .. 17881188 رقم مزود خدمة الانترنت بالبحرين بإمكانك تتصل وتستفسر.

مشكورين حبايبي