الموضوع: انترنت بالبحرين

السلام عليكم ورحمة الله وبركاتوه
حبايبي انا مسافر للبحرين
واحب استفسر عن اماكن الانتر نت بالبحرين
هل موجود فيه انتر نت بالبحرين على مدار ال24 ساعه
..؟؟ في منطقة المنامه قريب من المعارض
ادري ان الاخوان مابيقصرون ابد
بانتضاركم

مواضيع عشوائيه ممكن تكون تعجبك اخترناها لك:

• سؤال مهم جدا للي يعرف كل طرق البحرين
• استفسار يا اهل البحرين
• القادم بقوه فى عالم الحلوى حلوى الخلود و حلوى مروج المحرق
• فعاليات مهرجان ربيع الثقافة
• استفسار نادي الفروسيه
• حياكم
• برنامج لزيارة البحرين لمدة ايام
• مخالفة مرورية في البحرين مالعمل؟
• الرايه سويتس
• المحميات الطبيعية في البحرين
• نريد اسعار فنادق البحرين في شهر جولاي واغسطس
• افيدوني البحرين
• اين اجد محلات للخيام وادوات الرحلات
• بخصوص السفر الى البحرين
• بكرا جايتكم يااهل البحرين
• مطعم للافطار يم يم يمي
• سكن في البحرين فندق ماجيستك
• رسائل الخروج
• سؤال يا رايح للبحرين
• المولات في رمضان

أخوي على بالي العديد من محلات الانترنت بس اذا كانوا 24 ساعة والله ما ادري ..


ان شاء الله راح نسأل ونحصل لك الجواب السريع


..

ياليت اخوي لاني مسافر باكر
بانتضاركم

أخوي مثل ما قلت في موضوع آخر ..

انك اذا تملك لاب توب وفيه برنامج الكونكشن ما راح تحصل أي صعوبة ،،، لأن عدد كبير من المقاهي في البحرين فيها نظام ( واير لس كونكشن ) اللي يخليك جالس على النت بمجرد وجودك في المقهى ومعاك جهازك ..

ومن بين أبرز الأماكن اللي انا ارتاح لها شخصياً كوستا كوفي الموجود ( المنطقة الدبلوماسية ) ...


في المقابل عندك 90% من المقاهي في منطقة العدلية فيها هذا النظام ..




أما بالنسبة اذا كنت ما تملك لاب توب وحبيت تجلس على الانترنت ، هناك عدد كبير من مقاهي الانترنت لكني وبيني وبينك مو متأكد من اذا كان في بعضهم 24 ساعة ... ان شاء الله راح أسأل وأحصل الإجابة

بينما يمكنك الجلوس في أوقات النهار حتى منتصف الليل في العديد من المقاهي المتواجدة في كل شارع تجاري تقريباً.


ان شاء الله ما راح تحصل أي صعوبة ، واحنا حاضرين لك اخوي تحت الخدمة أي وقت ..


..

أنا اخوي معاي لاب توب
وابي على قولتك واير لس
يالله سهلتلك المهمه
يسلمو حبيبي
لكن قلي بس وين المكان اللي بلقاه مفتوح 24 ساعه
على قولتك كوستا 24 .؟
افدني اخوي

لا كوستا يتم ما بين 1 الى 2 بالليل ..

بس احتمالية كبيرة يكون الفندق اللي راح تنزل فيه مزود بهذي الخدمة ، إن لم يكن بالغرف راح يكون بالمقهى أو المطعم الخاص فيه ..


أخوي ان شاء الله بكره راح أسأل لك عن مقهى انترنت يفتح لمدة 24 ساعة لأن حالياً ما يحضرني


وما يصير خاطرك الا طيب ..
..

اغلب الفنادق يوجد بها خدمة الواير لس

طيب لو سكنت بشقة وحبيت أتصل والشقة مافيها غير التليفون الثابت وماقدر اتصل بالانترنت الا عن طريقه كم الرقم؟

في محل بشارع المعارض يفتح 24 ساعة .. سعر الساعة 500 فلس .. نسيت اسمه بس مكانه يكون بعد آخر دوار في شارع المعارض (آخر دوار من جهة الحورة مو من جهة المنطقة الدبلوماسية ) .. بعد ماتعدي آخر دوار سيدة بيكون المحل على يمينك مباشرة في أول بناية.

يسلمو ميسي لكن وش اسم المحل ..؟؟
وانا معي لاب توب واحب اعرف ارقام الاتصال بالانتر نت حيث انني سأسكن في شقه ومافيها خدمه الواير لس

نسيت اسمه المحل .. لكن خلك مع الوصف وماراح تضيع .. اول بناية على يمينك بعد الدوار بتحصل فيها المحل .. 17881188 رقم مزود خدمة الانترنت بالبحرين بإمكانك تتصل وتستفسر.

مشكورين حبايبي