السلام عليكم
كيفكم جميعاً بدون استثناء
اللي شجعني اكتب هذا التقرير المتواضع بين تقارير الاعضاء هو اخونا MOHAMME..
لانني كتبت موضوع في قسم الصور وحطيت صورة من ايطاليا لحمامة صورتها في الساحة الاسبانية
هذي الله يسلمكم رحلتي انا و أحد الزملاء لايطاليا وتحديداً مدينتي روما و بسكارا في رحلة عمل مدتها خمسة ايام كانت في شهر 9/2010م
يومين في روما وثلاثة ايام في بسكارا
مشكلة السفريات اللي تخص العمل تكون مزحومة بجد .. الايام اللي كانت في بسكارا كانت كلها اجتماعات نطلع من الفندق الساعة 8 صباحاً ولا نرجع الفندق مرة ثانية الا الساعة 8 مساءً من جد ارهاق
ماراح اتكلم بتفاصيل كثيرة لان اكثر الاعضاء ماقصروا في ذكرها ومن ناحية اخرى نسيت بعض التفاصيل
الرحلة كانت على الخطوط السعودية كانت تذكرة الشخص الواحد قرابة 6000 ريال((صدق استغلال)) بس على حساب العمل ... يعني ماعندك مشكلة
بداية كانت الرحلة تقريباً ثالث ايام عيد الفطر المبارك الساعة 9 صباحاً
هذي صورة من داخل الطيارة
ليش مصووووورها مدري ليه بس ماعليه تحملوني
وهذي صورة من الجو وتظهر مدينة روما
وهذي صورة وحنا طالعين من المطار
طلعنا من المطار بتاكسي من احدى الشركات واخذ علينا 50 يورو تقريبا لان اسعار التاكسي تختلف من منطقة الى اخرى داخل روما
صورة تبين فندق الماريوت وحنا خارجين المطار
وهذي صورتين لداخل الغرفة
صورة من خارج الفندق من الشارع
البوفيه حق الغرفة مادري وش وضعه لانه مانصحى الا متأخرين الساعة 10 الصباح وقد هم شالوا عفشهم ... فيه مسبح اليم بس ماحذت له صورة ... بس بحاول اجيب الصور اللي عند زميلي عسى القى صور له ولغيره من الاماكن
كل ماطلعنا من الفندق اوقف عند هذه الرسمة ... لاننا ننتظر الباص
وهذا اقرب تقاطع عند الفندق ... يوجد في اخر الزاوية من اليمين مطعم ماااااااك و سوبر ماركت كوووويس
بس يعاب على مطاعم الوجبات السريعة ان كل شي بفلووووس حتى الكاتشب والمايونيز مو مثل عندنا ضف اللي تبي ماعندك مشكلة ... نجي للسوبر ماركت لازم تكون معك اكياس حتى تشيل عفشك اللي شريته او انك تشتري من عندهم اكياس ... قايل لكم مو مثل عندنا الله لايخلينا
هذا التقاطع من زاوية ثانية
كنا وصلنا الفندق الساعة 4 العصر وقيناها في التمشي في المنطقة اللي حولنا نتعرف وين الاماكن ومحطة المترو ومواقف الباصات ووين تودينا
اترككم الان وانتظروني في الحلقات القادمةمواضيع عشوائيه ممكن تكون تعجبك اخترناها لك:
- فندق غراند هوتل
- أرجــو الافـــاده الى خبراء السفر الى ايطاليا
- أيام في ايطاليا انا وهي بس
- احتاج مساعدتكم ضرووووري
- ارجو افادتي بهذا الفندق
- استفسار عن المقابلـة بالسفـارة الايطالية
- منو مجرب فندق في فينيسيا ؟؟
- أفضل برنامج سياحي في ميلانو والمدن المجاوره 4 أيام
- شريحة جوال
- فيزا من الكويت إلى ايطاليا ؟؟ أسئله عده ارجوا الإفاده ضروووووووري
- يوم في فينيسيا
- خبراء روما فقط
- الاسوق تسكر كلها في الويكند؟؟بلييز لأني حجزي بيكون في ويكند
- روما أكبر متحف مفتوح في أوروبا
- افيدوني عن ايطاليا في عشرة ايام
- الفاهم في روما ينصحني
- ممكن تعطوني رايكم بجدول رحلتي
- مساعدهـ لاهنتــــوواْ
- ايش رايكم بفندق في فينيسيا
- القطـــارات في ايطاليا
رد مع اقتباس
المفضلات