الموضوع: اخاف اتوهق مع السفارة الايطالية وش الحل ؟

السلام عليكم

عندي رحلة اوروبية بشهر 12 ميلادي وتشمل 3 دول اوروبية :


بقولها لكم بالترتيب :


رحلتي بتاريخ


10 - 12 - 2012


10
11
12
13
سوف تكون بميلانو


14
15
فينيسيا




16
17
18
بروكسل


19
20
21
22
23
24
25
باريس


سوف انام في ايطاليا 6 ليالي
وفي بلجيكا 3 ليالي
وفي فرنسا 7 ليالي




ولكن رحلتي تبدا من ايطاليا وتنتهي بفرنسا ..


وفرنسا هي اكثر دولة سوف اجلس فيها , بينما ايطاليا هي اول دولة سوف ادخلها




لذلك من اين استخرج الفيزا !


من السفارة الايطالية او الفرنسية !

مواضيع عشوائيه ممكن تكون تعجبك اخترناها لك:

• فنادق وشقق فنـيسيا بجميع نجومها واسعارها
• تكفى فزعتكم يا أهل الخبرة
• الزعيمه والاعضاء الخبيرين في ايطاليا توهقت وابي مساعدتكم
• ابغي اطلع سياحة الي ايطاليا انا واختي ما هو المطلوب
• ما هو أفضل معلم في ميلانو ؟
• السكن في للعائلات في ميلانو
• كيف يتم استغلال ايام في فينيسيا الرجاء المساعدة
• روما و بسكارا بين السياحة والعمل
• الله يجزاكم خير يامن تساعدوني
• قلبي يرقع
• بالنسبة للفيزا التشيكيه ودخول إلى ايطاليا
• بعض الاستفسارات لزيارتي الاولى لروما
• سؤال للزعيمة و لا يهونون الباقيين
• هل في مطار مالبنسا يدققون في جالون مويه زمزم
• محتار بين ايطاليا والصين
• شو اسمه هالجسر؟
• سؤال عن السفر لايطاليا عن طريق البحر من الاسكندرية او بورسعيد مصر ؟
• جدول ممتاز من خبراء ايطاليا
• ابي معلومات عن ايطاليا
• رأيكم في فندق

وعليكم السلام

أخوي عندك اختيارين واثنينهم ما فيهم أي مشكلة

الأول: تقدر تاخذها من السفارة الايطالية باعتبار إنها أول وجهة

والثاني: تقدر تاخذها من الفرنسية باعتبار إن راح تكون المدة فيها أكثر

بس تبي رايي خذها من الايطالية وريح بالك، لأن الفرنسية شوي راح يعكرون مزاجك

وبالتوفيق إن شاء الله

على فكرة أخوي هذا الكلام مب راي ولكن عن تجربة

أنا قبل كم شهر سافرت فرنسا وسويسرا وكانت المدة في سويسرا أكثر ولكن الوجهة الأولى فرنسا

فكلمت السفارتين وقالوا لي نفس اللي قلت لك إما أن يكون على أساس الوجهة الأولى أو على أساس مدة الاقامة

فقمت وخذيت الفيزا من السفارة السويسرية

وكانت سفرتي من أروع ما يكون ولله الحمد مع الغالية زوجتي

طيب استفسار اخوي لو سمحت ..

الحين انا اول دولة بدخلها ايطاليا وبعدين بلجيكا وبعدين فرنسا ..


طبعا للحين انا ما قدمت على الفيزا .


المهم اخوي لو انا اخذت السكن حق بلجيكا اول شيء بعدين فرنسا بعدين ايطاليا .. وضبطتها بالبوكنق كها , طبعا سكن حقيقي مب وهمي


ورحت السفارة الايطالية قدمت على طلب الفيزا والمهم شافو اوراق الفنادق وطبيعي بيعرفون ان اول دولة بدخلها هي ايطاليا , لكن اذا شافو ان بخصوص الفنادق اول شيء خلصته هو بلجيكا بعدين فرنسا بعد ايطاليا ,, هل يستقعدون لي ؟؟

يا مرحبا بأخوي عبدالمجيد

لا يا طويل العمر بحسب علمي أهم شي إن يكون عندك حجز متكامل حق ايطاليا يعني أقصد (تذاكر السفر وحجز الفنادق) أما بالنسبة عن حجز الفنادق من كان تاريخ حجزه قبل فعلى ما أعتقد إن ما يهمهم الموضوع...

لأني جربت في سفرتي الأولى لايطاليا وسويسرا وكنت ما خذ الشنغن من السفارة الايطالية (عندنا في البحرين) وما كان في اجراءاتهم بخصوص الفيزا أي تعقيد، ومن كلام الاخوان والاخوات في المنتدى أجوف إن السفارات الايطالية في كل دول الخليج اجراءاتها ميسرة وسهلة وما فيها أي تعقيد

توكل على الله وإن شاء الله كل أمورك طيبه

وتروح وترجع بالسلامة إن شاء الله

اخوي محمد انا اول شيء بدخلها ايطاليا وبعدين بلجيكا وبعدين فرنسا ,,

وعشان اقدم طلب فيزا ايطالية لازم اوراقي تكون كاملة ومن ضمن هالاوراق طبعا الفنادق ..


انا الحين لاقي فنادي ممتازة ببلجيكا وفرنسا ومخطط عليها وايطاليا بعدين ناوي ابحث عن فنادقها ..


سؤالي يابو حميد , السفارة الايطالية اذا شافتني مقدم اوراقي عندهم وشافت الفنادق مرتب بلجيكا وفرنسا قبل ايطاليا مع ان ايطاليا هي اول بلد بدخله ..


متاكد ما يستقعدون لي ؟


اخاف اتورط

مرحبا
اهم شي تكون حاجز فنادق في ايطاليا والسفاره الايطاليه جدا مرنه
سلمتهم اوراقي الاربعاء واخذت الفيزا الاربعاء اسبوع واحد فقط

هلا أخوي عبدالمجيد

مثل ما قال أخوي طيااره أهم شي يكون عندك حجز لفندق في إيطاليا عشان تكون أوراقك كاملة (تذاكر السفر + حجوزات الفنادق + باقي طلبات الشنغن من تأمين السفر والأوراق الثبوتة الأخرى)، والسفارة الايطالية جداً مرنه في التعامل على عكس السفارة الفرنسية

وتحياتي للجميع

بيض الله وجيهكم