المشاركة الأصلية كتبت بواسطة الـعـنـود
http://www.arabtravelersforum.com/tr...2/#post5262162


اها ممتاز يعني هذا الوقت الاكيد للتنزيلات ، طيب عندك فكره اذا روما لها وقت معين للتنزيلات ؟
اما الثلاث ايام فهي تكفيكم يالشباب لانكم خفااااف وسريعييين
اما احنا فلا ، لندن كل سنه يروحون ويقعدون شهر كامل ومايشبعون
شخصياً تكفيني الثلاث ايام فقط للتسوق واحتاج نفسها للسياحه ^ـ^
بس اعتقد انكم مو من هواة التاريخ وحب الاستطلاع بالبلد


بالنسبة للفندق انا اعتذر منج لأن رحلتنا شبابية فمقسمها على 3 وعطيتج سعر الليلة مع القسمة!! مع الحسابات والترتيبات ضيعت السموحة بس تقدرين تحجزين من بوكنغ وتضيفين سرير (20 يورو على السرير الواحد لليلة وحدة).
ولا يهمك ، اي عدل جذي الحسبه مضبوطه ، وحصلتها بموقع booking الليله 67 دينار ولكن لشخصين فقط ، وحلصته بموقع hotels ثلاث اشخاص بـ 66 دينار لليله مع الفطور والضرايب وهذا http://www.hotels.com/hotel/details....ly#description
لاني مره حجزت ودفعت ، ولما وصلنا الفندق طلع المبلغ ناقص الضرايب
قلت لي ان الفندق يبعد خمس دقايق مشي بس عن السوق صح ؟ ترى هذا شي مهم بالنسبه للأهل مايبونه بعيد ; واهم شي يكون المكان مايخوّف ^ـــ^


التنقل بين المناطق كنا نستخدم القطار وما حصلنا أي مشاكل بالحجوزات مع ان وقتنا كان صيف ووقت ضغط بس كنا نحصل اللي نبيه على طول الحمد لله والحجز مثل ما قلت لج من المترو نفسه في مكينة آلية وفي كبينه حق اللي ما يعرف يحجز من المكينة
عساهم يتكلمون انجليزي ؟ وهل الافضل ان نحجز تذكره ذهاب وعوده ؟


وبالنسبة للتنقل داخل المدينة ميلانو بالذات فيها ترام يوصلج ابرز الاماكن بميلان بس تحملوا بطئه شوي وكثرة توقيفاته! بس ممتع حق السياح وباقي مناطق إيطاليا كنا نستخدم التكسي بصراحة حق الأماكن البعيدة شوي مع انهم غالين حبتين .. وفينيس طبعا ما تحتاجين تكسي إلا التكسي البحري اللي يوصلج من محطة القطار إلى ساحة السان ماركو بس المركب الشخصي غالي شوي حاولوا تركبون المركب الجماعي 5 يورو للشخص.
والتنقل بين المناطق مثل ما ذكرت لج ما يمنع بالقطار بس ياخذ اوقات طويلة متعبة بين المناطق البعيدة! احيانا المناظر الخارجية تقزر عليكم البعد شوي
اشلون اقدر اعرف المدة بين المناطق ؟
احتاج اعرف كم الوقت بالقطار بين ميلان - فينيس /// فينيس - فلورانس /// ميلان - روما





رحم الله والديك ماقصرت ، لكن شالمقصود بالتأمين الصحي !



هلا اختي
بالنسبة لروما ماعندي أي خبرة فيها لاني فقط زرتها لمدة ساعات واستغلينا الفترة بزيارة الكولسيوم (المدرج الروماني) وكانت رحلة ممتعة ضروري تزورونها انشالله .. بالنسبة لسوقها قتلج ماعندي خبرة فيها لكن من البحث هالأيام عن ابرز اسواقها حصلت من الشباب مجمع ينقاله باركو ليوناردو والله يمدحونه وفي يمه سوق الاوت ليت بعد واحنا هواة السوق تبين الصج والتمشي والاندية الرياضية والمباريات ولا نمانع من دخول مناطق الآثار
بالنسبة لمواقع الحجوزات بدون أدنى شك أفضل موقع على اللاطلاق بوكنغ ولا اعرف عن المواقع الثانية واذا على قولتج الفرق بين الموقعين دينار فقط توكلي على الله وحجزي من بوكنغ.
بالنسبة لفندق ميلان كلش ماله داعي تحاتون وتخافون كنا نطلع بالليل ولا أحد يعترضنا ولا يكلمنا كل واحد لاهي مع نفسه والفندق يبعد مشي حوالي 5 دقايق عن ساحة الدومو ومنها الانطلاق للسوق والكافيهات والأجواء الايطالية الراقية والماركات يحبها قلبكم.
بالنسبة للقطار اذا كنتوا بترجعون المنطقة اللي جيتوا منها أكيد حجزوا تذكرة العودة حالا علشان تضمنون اسعار اقل لأن كل ما حجزتوا ابجر كل ما قل عليكم السعر حسب اللي اعرفه .. ولا تحاتين اللغة انا وايد سمعت انهم ما يتكلمون انجليزي بالعكس ما صادفتنا أي مشكلة باللغة (:
المناطق اللي ذكرتيها ماعندي وقتهم بالضبط بس تقريبا 3 ساعات قطار اقل شي بين المناطق المذكورة.
التأمين الصحي ورقة تطلعينها من مكاتب التأمين ملوت السيارات مرات يكتبون على جاماتهم تأمين صحي للسفر أو شي جذي .. تلاقين مكتب بكل جمعية فيه تأمين واعتقد شركة القبس يطلعون لكم تأمين.
حاضر وآسف على اي تقصير وانشالله اذا حطيت خطتي راح اعطيكم معلومات .. حالياً اكتشفت منطقة حلوة قاعد ابحث عنها اسمها جاردا بحثي عنها تستاهل زيارة (:

مواضيع عشوائيه ممكن تكون تعجبك اخترناها لك: