السلام عليكم اخواني اخواتي الكرام
انا اليوم الصبح رجعت من تايلند 7 ايام بوكت ويوم واحد بانكوك وهي زيارتي الثانيه لهذا البلد الجميل
وعندي كلام وملاحضات ورأي خاص فيني سواء وافقني من وافقني او خالفني من خالفني
علي العموم نبدأ
بالنسبه للشعب التايلندي انا اختلف مع الي يقول انهم طيبين وحبوبين بالعكس الغالب فيهم قلبه اسود وعصبين علي غير سبب ولو ما امسك نفسي كان متذابح مع اكثر من واحد وطبعاً انا الخسران وخصوصاً مع العرب بالذات الرجال اما النساء تعاملهم مع العرب جيد
تكفي لاتحاول تطق تايلندي حتي لو غلط عليك والله ماتدري منو طقاقك وبالنهايه الشرطه معاهم وضدك وهذا كلام اكثر من اخ عربي عايش بتايلند فهم بلا شك يعرفون للتايلنديين اكثر منا احنا الخليجيين
بالنسبه للمطاعم العربيه افضلهم الشرق وهو اغلاهم وكل المطاعم لحمهم موطيب ولا انصح فيه لكن دجاجهم زين
لاتأجر جتسكي من الأنشطه الي علي البحر لأنهم سينصبون عليك بلا شك وصعبه تفلت منهم لأنهم سيئين جداً جداً عندك البرشوت 1000 بات للفه الصغيره و1200 بات للكبيره والبشوت ترا شي حلو
سمعت ان بعض ربعنا الخليجيين يدخلوهم اهلهم وعيالهم شارع البنقلا للطماشه؟ وهذا شي احزنني والله لأنك تدري عيالك وزوجتك شنو راح يشوفون؟
انصح بالتعامل مع مكتب بوم السياحي الي فيه العجوز مع بناتها فهي ارخص الموجود ومكانها مقابل مطعم الشرق
لايطوفكم البولنق الي في المجمع بالدور الثالث يصلح للعوائل والشباب
افضل فندق ثلاث نجوم في نظري فندق باومنبوري جميييل جداً تلقاه عند مكتب البوم غرفه قراند ديلوكس مطله علي حمام السباحه مع افطار 1500 بات وفندق توني ريسورت هم حلو تلقاه عندها ب 1000 بات مع الأفطار
نصيحه لاتحاول تأذي البنات والجنوس لأنهم بحماية عصابات
لاتروح لمحلات المساجات الي بالدواعيس لأنهما حتماً راح تتحرش فيك
الأوربيين لطفاء ومحترمين وعاملهم مثل مايعاملونك يجب علينا تحسين صورة الأسلام امامهم
انصح بالذهاب للشلال والتسدح فيه لأنه شي خيااالي
اسعار التسوق اعتقد ان الخليج ارخص منهم اذا مومثلهم
الي يبي يروح للفانتازيا ترا عشاهم موطيب ابداً والله يديم النعمه
اعتقد قبل اربع ايام صارت هوشه بين شباب كويتيين وشباب اوربيين داخل مطعم القاهره الي في بوكت وواحد من الأوربيين انطعن اعتقد بسكين في بطنه ويقولون ان السفاره الكويتييه مشغله نفوذها لكن الله يعين الشباب شكلهم اكلوها سجن والي عنده خبر بالسالفه هذي يفيدنا
هذا الي اذكره الحين يا اخوان ووالله ثم والله ماكتبت هذا الكلام الا انني اشوف اننا اخوان ولازم نتناصح ونفيد بعض
والي يحب يعقب علي الكلام فعلي الرحب والسعهمواضيع عشوائيه ممكن تكون تعجبك اخترناها لك:
- اريد السفر الى سوريا و لكن ليس عندي خبره ؟
- لاهل سوريا وذوي الخبرة بسوريا ؟؟
- أخي العزيز النورس العربي
- كرابي ام كوه ساموي؟ ساعدوني بالاختيار
- ممكن سعر الباص رايح جاي من جدة الي سوريا
- صالات الرياضه
- بصراحة كم عمرك للاعضاء وكم مرة زرت تايلند
- بخصوص الرحلة الى جزيرة جيمس بوند
- شاهدوا إحلى الاحتفالات على ساحل بتايا فيديو
- فزعتكم ياهل الخير
- استفساااااار؟؟؟
- الرجاء المساعده ياعرب
- المطاعم في تايلند
- مغارة الأربعين قرقلر في حلب
- لجميع الاعضاء ماهي تكاليف سفرك إلى سوريا
- أفضل سنما بدمشق ؟
- بوكيت او شيانق ماي
- سؤال عن الحدود
- فندق في بوكيتوين؟
- أستفسار ثلجي باردقابل للكســر
المفضلات