المشاركة الأصلية كتبت بواسطة الـعـنـود
http://www.arabtravelersforum.com/tr...6/#post5259776

الله يسلمك ويطمنك دنيا وآخره

- بالنسبه للتسوق ، قريت بالمنتدى انه يبدي 5 مو 15 ... ولكن مادري اذا بميلانو أو غيرها ، اتمنى أحد يأكد لنا !
والاوت ليت قريت الموضوع المثبت وانشالله نستفيد منه ^ـ^
اما الثلاث ايام فاستحاله تكفينا للتسوق + السياحه !!! .... اتوقع السوق بروحه يبيله خمس ايام ، خبرك حريم
- الفندق سعره اكثر من معقول وينقال عنه رخيص مقابل باقي الفنادق ... لكني لقيته بموقع booking سعر الليله 67 دينار للشخصين ! ماحصلت ثلاث اشخاص ، وين حصلت السعر الي تقول عنه ؟
- فينيسيا يكفيها يوم واحد صحيح دام مافيها شي ، خوش معلومات بخصوص المكانين ، راح احطهم ظمن الخطه دام الواحد واصل خلنشووف الي عندهم ، وعلى جذي تأكدت من ليلة المبيت بفينيسيا وماراح نروح ونرجع بنفس اليوم
- القطار ممكن ينحجز من الكويت ؟ او من لندن ؟ ولا ممكن احصل تذاكر بنفس الوقت وماكو مشكله ؟ .. طيب هذا بالنسبه للتنقل بين المناطق ، ولكن التنقل في داخل المنطقه الافضل تاكسي ولا باص ؟
- الفيزا والله للحين مارحنا ولا عندي فكره عنها ابداً ، لان اعتقد بيحتاجون لموعد السفر واحنا للحين ماحجزنا ، ونحتاج لفيزا بريطانيا وفيزا اوربا
- الوالده ضد الطيران الداخلي ; ..... تفضّل القطار بالتنقل ... التنقل بين (روما - ميلان - فينيسيا( ماينفع بالقطار ؟ اشلون اعرف الوقت بين هالمناطق


الف شكر لك على كل معلومه ماقصرت ، واتمنى لك رحله سعيده ^ـ^



بميلان يبدي 15/7 إلى 15/8 هذه التنزيلات الصيفية أما الشتوية 15/1 إلى 15/2 .. بالنسبة للأيام صدقيني ميلان مدينة التسوق وبس حسب اللي شفته يعني ما رحنا أماكن سياحية إلا اللهم نادي رياضي يعني 3 أيام تكفي وتوفي
بالنسبة للفندق انا اعتذر منج لأن رحلتنا شبابية فمقسمها على 3 وعطيتج سعر الليلة مع القسمة!! مع الحسابات والترتيبات ضيعت السموحة بس تقدرين تحجزين من بوكنغ وتضيفين سرير (20 يورو على السرير الواحد لليلة وحدة).
التنقل بين المناطق كنا نستخدم القطار وما حصلنا أي مشاكل بالحجوزات مع ان وقتنا كان صيف ووقت ضغط بس كنا نحصل اللي نبيه على طول الحمد لله والحجز مثل ما قلت لج من المترو نفسه في مكينة آلية وفي كبينه حق اللي ما يعرف يحجز من المكينة .. وبالنسبة للتنقل داخل المدينة ميلانو بالذات فيها ترام يوصلج ابرز الاماكن بميلان بس تحملوا بطئه شوي وكثرة توقيفاته! بس ممتع حق السياح وباقي مناطق إيطاليا كنا نستخدم التكسي بصراحة حق الأماكن البعيدة شوي مع انهم غالين حبتين .. وفينيس طبعا ما تحتاجين تكسي إلا التكسي البحري اللي يوصلج من محطة القطار إلى ساحة السان ماركو بس المركب الشخصي غالي شوي حاولوا تركبون المركب الجماعي 5 يورو للشخص.
والتنقل بين المناطق مثل ما ذكرت لج ما يمنع بالقطار بس ياخذ اوقات طويلة متعبة بين المناطق البعيدة! احيانا المناظر الخارجية تقزر عليكم البعد شوي
بالنسبة للفيزا انشالله الرد الجاي اوضح لكم اجراءاتها ومتطلباتها بالضبط خاصة حق الكويت لأنها تختلف عن المتطلبات اللي يكتبونها الاخوان من السعودية ..

مواضيع عشوائيه ممكن تكون تعجبك اخترناها لك: