انا باقلك تجربتي

قعدت 7 ليالي

4 بروما و3 فينيسيا .. وكانت مناسبة جدا

انت اذا 10 ايام روح كمان ميلان ومنها تطلع على المدن المجاورة

اقرأ تقارير الاعضاء مليانة ماشالله وفيها تفاصيل مفيدة جدا

انا رحت فروما فندق ماسكاني واريستون .. من موقع البوكينق .. والفندقين قريبين من محطة القطار روما ترميني

الاول ماسكاني موقعه افضل

وحاول قد ما تقدر توفر قيمة المواصلات عن طريق الباصات والمشي بالاقدام .. عندك الباص السياحي روعة .. يوديك اهم المناطق السياحية بروما ويوقفك محل ماتبي ويمديك تطلعه مرة ثانية وهو حل ممتاز جدا

بالنسبة لفينيسيا .. انا سكنت بفندق بيلا فينيسيا وايضا موقعه ممتاز بين سان ماركو وجسر ريالتو وهما اهم معلمين في فينيسيا ..

وفينيسيا خذ الباص المائي عشان ينقلك لفندقك لان التاكسي المائي غالي ومكلف بدون داعي

وبعدين امشي برجولك في هالمدينة ماتحتاج مواصلات ابدا

وبرأيي ميزانيتك ممتازة .. وتناسب فنادق اربع نجوم مثل اللي نزلت فيها

هذا اللي عندي واذا احتجت اي شي اسال وباجاوبك ان شالله

والخبراء ماراح يقصرو اكيد