الموضوع: حيرونا السفارة هل حد جرب الفيزا الجديده اون لاين الي جربها ولا ايهون ايفيدنا

السلام عليكم ورحمة الله وبركاته
هلا وغلا الغالين
كيف الحال ان شاءالله بخير ..

قدمت على الفيزا الجديدة اون لاين الاسبوع الي راح وقبلها كلمت السفارة البريطانية في الدوحة استفسر عن نظام الفيزا وقالوا انك بعد ماأتقدم لازم تنتظر حوالي 48 ساعة لين ايجيك ايميل بالموافقة ..

تفاجئت اليوم بأتصال من السفارة البريطانية في ابوظبي ونفس الوقت كانوا امطرشين ايميل وايقولون ان واحد من الطلبات فيه غلط في تاريخ الميلاد فقالي ادخل الطلب نفسه وعدل التاريخ ..

فقلت فرصه اسأله متى بتردون علي لان لحد الحين محد رد علي بأي ايميل ..
المفاجئة قالي احنا ما انرد عليك ..اطبع الطلب وخله وياك وهناك في المطار عطهم الطلب وراح ايبين على الكمبيوتر عنده ..

الحين احترت ..سفارة البريطانيا الي في ابوظبي اتقول ما أنرد عليك والطلب يعتبر اوكي ..
والسفارة البريطانية الي في الدوحة ايقولون لازم تنتظر لين انرد عليك !

هل فيه حد جرب النظام الجديد .؟ اتمنى ايوضح لنا الموضوع من خلال تجربته ..

في حفظ الله ورعايته ..

مواضيع عشوائيه ممكن تكون تعجبك اخترناها لك:

• استشارة بالميزانية
• هل توقيت لندن يختلف عن توقيت جرينتش
• نصيحتكم بفندق لاحتفالية ليلة راس السنه في لندن
• مطلوووب معهد انجليزي قريب الريجنت بارك اماكن غير وجديده في لندن
• ساعدوني رحلتي السبت باذن الله
• فنادق لندن Sheraton Park Tower
• استفسار بخصوص قوانين السكن في بريطانيا
• استفسار السياااحه بلندن
• الي خبراء لندن
• بخصوص الفيزا وتعريف العمل
• السفر لأيرلندا ثم إلى لندن
• دورة لغة في مدينة بورنموث
• حجزت من باريس الى لندن بقطار ، ولم احجز لابني سنتين ونصف هل فيه مشكله ؟
• استفسار عن مصنع بيربري والتاكس
• بخصوص الاتصال على البوكينج
• هل لندن امان
• جدولي في بريطانيا
• ابي شقه لشخصين لطلاب ويكون سعرها رخيص
• اخطط لرحلة عائليةلبريطانيا بعد العيد ولم يسبق لنازيارتها أتمنى أجدهكما احلم بها
• تكفى يا اهل ايرلندا اللي قد سافر ايرلند وله خبرة عن ايرلند طلبتكم رحلتي قريبة

هلا وغلا السمي

هذا النظام مازال موجود ولكن الفيزا هذي نظام أون لاين وبدون رسوم ومسموح لك مره وحده تدخل فيها ..

الي أتكلم عنه شي ثاني

أتمنى الإفادة ، انا قدمتها عن طريق مكتب خدمات لآني حسيتها معقده شوي ، طبعلي ورقة من الموقع في بياناتي فقط وقال هذه الورقة تقدمها للمطار فقط ، وهم بالأساس ما يردون عليك إيميل ، يتم الرد بالايميل الا اذا كان في شي خطأ ، كل التوفيق لك من الموبايل

ممكن تستفسر اكثر في سفريات ريجنسي الي في شارع سحيم بن حمد عندهم قسم خاص للفيزا ، هم بيوضحون لك اكثر ، واسمحلي على الإطالة من الموبايل

هلا وغلا الغالي

لاهنت جعلك تسلم

أبشرك كلموني السفارة البريطانية الي في ابوظبي اول امس وقلت فرصة اسألهم وفعلا قالوا احنا ماانرد عليك وكل الي عليك اطبع الطلب وروح المطار..
سفرتنا في العيد وبنشوف عساها اتعدي على خير 😅

وبيني وبينك ..

أحب أسوي كل شي بنفسي عشان أتعلم واوفر على الي حولي الوقت والمال ☺️

عشان كذا كل الفيز الي قدمتها انا امسويها

موفق ياخوي

الله الحافظ اخوك سفرته تاريخ 2

والله يستر 😄 من الموبايل

هلا اخوي
احنا عندنا هالنظام .. بحكم اني رح اسافر بعد العيد لبريطانيا ف قدمت عالفيزا اونلاين بعد اسفسارات من الي مجربينها
ومثل ما ذكرت .. تقدم وتطبع الورقه وتاخذها معك للمطار .. بدون انتظار ايميل الموافقه .. بس يوصلك ايميل السبمشن

انا حاليا سويت هالفيزا ومثل ماقلتوا يتصلون في حالة وجود خطأ قصدي يطرشون ايميل

الحين انا ابي اعرف من اسأل في المطار شلون اقدر اشيك عليها في المطار بصراحه مابي اتوهق انا معاي كبار سن يعني مابي اتعبهم واحطهم في مشكلة
واخسر تذاكري يعني يبين في سيستم المطار انه في غلط او شيء انا الورقة الي عندها راجعتها الف مرة وتأكدت منها ومن صحة البيانات

السلام عليكم

هلا وغلا الغالين

ان شاءالله بنزل موضوع منفصل عن تجربتنا مع الفيزا الجديدة

خبيرتنا اثوري

لا اتحاتين الامور طيبه اذا المعلومات كلها صحيحه وتفاصيل الرحله بعد اتكون صحيحه مثل رقم الرحله وغيرها