الموضوع: بخصوص الفيزا الجديده لسيرلانكا

السلام عليكم انا ان شاء الله سفرتي بعد كم يوم

قابلت صاحب الوالد امس ومع السوالف قال لي انه توه جاي من سيرلانكا قبل يومين ويقول لي بخصوص الفيزا ان سعر الفيزا النظامي هو 20$ عن طريق الموقع ويوجد مكتب خاص هناك في مطار سيرلانكا يعمل الفيزا بسعر 20 $ + عمولة 5$ = 25$ الاجمالي


والحمد لله ريحني بهذي السالفه وحبيت اطمنكم بس وان شاء الله يسهل الامور يا رب

مواضيع عشوائيه ممكن تكون تعجبك اخترناها لك:

• إستفسار بخصوص فيزا شنغن ضروري جداً
• فيزا فرنسا الشينقنمتطلباترسوم الفيزامواصفات الصورهنموذج الطلباوقات العملالموقع
• تم رفض التأشيرة في جدة
• حجز موعد بالسفارة النمساوية
• تجربة استخراج شنغن فرنسيه مارس
• تاشيرة شنغن لبناتي؟
• أريد مساعدة تأشيرة إنجلترا جزاكم الله خيرا
• تخيلوا معي طول الانتظار وفي الاخير ؟؟؟ اه يا المانيا
• مساعدة بخصوص التأشيرة الأمريكية
• استفسار عاجل عن رقم ايصال الدفع
• تقديم الطلب من البحرين
• حل مشكلة كشف الحساب : للمقيمين والمواطنين في السعودية
• مدة الرفض لتأشيرة الشنغن
• فيزا الصين من المويت
• استفسار عن امكانية السفر بفيزا بلجيكا
• محتاج مساعدة بخصوص تأشيرة الدراسة للنمسا
• هل يمكنني التقديم عالفيزا الامريكية وانا لدي مخالفات ساهر؟؟
• ضروري الله يسعدكم مابقى شيء عن الرحلة
• بالصور تعبئة نموذج طلب الفيزا السويسرية الشنجن المطلوبة من السفاراة السويسرية
• تجربتي مع سفارة النمسا

اي الحمدلله اذا كان في مكتب بالمطار يسويها يعني راح يوفر علينا دوخه السفاره

الله يبشرك بالخير ونبي نسمع منكم تأكيد هالكلام بسفرتكم بهالايام

ان شاء الله بأذن الله يا رب
نعطيكم الاخبار اول باول ان شاء الله يكون في انترنت في الفنادق

يا اخي انا ما ادري هم يستهبلون!!!

على الموقع بـ 20 دولار وفي المطار بـ25 دولار

ومن السفارة بالرياض بــ 200 ريال !!!!!!!!

المصيبة الكبرى انهم حاطين خطاب من السفير السريلانكي بالرياض بشروط وتعليمات استخراج الفيزا, وحاطين ان المواطنين السعودية من الجاليات المسموح لها بالسفر بدون فيزا وبدون مصاريف اذا كانت مدة الاقامة لاتتعدى 30 يوم وهذا من خطابه بالنص على موقع السفارة بالرياض:

countries whose nationals can enter sri lanka as holiday
makers without prior visa and remain for 30 days without a
payment16. CROATIA 55. ROMANIA
17. CYPRUS 56. RUSSIAN FEDERATION
18. CZECH, REPUBLIC OF 57. SAUDI ARABIA
19. DENMARK 58. SERBIA - MONTENEGRO
20. ESTONIA 59. SEYCHELLES
21. FINLAND 60. SINGAPORE
22. FRANCE 61. SLOVENIAالرابط:
http://www.lankaemb-riyadh.org/consu...structions.pdf

اتصلت عليهم 014608232
رد علي موظف يقول لازم استخراج الفيزا من الرياض وقيمتها 200 ريال , ويوم حاجيته بالخطاب اللي موقعهم تلخبط ورفض يحولني على السفير او نائبه, وبالاخير سألني حجزت فنادق؟ قلت لا للحين قلت يمكن يطلب الفوتشرز
قال: اعرف لك مكتب سياحه ممتاز !!!
يستهبل ذا.
المهم ارتفع ضغطي وقفلت.

يعني محد يقدر يدخل سيرلانكا غير بفيزه الحين الحل

الله يعيطك العافيه شكرا على هذي المعلومه
بس برضوا نستنى ردك من سيرلانكا

السلام عليكم

احدثكم من سيرلانكا اخواني فيزت من السفاره لكل جواز 200 ريال حسيت انه فيه تخبط او غش بس اعطوني ورقه صغيره صفراء تثبت اني دفعت لهم على كل جواز 200 ريال والحقيقه لما وصلت المكار عندهم وجدت اللي ماعمل فيزه يذهب الى شباك كله زحمه وسراء وبعدها تذهم الى ختم الجوزات وفيه سراء وكذلك عن الشنط من وجهة نظري يكون الواحد جاهز من الناحيه هذي افضل لأنه سفر متعب 5 ساعات وبعدها تخش في سروات ممكن العزابي عادي بس صاحب العائله اعتقد تعب شوي عليه ولا اعرف كم ياخذون مقابلها بالمطار حبيت افيدكم بما استطيع الان اتحدث والساعه تقريبا 11 عندهم وزياده بروح انام اصحى بدري تصبحون على خير سلامي للأخوه الاعزاء وخاصه الاخ جهيد وابن فطوطه .

السلام عليكم
انا ان شاءالله مسافر الايام الجايه ومريت على السفاره السري لانكيه هينا بالرياض واعطوني الرابط وقالواا هذا جديد ولكل دول العالم ودخلت على الموقع وسجلت ودفعت بالفيزا 20 دولار وطبعتها وهي معي سهله جدا وفوريه ولي رد بعد ماادخل الدوله ان شاءالله
ولك وللجميع الرابط ولتعم الفائده

https://eta.gov.lk/etaslvisa/etaNavServ?payType=1
او ابد من الاول اذا مافتح بهاذا
http://www.eta.gov.ik/
http://www.eta.gov.lk/slvisa/ثم اضغط انجليزي ثك كلمة apply ثم اتضغط على نهاية الصفحه على I Agree ثم عاد دخل المعلومات وكلها باالانجليزي وبعد ماتخلص تفتح لك صفحه ثانيه وتدخل الفيزا وفي الاخير تقبل وتطبعها وانتهت
وتطلع لك تاشيره كبيررررررررررررررره هههههههه
لاتصدق يبي لك عدسات مكبره صغيره جدا ويقولون تاخذها واول ماتدخل مطارهم تقدمها مع الجواز وانتهى ونبي انجرب

اهلا
التفييز من المطار سهل جدا ولاياخذ اكثر من خمس دقائق كحد اقصى , وايضا يكلف 25 دولار فقط يعني قرابة 100 ريال .....
بلا سفارة بلا وجع راس

حنا ندري انه سهل لكن انا رحت السفاره وقالو من شهر طبقو هاذا لجميع الجنسيات العالم يه هاذا كلامهم وانت داخل بكل المواضيع ومكبر السالفه ومصغرها بنفس الوقت سهل سهل في المطار في المطار

ياجماعة الخير
اللحين الفيزا تطلع على 3 طرق
الموقع 20 دولار
المطار 25 دولار
السفارة 200 ريال يعني بحدود 50 دولار

وانا طلعتها من السفارة قبل السفرة باسسبوعين ولمن وصلت مطارهم وشفت الزحمة على مكتب المطار كانهم نمل على كيكة مع احترامي شكرت نفسي شكرا كثيرا وشريت لنفسي عصير اكرامية لاني فيزت من السفارة واول واحد ختم من اللي كانو بنفس الطايرة انا واهلي بدقيقة واحده فقط
المفيد للمسافر/ـة الكريم/ـة انه اختر/ي احدى الطرق اللي تراها مناسبة لك
محدثكم / من شاليهات القوفرنورز بنوراليا
تحياتي للجميع

المشاركة الأصلية كتبت بواسطة جهبد
http://www.arabtravelersforum.com/tr...3/#post6591073

ياجماعة الخير
اللحين الفيزا تطلع على 3 طرق
الموقع 20 دولار
المطار 25 دولار
السفارة 200 ريال يعني بحدود 50 دولار

وانا طلعتها من السفارة قبل السفرة باسسبوعين ولمن وصلت مطارهم وشفت الزحمة على مكتب المطار كانهم نمل على كيكة مع احترامي شكرت نفسي شكرا كثيرا وشريت لنفسي عصير اكرامية لاني فيزت من السفارة واول واحد ختم من اللي كانو بنفس الطايرة انا واهلي بدقيقة واحده فقط
المفيد للمسافر/ـة الكريم/ـة انه اختر/ي احدى الطرق اللي تراها مناسبة لك
محدثكم / من شاليهات القوفرنورز بنوراليا
تحياتي للجميع



الحمدلله على سلامتكم

ياخي اسكت لا تجيب طاري الشاليهات لا تقطع قلبي هههههه

اخواني بالنبه للترانزيت يعني انا طالع من جده لسيرلانكا للمالديف ترانزيت هل احتاج لفيزا سيرلانكا من مطارهم

^^^
ماتحتاج فيزا دامك ترانزيت ومنت مغادر مطار كولومبو

المشاركة الأصلية كتبت بواسطة Usas
http://www.arabtravelersforum.com/tr...5/#post7941715

^^^
ماتحتاج فيزا دامك ترانزيت ومنت مغادر مطار كولومبو

بيض الله وجهك ياغالي ماقصرت