المشاركة الأصلية كتبت بواسطة ABO-ISSA
http://www.arabtravelersforum.com/tr...9/#post8275129

اييه يالحالم انا اقول وش رايك تسبق رحلتك يوم ونروح سوا وتشوف كل شي وبدون ما تسال ولا سؤال في رقبتي

شوف يا عزيزي اهم معلومة حطها في بالك الهارودز سابقا كان للفايد وتم بيعه للحكومة القطـرية هذا اولا

ثانيا المنطقة اسمها نايتس بريدج والمحل اسمه هارودز وارتبط الاسم عشان المحل مهيب حي ولا شي

الشي الثالث احسنت في اختيار الفندق منطقة Kensington من المناطق الجميلة للسكن وخصوصا انك قريب جدا من اهم الشوارع فيها
Cromwell و Gloucester Road
طبعا كيف بتروح للهارودز بنفس شارع Cromwell ممكن تستخدم باص 14 او المسائية N74 , N97
واذا فيك شدة بياخذ منك الطريق مشيا تقريبا يبعد عنك كيلو ونص وانت ورجولك عاد



هلا وغلا يابو عيسى وانشاء المنطقي الحالم يصير معك واقعي يتمشى بين باصات لندن والمترو
والله خوتك ماتنعاف يابو عيسى ومفكر اتواصلك معك بس يابعدي انا مفكر اخر رحلتي يوم يعني تكون 22 جون بعد ماتكون وصلت وعينت من الله خير انت وعلى كلن مو اكيد ممكن اثبتها على 21 يوم يعني بعدك بيوم
ان الله شاء واوراد
ويطلوي عمرك على هالمعلومات القيمه والمفيده
اما سالفة مشي كيلو ونص
شوف انا من النوع ماشاء الله راعي مشي يسموني بيب بيب ههههههه من كثر مشيي
بس صراحه سالة اطق كيلو ونص مو مشينه بجو لندني وربيعي بس برنامجي بيكون ساعتين هنا وساعيتن هناك مو معقوله استنزف مخزوني اللياقي بكثرة امشي انا رايح اوسع صدري ولا اخترق الضاحيه وقفز حواجز هههههه
والله يابو عيسى الغالي مادري الفندق شفته على البوكنج وتعليقات كثيره تمدح فيه وصوره حلووووووووه واللوبي حقه شرح وفيه المستوى الادنى من اللي يقنعني من النظافه والروقان والفخامه

وش رائك يابو عيسى فيه خذلك لفه على صوره في البوكنج وعطني رائك
بعدين وش سالفة الرقم اللي جنبة كلمة مسائيه
ياخوي المسائيه هاذي مطعم مثلوثه شعبي مشهور عندنا العالم زحمه عنده
لايكون خلو لهم فرع في لندن

انت من وين يابو عيسى
انا طيارتي من الرياض
تصدق يابو عيسى امس ولاني حالم
قاعد اتخيل نفسي امشي في الاجوررود وانا المزاج ضارب اتش ومضيع وماني عارف اطلع للاكسفورد وفجاه القى واحد حبوب ومبستم وشقردي واقوله ياخي اي محطه اخذها للاكسفورد ويقولي المسأله سهله ولو اني منك كان اخدت لفه على المنتدى المسافرون العرب فيه كثير من الاخوان لهم مشاركاتكات ويعلمونك
كان اجاوبه واقوله والله طرحت موضوع وفيه اثنين عسل حاول يساعدوني واحد اسمه فيصل والثاني اسمه ابو عيسى بس وش تسوي المخ متربس
كان يقول انا ابو عيسى
كان ابقق عيوني
واقول
انا منطقي حالم
بالاحضان
والصحافه الانجليزيه تصورنا
ومن بكره خبر صحفي
اخوين يلتقيان وهم لا يعرفون انهما اخوان سوى عند رؤيتهم لبعضهما لاول مره ونصير مشاهير انا وياك والانجليز يلاحقونا ويقولون لنا وقعوا لنا اوتو قراف
ههههههههههههههههههههههههه
والله اني فاضي صدق







مواضيع عشوائيه ممكن تكون تعجبك اخترناها لك: