الموضوع: اول سفره لى لبريطانيا ساعدونى ؟؟؟؟

السلام عليكم ,,,,اخوانى الاعضاء الكرام انا ناويه اسافر بالصيف لبريطانيا ابي فزعتكم تكفون
السفره تقريبا 20يوم واحنا عائله ام واب وثلاث اطفال
1- ابي مدن حلوه غير لندن تستاهل اروح له وكم المسافه ؟بينها وبين لندن ؟وسيله المواصلات نوعها؟
2- ايضا ابى فنادق نظيفه فى لندن اهم شى نظيفه وقريبه للسنتر ؟
ارجوا منكم المساعده لانى مااعرف شى ومشكورين مقدما

مواضيع عشوائيه ممكن تكون تعجبك اخترناها لك:

• اذا كانت وجهتنا الى لندن الى اين نذهب ايضا
• ارجو المساعده استفسار عن
• يارب اللي يجاوبني الله يسعده
• فندق او شقة في لندن
• أرخص طريقة للحصول على تذاكر الاماكن السياحية في لندن
• كم تكلفة السفر الى الريف الانجليزي
• ممكن البوستل كود
• سفري بعد يومين وابيكم ضروري
• هل تنصحووني بالسفر الى لندن في شهر 1 يناير
• كيف الوضع في لندن يوم عيد الميلاد تحديداً ؟
• محتاج جدول خفيف للشتاء
• اول مره اسافر وعندي كذا سؤال
• شرح مبسط عن الباصات الحمراء
• الفيزا البريطانية إستفسار بسيط جداً
• هل المعلبات في مطار هيثرو ممنوعة
• افضل الاماكن الطبيعيه في بريطانيا
• مدام توسو بلاك بول
• برمنجهام
• استفسار عاجل كيف أحجز لمسريحة لاين كينق بالانتر نت ؟
• اللي راح بريطانيا وطالع بخصوص التاكس فري

منطقة البحيرات مررره حلوه تستاهل تروحين لها
مانشستر حلوه فيها الملعب والبيكاديلي والحديقه

ارشح البحيرات و ادنبره

و الفنادق سهلة اهم شي ترسون على مخطط للرحلة

و ابشروا بالباقي مايقصرون الاهضاء

كم الميزانية اليومية للفندق

والمدن هية - برايتون - بلاك بول - ماشيتر
والبحيرات
بحيرة وينداميير

أسهل طريقة تروح بالقطار
تروح لمدينة وينداميير Windermere*
حيث هناك تقع بحيرة وينداميير

http://www.nationalrail.co.uk/

لما توصلون المدينة راح تحصلون خارج محطة القطار الصغيرة جدا محلات تسوق ، وخلفها جهة المدينة راح تحصلون مركز الإرشاد السياحي. يوفر المركز جميع المعلومات اللي راح تحتاجونها .

تقدرون تروحون بالتاكسي للمدينة والبحيرة.

أو إذا كنتو تحبون المشي تروحون مشي ويبعد وسط المدينة أقل من 10 دقائق ، والبحيرة حوالي 20 دقيقة .

السكن متوفر في كل مكان سواء فنادق أو نزل رخيصة .

يتوفر في المنطقة أماكن استجمام ورحلات في البحيرة ، واستئجار قوارب ، ومطاعم متنوعة .

المدينة صغيرة نوعا ما .
والتنزة حول البحيرة ، وركوب القوارب أفضل شيء في المنطقة .

يومين كافية تماما.

يمكن يوم واحد يكون كافي بعد إذا كنت مستعجل .

وممكن تسوون بحث في قوقل.. معلومات شاملة عن المنطقة
Lake Windermere, Cumbria



أفضل وقت لزيارتها من شهر 4 الى شهر 10*


توجد بعض المناطق الريفيه الانجليزي وهي مناطق حلوة*
1- swansea هذه المنطقة وايد حلوة .
2- tenby منطقة ريفية وهادءة .
3- barryisland منطقة بحرية حبيت احطها لكم لانها وناسة وحركة .
4- brecon وايد حلوه وناسة انصحكم فيها وهذي المنطقة ايبون منها مياه صحية .
وهذا سايت في عن الاكواخ*

http://www.walesdirectory.co.uk/holiday-cottages


اتمنى هذه المعلومات تفيدكم


واي خدمه *

الاعضاء اخر فرصه -موادع1
ا الف شكر,,,,,,,, لكن ممكن سوال منطقه البحيرات هى نفسها وينداميير؟؟؟
و وابغى مدينه حلوه ايش ترشحون تكون فيها طبيعه وتسوق وفنادق حلوه.......ومدينه ريفيه كمان حلوه تكفي طبيعه ,,,,,,,,,
مع لندن الي مخططه لها 10 ايام شورايكم ابغها تسوق وسياحه فقط
تحملوني شوى ورتبولى على هالاساس.................

ماشاء الله تبارك الله ماقصر مشرفنا موادع

مانشستر 3 أيام شهرة - وندرمير 2 يوم طبيعة - قلين رايدنق 2 يوم ريف - ادنبره 3 يوم تأريخ - لندن 10 يوم تسوق

وندرمير بحيرة و هي جزء من منطقة البحيرات و هي الأكثر شهرة